[الحجاج ●]

السلام عليكم ورحمة الله وبركاته

صباح الخير لأجمل قسم بالوئام...... قسم الأصدقاء
أحب هذا القسم لأنو هنا تعبر عن صداقتك وحبك لبقية الأعضاء بدون حرج

أنا كدا أفهم الصداقة ...... علاقة جمعتنا على حب بعض
أكيد دحين كتييييييييييييير مستغربين اني كاتب أكتر من موضوع مو طبعي أنزل مواضيع
سوري وحقية ماني بارع في طرح المواضيع .... لانو المبدعين كتير في الوئام بس للأسف ماني منهم
بس حقيقي ........ صحيت الصبح اليوم مبسوط وشربت كوب قهوة الي انا مدمن عليها كتييير

وجا في بالي بعد قراءتي لموضوع الملف الشخصي لموج هادئ كتييييييير من الأسئلة

فأنا الصورة الي موجودة في ملفي صورة كوب الكابتشينو......
لكن في أعضاء تانين اختاروا صور مختلفة ........
أتمنى من باب الصداقة والميانة
انو كل عضو يقولنا ليش اختار الصورة الي في ملفه الشخصي
والي ما غير صورة كوب الكابتشينو يقولنا ليش بقي ما غير الصورة ...... ما عنده يعني صورة أحلى !!! والا ايش ؟

واللي حابب كمان يقولنا ليش اختار اسمه " النك نيم " ما أدري اش ترجمته بالعربي


أنا بالنسبة لي ما غيرت كوب الكابتشينو بصراحة لأني ما أعرف كيف أغير الإعدادات ... وأخاف أغير تروح تخرب علي ... وما أحب وجع الدماغ
تاني شي لأنو خلاص تعودت على الشئ دا .... وأخاف أغير صورة لي أنا اتعرفت بيها حتى لو تقليدية

أما اسم الحجاج فبصراحة أنا قلت قبل كدا في رد على متمني ليش اخترت الحجاج وممكن أعيده لو أحد تاني ملقوف زي ويبغى يعرف


ما ألوم أحد لو ماشاركنا فضولنا بس ما أعذر مووووج لازم تقولنا عن الصورة في ملفها الشخصي
أسيبكم مع قهوتكم .......

الحجاج

[شموع الغربية ●]

وعليكم السلام ورحمة الله وبركاته
موضوعك حلو خيو حجاج
انا بالنسبه لي ،،الصورة من سجلت بالوئام وهي عاجبتني ومره فكرت باغيرها وكان قبل فتره جهازي مليان فيروسات وبطلت الفكره بس ماااعتقد انو بيوم راح اغيرها تعودت عليها،،تذكرني بالقهوه وانا مدمنه ليها كل فجر <<<شيبت

اما شموع الغربيه،،،وماادراك ماشموع
الاسم هذا ينفصل الى قسمين او جزاين او بابين او او ....
الاول شموع ممكن لانو الشمعة تضي ماحولها يميل ضوها بفعل الريح شوي بس مااتنطفي يعني احس فيه عطاء ومع ذلك بضوها وافادتها للغير بتحرق نفسها لاجل غيرها <<صدق حكيمة
غير كذا كان هالاسم رغبة شخص لي من الصغر
بس يالله اسمي مو بعيد عنه كله فيه ضووو
اما الغربية واضحه ،،جدا لاني منها ،،،

مشكوور اخوي الحجاج ربنا يعطيك الف عافيه
ونشوفك على خير باذن الله

[wafei ●]

.................

...

الحجاج

طالما انك تحب الكابتشينو ليش تغير كوب الكابتشينو ؟؟

انا اعرف اللي يحب شخص عفواً اقصد اللي يحب شيء يحب يشوف صورته قدام عينه على طووول


صح والا
؟





بسيط تغيير الصورة ياسيدي
من الملف الشخصي تختار تغيير الصورة الرمزية


وسلامتك يادكتور

...

[الحجاج ●]

السلام عليكم ورحمة الله وبركاته

أهلين شمووووووع الغربية ...
ما شاء الله الله عليكي .... بس على فكرة ترى الشمعة تنطفي مع الهواء ... اش الي ما تنطفي دا ؟؟!!!
ايوا صحيح شموع الغربية شمعة ما تنطفي ... بس الشمع العادي اممممممممم
ما أدري .... أحرجتك صح ؟؟؟
حلو اسمك شموووووع الغربية ....
وطيب انك ما نقلتي للوئام فيروساتك .... خليها في الجهاز ....ماتنحرم منك

وافي حبيبي الله يسعدك يارب ........
كلامك صح والله ... ودا شئ تاني اني بأحب القهوة خاصة الصورة حلوة
بس أنا المشكلة عندي في أشياء ما تحصل لي مثلا بأحس كتير اني ما أقدر أنزل صور أو ما اسمع مقاطع الصوت عشان كدا أقول ياعم بلاش تخربط وتخرب

