|
بوحْ الشعِر والنثر .. للشعر الفصيح والشعبي والنثر " المنقول " |
|
أدوات الموضوع |
25 / 08 / 2005, 51 : 07 PM | #1 | |||||||
أسطورة الوئام
شكراً: 0
تم شكره 3 مرة في 3 مشاركة
|
شاعر الاسبوع .. الامير .. خالد الفيصل ..
السلام عليكم ورحمة الله وبركاته مساكم الله بالخير جميعا هذا موضوع شفته في حدى المنتديات وحبيت نطبقه هنا في وئامنا ونستفيد منه فكرة الموضوع .. ان نختار شاعر و نطرح اكبر عدد ممكن من قصائده حتى نستفيد من قرائتها وقد يتسنى لنا قراءة قصائد لم نقرءها من قبل ان شاء الله تعجبكم الفكره .. همسه .. لن يكتمل الموضوع و يتالق الا بمشركاتكم
يموت الشجر واقف وظل الشجر ما مات = رياح الدهر تصرخ وهي تجرح جنوبـه لك الله شجر للموت ما ترخي الهامـات = بقت وقفتك يا رافـع الـراس مهيوبـه شجوني لها مع وقفتك يا شجـر وقفـات = عيون النظر مع نظرة الفكر مصحوبـه شموخ الشجر عبره لمن يفهم الشـارات = والإنسان في غفلـه والأيـام محسوبـه أرد النظر لاشك يـا نظرتـي هيهـات = أبستوعب العبـره بالأشجـار مكتوبـه وأنا يعتريني ضعف الإنسان و الهقوات = أروم العزايـم يـوم و أيّـام مسلوبـه أبظهر عن الدنيا مع حامـل النظـرات = و أسافر عن العالم على غايـم دروبـه و أبرسم على غيمة دروب الهوى بسمات = وأبنثر كـلام الحـب طـرب وطروبـه و أغنّي بها سامر وأقوّم بها عرضـات = وأبترك ثرى الدنيا لمن كـان مطلوبـه |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 54 : 07 PM | #2 | |||||||
أسطورة الوئام
شكراً: 0
تم شكره 3 مرة في 3 مشاركة
|
الحزن في صوتك ازعج ساكنـي = لين صار الكون من حولي حزين غصب عني حزن صوتك هاجني = لين خلّى عاصي المعنـى يليـن وامتثل حرف القصيـد وعادنـي = وانسكب حزنك على شعري حنين شلت انا صوتك وحزنك شالنـي = اكتم الصرخه وينسـاب الأنيـن طير انا مثلك زمانـي ضامنـي = جرحتني مثلك سيـوف السنيـن صابك اللي من زمـان صابنـي = في معاليق الحشا جرحـه دفيـن كلمـا ودعـت هـمّ زارنــي = من عذاب الوجد بيـاح الكنيـن الفرح عقـب الصداقـه هابنـي = خافت البسمه على وجهي تبيـن طير ياللي صوت حزنك هاضني = الله اللـي ينتصـر للصابريـن |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 58 : 07 PM | #3 | |||||||
أسطورة الوئام
شكراً: 0
تم شكره 3 مرة في 3 مشاركة
|
تساوت عندي الدنيا تسـاوت = وهي يومك قريب(ن) لي تفاوت حياتي عقب نورك مثل ليل(ن) = جميع نجومه من أدنى تهاوت ألا يا ناصح(ن) بالطب روحي = تراها لو لقت طب(ن) تـدوات ولكن من يعوّضنـي بخـل(ن) = معاليق الضماير بـه تـلاوت أنا وياه مـن عهـد الطفولـه = مثل قلبين في صدر(ن) تخاوت يجي عقبه فرح و إلاّ حزايـن = تساوت عندي الدّنيا تسـاوت |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 01 : 08 PM | #4 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياسامرين الليل في بحـر الأشـواق = يا ليتنـي معكـم يلـوح شراعـي بين القمر والمـوج لمعـه وبـرّاق = والنسمـه العذبـه للغاليـن داعـي القـرب يالغاليـن للـروح تريـاق = والبعـد ذَبّـاح القلـوب الوجاعـي لا واعنا اللي باطرف الليل مشتـاق = خلّوه ربعـه مـع سـلام الوداعـي يسهر مع الذكرى على صفر الأوراق = في صفحة(ن) تشرب دموع اليراعي بين الرجا والياس وقّف على سـاق = والدرب بقلـوب المواليـف ساعـي |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 04 : 08 PM | #5 | |||||||
أسطورة الوئام
شكراً: 0
تم شكره 3 مرة في 3 مشاركة
|
