آه على الكبسه ..
لحم ... دجاج .. بس المهم ... تضبط الحمسه ..
آ ه على الكبسه ..
بلا رجيم .. بلا بطيخ.... هدوني .. خلوني ... ادق بالخمسه ..
آ ه على الكبسه ..
قالوا لي .. انتبه .. يالخبل ..
شوف ... روحك .. صرت .. مثل الطبل ..
قلت ... آه .. على الكبسه ..
يا جماعه ... ودي في ..بنيه
من الهفوف ولا مبرزيه .. .
بنت اصل .. مزيونه ...تخاف الله ... ولا هي مغازلشيه ..
تعرف .. الهريس .. تعرف .. الصلونه .. ناكل من يدها .. الشعيريه ..
ومومهم.. لو سوت لنا .. فتوش ..ورق عنب او حتى .. الملوخيه ..
بنت العوايل .. بنت البلد .. والاصل حساويه .. ..
ياجماعه تراني .. شبعت ..طفشت ... مليت من العزوبيه..
ولو..لفيت ... الحزم ولا الخالديه ..
ما في احلى من طبخك يامبرزيه ..
آه ... على الكبسه .. من يدك.. يالحساويه ..
الله على البنت الحساويه
ان بقيت من الهفوف تطبخ لك ملفوف
وان بقيت من المبرز تلبس لك الثوب المطرز
وان بقيت من العيون حلوه وتخبز فى التنور
وان بقيت بنت الصالحية تغني لك وتقول ياعنيه
وان بقيت بنت الجشه حتى الجت تحشه
وان بقيت بنت الطرف تمشى بختيال وتكلم من طرف
وعلشان مايزعلون باقي البنات وهذه بعد لكم.
هي مو قصيده ولا شي بقدر ماهو كلام حلو وياليته يعجبكم عن بناتنا بنات السعوديه...............
وعلى فكره لو تلف الكون كله ما راح تلاقي بجمال بنات بلدك ياالي تدور برا وراح تشوف..........
بنت الرياض زين وبياض ***** احلى البنات بنت الرياض
بنت القصيم مثل النسيم ***** فيها الدلع شي عضيــم
بنت الخـــــــبر مثل الزهر ***** يا محلا بسمة هالثغـــر
بنت الجبيل ضبي اصيــــل ***** عيونها تشفي العليـــل
بنت الحسا نجمة مســــــــا ***** من شافها اسمه نســـــا
بنت الهفوف احلى الطيوف **** من عقبها ما اقوى اشوف
بنت الحـــــزام ريح الخزام ***** تطلق من العين السهام
بنت ابهــا حلوة نبهـــــــــا ***** من شافها غصب حبهـا
بنت حايل غصن مايـــــــــل ***** جامعه لكل الخصايــل
بنت الظهـــران عشق ولهان ***** لاهي بأنسيه ولا جـــان
بنت الحفر سن وخصــــــــر ***** والشعر متعه للنضـــر
بنت العيون خضر المــــزون **** سنونها عقد مكنــــــون
بنت جـــده رقــه وحــــــده ***** ليناظرت شامخ تهده
بنت المدينه خفيفة الطينه **** حبوبه وحلوه حنونه وزينه
منقول