تاني شي يااخويا يا وافي ليش تتغلى علينا ؟؟؟
ليش يا باشا ؟؟؟ أحسك تبغانا نترجااااااااك

قولنا انت بالذات" وموووووج كمان لساتها في بالي "
ليش صورة الصقر .... أنا من يوم عرفتك وهي صورة الصقر ... وانت عارف قصدي وافي اش من يوم عرفتك .. ليش ما جا على بالك تغيره يومتها ؟
أحرجتك انت كمان صح؟

بجد ليش الصقر وهو هو نفسه ما تغير يا وافي الي لو كنت جاوبت ع السؤال دا أول وتبغانا نشتغل وندور ع الاجابة

مشكوووووووووووووورين ونبغى نشوف الباقين ليش صورهم وتعبر عن ايش ؟؟

الحجاج

[مياسم ●]

والله مشاء الله عليك الحجاج بالعكس انت مبدع مره في طرح المواضيع مشاء الله عليك موضوعك رائع وتشكر عليه ...وترى على فكره حتى انا احبببب الكابتشينو تقدر تقول مدمنه لازم يوميا او شبه يومي اشرب منو

طيب انا بالنسبه لصورتي اخترتها لاني احبها ...كيذا عجبتني الصوره

بالنسبه للنك :هذا اسم بنت خالتي الصغيره احبببببببها مره عشان كيذا سميت زي اسمها...كان نفسي احط صورتها نفسي كلكم تشوفونها بس امها مي راضيه ......
ومره ثانيه مشكوور الحجاااج الله يعطيك العافيه

[الحجاج ●]

السلام عليكم ورحمة الله وبركاته

مياسم مشكوووووووووووورة مررررررررة ع المجاملة الحلوة

مياسم ما كفتيني اجابتك انك تحبي الصورة ..... بس ليش صورة طفلة صغيرة بتعني ايش عشان حبيتي الصورة ؟
هو دا السؤال ......
مو اختبار دا مياسم لا تخافي


عاشت الأسامي مياسم ...... حلو الاسم والله

على فكرة برضو بتدلعوها تنادوها ميسومة ........
وقوليلي متى تخلصي امتحانات بالزبط؟؟

الحجاج

[مياسم ●]

المشاركة الأصلية كتبت بواسطة الحجاج

السلام عليكم ورحمة الله وبركاته

مياسم مشكوووووووووووورة مررررررررة ع المجاملة الحلوة

مياسم ما كفتيني اجابتك انك تحبي الصورة ..... بس ليش صورة طفلة صغيرة بتعني ايش عشان حبيتي الصورة ؟
هو دا السؤال ......
مو اختبار دا مياسم لا تخافي


عاشت الأسامي مياسم ...... حلو الاسم والله

على فكرة برضو بتدلعوها تنادوها ميسومة ........
وقوليلي متى تخلصي امتحانات بالزبط؟؟

الحجاج

طيب راح اجاوبك شوف انا احببب الاطفال مره عشان كيذا اخترت صورة طفله حتى بالتوقيع ..لاني احب صور الاطفال..

امتحاناتي تخلص تاريخ 10 <7 ...
لسه باقي عندي اسبوع اجازه قبل الاختبارات ...لاتنسانا من دعواتك ...

[الحجاج ●]

السلام عليكم ورحمة الله وبركاته

مشكوووورة مياسم .....
الله يوفقك يارب وتخلصوا امتحاناتت وبدرجات عالية

الله يرزقك يارب ببزورة كتيييييييييييييييييييييييييييييييييييييييييير تحطي صورهم في كل مكان يارب

سوري مياااسم طفشتك معايا بس والله رديتي وعبرتينا

الله يوفقكم يارب

الحجاج

[الراقيــة ●]

موضوعك بنكهة الكابوتشينو حجاجوووه


قصدي حلوه نكهته ههههه


انا طبعا احب الكابتشينو بس اكره صورة الفنجان هذي اللي في المنتدى احسها غبيه هههههههههه مدري ليه
<<تتلفت تشوف وافي حولها ولا لا تبي تفضفض عن الصوره وانها شينه هع هع

صورتي اللي حطيتها طبعا فيها اسمي

واسمي اخترته لانه يعبر عني<<واثقه خخخخ

بس اعجبني الاسم

[عازف الإيقاع ●]

يعطيك العافيه حجاجو ومشكور على موضوعك الرائع والجميل

أما بالنسبه لي وأختياري لإسمي في عضو في المنتدى اسمه عازف الناي فقلت خلني أقلده وسجلت عازف الإيقاع


والصوره عجبتني كذا يعني ولد حليوه وكوشخه ومرتب هههههههه

يسعدك ربي حجاجو وما ننحرم منك ومن مواضيعك الرائعه