ذقت العنا ياشوق من قلب جبار = خلّى حياتي في يدينه رهينه
خلّى حياتي للاسف تنقلب نار = واصبح جريحك في حياةٍ مهينه
اربع سنين مفارق الاهل والدار = تاهت شواطي رحلتي والسفينه
انشد عن اللّي كان له قلبي اوتار = عزف عليها كل نغمه حزينه
راح وتركني بدون مايقّدم اعذار = غير الجروح بداخلي مستكينه
اسهر معاها مابقى لي من اعمار = هم والم وفراق ناتج سنينه
اذكر ليالي عشق واحلام واشعار = وحرفين مكتوبه برملٍ وطينه
وكلمة حبيبي انت في دنيتي انوار = وانت جواهر في بحوري ثمينه
ومهما الليالي فرّقتنا والاقدار = حبك بنى له وسط قلبي مدينه
هذا عهد يبقى على الدوم تذكار = ومدّ اليمين وضّم يدّي بيدينه
وراح العهد ياشوق واحلامنا اصغار = وامست ليالي عشقنا مستهينه
كيف العمل والجرح مايقبل الثار = يصبر على بلواه .... والله يعينه
ماهمنّي لو كان خاين وغدّار = المشكله انّه فاتني من جهينه