الليل طال ومسمر الليل ماطال،،،،،،
معذور علية الوقت يحسب حسابة
يحسب حساب اللي لة القلب مازال،،،،،،،
مازال حبه بالضماير يشابة؟
يشابة اللي وسط الاْمواج ماشال،،،،،،،
ماشال روحة يوم موجة غدابة
موجة غدا مدري غدا العمر واحتال،،،،،،،
واحتال قلبه فالشقا والعنابة
عنابة المضعوف جوف الحشا طال ،،،،،،،
طال المدا والخوف مايعتنابة
مايعتني للوقت وان قال ماقال ،،،،،،،
لو قال سعدك والهنا في ثيابة
ثوبة عنا لبسه شقا الدمع ما سال ،،،،،،،
ماسال دمع العين من حر مابة
من حر مايونس رفع كفه وقال،،،،،،
رحماك رب العبد فيما انطوابة
انطوا قلب(ن) يبي راحه البال ،،،،،،
زاد البلا وانصك من دون بابة
باب(ن)مشرع وباب محكم بالاْقفال،،،،،،
وباب(ن)على ماقيل محدن درابة
محدن درا لاكن على الصبر ميال ،،،،،،
من ميلته يفضح هوى اللي قوابة
قوى على هاجس ضعف على الفال،،،،،،
والفال فال الله ولا يجتنابة
مايجتنب لو كان له كل الاْحوال،،،،،،
الحال يعرض والعقل يشترابة
اشتر عسى العمر لو باع بالمال ،،،،،،
المال يفنى والعمر يهتنابة
اهتن قبل تفتن ترى العلم لومال،،،،،،
يميل حضك لوتحصل هلابة
هل الدهر مثل النهر بسرعة اميال،،،،،،
وطبعك مثل ماهو تزايد غرابة
مدري على مسمع وشات(ن)وعذال ،،،،،،
ولا على صيفه تقود السحابة
سحاب فيها بين سايل وسيال ،،،،،،
بشره على نفسي وبشكي ضبابة
جهلت فالدنيا على لعب وخبال،،،،،،
ياكم حراق(ن) جهل في لهابة