تنشد عن الحال .. حالي كيف ماشفته = وانا احسب انك قبل ذا الوقت تدري به في خاطري لك كلامٍ مير ماقلته = اجنبك مايحسك لو حياتي به هم جديد على الاول تحملته =عنك اتحمل كبير الهم وامشي به رحت اتمثل بطبع لك تعلمته = لاصار لك غالي لياك تشقي به |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 04 : 08 PM | #6 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياصاحبي هانت عليـك المحبـه = لاوحسايف عقب هاك المواثيـق جمر الغضا في وسط قلبي تشبه = نارٍ حطبها يابسـات المعاليـق كـاسٍ مليتـه بالوفـا لاتكبـه = خلّه يبلل بالوصل يابس الريـق صبّه بقلبي ثـم ملّـه وصبّـه = وان كان ودك غرق القلب تغريق دام الهوى راسي وراسك يهبـه = خذ سجّةٍ ترى زمانـك توافيـق ترى حلاة العمر مع من تحبـه = شخص تريد من جميع المخاليق |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 06 : 08 PM | #7 | |||||||
أسطورة الوئام
شكراً: 0
تم شكره 3 مرة في 3 مشاركة
|
نادميني كلهـا ساعـه و اغيـب = مابقى غير المـوادع يـا حبيـب سلّي الخفاق عـن هـمّ الزمـان = و اجلَي مْن العين نزّات السّريـب طالت ايامي و انا فـوق الشـدّاد = الذلول تسير و الراكـب غريـب درهمت بي في عجـاج القايلـه = و الثرى من حدرها جاله لهيـب كل خف(ن) يرسم بدربـي حـذر = لاهل ركب(ن) ما بعد طبّ الشعيب يفهّم اللي يفهم و يجهـل كثيـر = و المراجل دربها دايـم صعيـب يا كبر غلطـات جهّـال الحيـاة = ضعيوا بعيدهم واخطوا القريـب يا بعد فرق الّليـال مـن النهـار = و يا بعد فرق الغرير من اللّبيـب بعضهم يـزمّ بـه كثـر الهـدوم = وان تحدّث طاح من عين الرقيب كل رجل(ن) يستـره قـل الكـلام = و اللسـان يجمّلـه و الاّ يعيـب نادميني..وقتـي الباقـي قصيـر = و الْمِسي بعيونك جروحي تطيـب فرّغي قلبي و فكري مـن عنـاي = يا شعاع بالعمـر قبـل المغيـب و مضة(ن) في ليل دهر(ن) ظلوم = تبعث الآمال فـي وقـت عجيـب السؤال يغيب من قبـل الجـواب = نادميني ..كلها ساعـه و اغيـب |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 07 : 08 PM | #8 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياعل قلبٍ ماشكا الحب والتاع = تنهار من فوقه محاني ضلوعه ياما نهيت القلب لاشك ماطاع = ما طاع يدله والليالي تلوعه اثر المولع دمعته تجرح القاع = والي ذكر مافات هلّت دموعه يفز قلبي تالي الليل مرتاع = اخاف تبعد عن ربوعي ربوعه الموت كان العرف عقب البطا ضاع = والمنتحي ياسعود صعبٍ رجوعه في غير شوف العين مانيب طماع = حقه علي امشي بدرب المطوعه ابو عيونٍ رمشها سود و وساع = في ذبحها العاشق فتون و بتوعه |
|||||||
اللهم استرني فوق الارض و تحت الارض و يوم العرض
|
||||||||
25 / 08 / 2005, 33 : 09 PM | #9 | |||||||
العضويه الذهبيه
شكراً: 0
تم شكره 0 مرة في 0 مشاركة
|
راااااااااااااااااااااااااااااااائعه داااااااااااااااااائمااااااااااااااااااااا
ياااااااااااااااااااااسديم لي عوده قريبه بإذن الله سجلي اعجاااابي بالموضوع تحياااااااااتي |
|||||||
|
||||||||
25 / 08 / 2005, 33 : 10 PM | #10 | |||||||
العضويه الذهبيه
شكراً: 0
تم شكره 0 مرة في 0 مشاركة
|
غريب ومسافر لحالي =ودروب الايام تعابه أدور المنزل العالي =أزايم الحمل وارقى به ما أحب انا المركز التالي =الاول اموت واحيا به وش عاد لو الثمن غالي =روحي على العز وثابه ماهمني جمع الاموال =زهاد بالمال واصحابه من فيصل آعيش بامثالي =أدرس وأدرس من كتابه تحيااااااااااتي |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خالد الفيصل أميراً لمنطقة مكة المكرمة | Mahsoon | قناة الوئام الإعلآمي | 3 | 19 / 05 / 2007 46 : 10 PM |
شاعر الاسبوع .. الأمير .. عبدالله الفيصل .. | سديم | بوحْ الشعِر والنثر .. | 9 | 12 / 09 / 2005 59 : 07 AM |
شاعر الاسبوع .. الامير .. بدر بن عبدالمحسن .. | سديم | بوحْ الشعِر والنثر .. | 138 | 09 / 09 / 2005 31 : 12 PM |
قصائد الامير خالد الفيصل ( من ديوانه الاول والثاني والثالث والرابع) | بنت العز | بوحْ الشعِر والنثر .. | 6 | 11 / 10 / 2004 53 : 08 PM |
ونــــــ خالد الفيصل وأردينا ــــــة | ظـِلال الأنوثـة | بوحْ الشعِر والنثر .. | 13 | 22 / 05 / 2003 22 : 08 AM |