من عرف حيين بحروفٍ جميع..

من عرف حيين بحروفٍ جميع=ذا عدال وهذا مقلوبٍ تجيه
ذا ملك مهيوب حتى من شجيع=ولا انقلب حتى الصبي يلعب عليه

أخوي العزيز ( الاعصار )
أسعد الله أيامك ولياليك بالأفراح والهناء
وياهلا والله ورحب فيك
وصح لسانك يابعدي
والله يا خوك من كثر التفكير في رمعة هاللغز صابني صداع
وأنا منذو لحظة طرحك له متواجد وأحاول في الحل والرمعه لكن ما لقيت له ما يقارب لمعناه
إلا إذا كان فهمي له بشكل خاطئ فلذلك أمل بعض التوضيح
مثلاً للبيت الأول وهل الملك المقصود هو تشبيه المطلوب بالملك أو هو ملك وما معنى يضحك عليه هل يستهزئ به أو يعني أنه فاقد للعقل يعني مجنون.
وش رايك ( بالميزان )
والمعذره طولتها عليك وغثيتك ولكن الله يعينك علينا
لاهنت أخوي وجعلها تسلم يمينك
وتقبل بكل الود خالص تقديري

اخوي عازف الناي
صباح الخير يالغالي وشرفني مرورك
بالنسبه للغز. اقول انت الله لايضرك بهالاستفسارات تملك مفاتيح الحل
ولكن لاحظ انني قلت حتى الصبي يلعب عليه ولم اقل يضحك عليه او يستهزيء
والبيت الاول اعتقد واضح وهو ان هذا الاسم يظهر فيه حيين الاول اذا قراته من اليمين والثاني اذا قراته من اليسار
تقبل تحياتي

هلا ورحب فيك أخوي
( الأعصار )
لاهنت وبيض الله وجهك وحنا يالغالي منكم نستفيد ونتعلم
يعني وش رايك نقول ( فاقد العقل ) أي ( المجنون )
وتقبل بكل الود خالص تقديري

اخوي عازف الناي
مالك لوى يالغالي وللتوضيح اكثر نتفق انا وانت على وصف هالشيء ملك
تقبل تحياتي

الاعصار

اسعد الله اوقاتك بطاعته

صح لسانك على هاللغز الطيب

الحل احس انه على طرف لساني بس عيّا يطلع

لي عوده مع محاوله قريبا باذن الله


تحيااااتي

عدنا

انا متأكده ان اسهل منه مافيه

بس ابي اقول


الصقر؟؟

وش رايك

الاخت الليدي عمشاء
حياكي الله
رمعة الصقر وعكسه رقص رمعة طيبه ولكن لاتنسين
من عرف حيـــين بحروفٍ جميـع....ذا عدال وهـذا مقلــــــوبٍ تجيـه
تحياتي

السلام عليكم

اخوي الاعصار

رمعه ثانيه وش رايك

بالناصح وهو الاول

و الحصان اللي هو بالشطر الثاني

تحيااااتي

الاخت الليدي عمشاء
محاولات طيبه ولكن لاتنسين الاول ملك مهيوب حتى من الشجاع
تحياتي