ليه اتحداني و انا في كل الاحوال امغلوب !؟ ** ليه احرمتني من قهر عذالي و عذالها

واعيني اللي كل ماذعذع من الغربي هبوب = يحلا لها لون الغروب اللي يذوب قبالها
و ياويل حالي كل ما يحلى لها لون الغروب = تطري لي الريم اللعوب و سالفة ترحالها
و عز الله اني كل ماتطري لي الريم اللعوب = حرمت امد ايدي على حاجه و انا ما اقوى لها
من سافرت ريم الفلا صديت عن كل الدروب = ماهو قصور ٍ بالعذارا بس ذيك لحالها
من فارقتني ماخطف قلبي من الحور محبوب = ولا لقيت الجادل اللي تستحق احيا لها
لان القلوب ان ماوفت لاحبابها ماهي قلوب = والعشره اللي ماترد الروح ما نسعى لها
اما الوفا اللي يستر الرجال من كل العيوب = و الا الجفا اللي يستر عيوب العرب فـ رجالها
ما اقسى من فراق الجنوب .. الا فراق اهل الجنوب = ويلي على اللي كل ماتزعل تشد رحالها
اللي مذيرها العتب لاشبت بصدري شبوب = عيت اراضيها و هي عيت تطول بالها
كانت معي مثل النصيب .. يحدني من كل صوب = كانت دروبي من متاهات الظلل لـ ظلالها
كانت هروبي لا شعرت اني بحاجه للهروب = كانت سماي اللي الا ضاقت علي الجا لها
ليه اتحداني و انا في كل الاحوال مغلوب !؟ = ليه احرمتني من قهر عذالي و عذالها
ليه اتجاهلني و انا ماني جبان و لا كذوب = ليه ارخصت دمعي و انا اللي ما بكيت الا لها
ما ترحم اللي له سنه .. كنه على النار محطوب = ما هزها دمع الفقيد اللي بكته اطلالها
ما خافت اتهدم السنين للي بنتنا طوب طوب = ما فكرت تشفق على حالي و ترحم حالها
قول لها لو ماتذوب .. انا بخليها تذوب = قول لها لو ما عنت لي مستعد عنا لها
اليا دمحدت لي هالخطا بدمح لها كل الذنوب = وان جابت الجسنه معي تبشر بـ عشر امثالها
افرش لها صدري وطن و اجمع من ضلوعي شعوب = و ارقا لها المكانه اللي ما حد ٍ يرقا لها
ان كانني مخطي فانا ماني خلي من العيوب = الذنب يغفر و البشر تجزى بقدر اعمالها
البعد قاسي و الفراق يضيق الصدر الرحوب = انا تعبت ادور الحيله و ارد احتالها
قولو لها ترجع ترا ماني على الحزن مغصوب = و الا ترا نذرٍ علي انه مهوب اشوا لها
اما تجنب هالبال و تترك البعد و تتوب = و الا بتبشر بالهبال اللي مهوب هبالها
كافي زعل ترا الظروف مقفله من كل صوب = و انا حملت من الهموم انواعها و اشكالها
يكفيني اني كل ماهبت على صدري هبوب = اتحن عيني للجنوب و تلتفت بلحالها
و المشكله اني كل ماحنت عيوني للجنوب = تطري لي الريم اللعوب وسالفة ترحالها
و عز الله اني كل ما تطري لي الريم اللعوب = حرمت امد ايدي على حاجه و انا ما اقوى لها

حااامد زيد

.
.
.

لان القلوب ان ماوفـت لاحبابهـا ماهـي قلـوب
والعشره اللـي ماتـرد الـروح مـا نسعـى لهـا

صح لسان حامد
وسلمت يد سديم
..
يسلم لنا هالذوق

يسلموووووووووووووووووووو

يسلمك ربي .. اميرة الجوري ..

اسعدني مرورك

شكرااا لك
.
.
.

يسلمك ربي .. ملكة الاحساس ..

شكرااا لتواصلك
.
.
.

..............

...

اختيار رائع
للرائع حامد زيد


ذوق رفيع عهدناه من سديم



شكراً لذوقك الرفيع


كلك ذوق


...

سديم


كلك ذوق

وأختيار رائع

يسسسسلموا

الاروع مرورك .. وافينا ..

شكراااااا لك
.
.
.

يسلمك ربي .. النبض الحزين ..

شكرااا للمتابعه
.
.
.

ان كانني مخطي فانا مانـي خلـي مـن العيـوب
الذنـب يغفـر و البشـر تجـزى بقـدر اعمالهـا

الله .. الله
حامد زيد مبدع كعادته ..
معانيه قويه ..
وابياته لايتقن عزفها الا هو ..


سديم سلمت اناملك ياغاليه..