قاصمة الظهر.......

صاحبي وقـف جـزاك الله خيــــر
انزل وأذن نبـي نصلـي العصـــر

لقضينا الفرض سو اللـي يصـيـر
الصلاة ابدا علي مـن كـل امـــــر

خلنـا نرتـاح أتعبنـا المـسـيــــــر
طََوَل المشـوار والسكـه وعـــــر

ودنا نجلس علـى جـال الغديــــر
وانتمتـع بالربـيـع وبالـزهـــــــر

ريحة القيصوم والشيـح العطيـر
تنعـش اقلـوبٍ توطاهـا الكـــــدر

خيمةٍ بالبـر مفروشـه حصيـــــر
تسوى عندي فلةٍ وسـط الخبــــر

شب نارك دامنا وقـت العصيــــر
بهر الدلـه وقـرب لـي التمــــــــر

آه من جرحٍ لجا باقصى الضميـر
مايطيـب الجـرح والدنيـا قهـــــر

والقهر لصـرت محتـاج لحقـيــــر
حاجتـك عنـده ولا عنهـا مفـــــــر

وانت مضطرٍ ولا لك مـن مطيَـــر
هـذه والله قاصـمـة الظـهــــــــــر

يتركـك تمشـي بخـطٍ مستديـــــــر
لا قضـى اللازم ولا قـدم عــــــذر

وان نخيته جاك مكسوفٍ حسيــر
وان بدا له غـرةٍ منـك .. غـــــدر

وانهزم عنـك مثـل زول البعـيــــر
مرخيٍ راسـه تقـل يتبـع اثــــــــر

تزكـي الاحـرار لصـاح النذيـــــــر
لنخيت الحـر جـا يهـدر هــــــــدر

يرتكي للحمل لـو حملـه عسيـــــر
مايمل الحمـل لـو حملـه كثــــــــر

وان زبنته خايفٍ بـه مستجيـــــــر
دون عمرك حـط مالـه والعمـــــــر

وش يجيب السيف للموس الشطير
ذا لقص الراس وذا لقص الشـعــر

لايغـرك منظـر العـود النظيـــــــــر
كل عـودٍ يرجـع اصلـه للـبــــــــذر

وان بدا لك لازمٍ لو هـو صغيـــــر
قبل اخذ الشور والعـزم استخـــــر

شف حبال الليف مع كثر الجـرير
شق دربه في جلاميد الصـخـــــر

وان وصلت لقمة الـتـل لاتسـيــر
ماورى القمـه تـرى الا منحــــدر

والعوافي نومـةٍ عقـب الاخيــــر
فوق طعسٍ ناعـمٍ رملـه حمـــــر

احمد بن عبدالرحمن العريفي
(نديم المجره)

	والقهر لصـرت محتـاج لحقـيــــر حاجتـك عنـده ولا عنهـا مفـــــــر وانت مضطرٍ ولا لك مـن مطيَـــر هـذه والله قاصـمـة الظـهــــــــــر

هذي والله قاصمة الظهر
الله لايقصم لنا ظهر يامحمد ياعريفي



كلمات راائعة ومعبرة
وابداع عهدناه من العريفي


سلمت يداك

كلك ذوق


...

	المشاركة الأصلية كتبت بواسطة نديم المجرة

	ودنا نجلس علـى جـال الغديــــر وانتمتـع بالربـيـع وبالـزهـــــــر ريحة القيصوم والشيـح العطيـر تنعـش اقلـوبٍ توطاهـا الكـــــدر خيمةٍ بالبـر مفروشـه حصيـــــر تسوى عندي فلةٍ وسـط الخبــــر شب نارك دامنا وقـت العصيــــر بهر الدلـه وقـرب لـي التمــــــــر آه من جرحٍ لجا باقصى الضميـر مايطيـب الجـرح والدنيـا قهـــــر والقهر لصـرت محتـاج لحقـيــــر حاجتـك عنـده ولا عنهـا مفـــــــر

ماشاء الله تبارك الله
أبدعت أبدعت مليوون ولايسدون
قصيدة جزل من شاعر جزل لاهنت
نظم مميز ،،واحساس جلي وطرح ممتع جداً حوى الابداع
قصيدة غنية بالصور الشعرية الرائعه
تمتلك احساس عالي جداً في كتابة القصيدة وهو مايوصل لنا اللذة الفنية
صح لساانك ،ودام ابداعك ودام بوحك
بانتظار ابداعاتك داائماًً
دمت وداادمت ايامك بكل خير وسعادة

نديم المجرة.

صح الله لسانك جزله من راس جزل.

واحلالاه يالبر والخيمه مع شرواك.

دمت مبدع

	المشاركة الأصلية كتبت بواسطة wafei

	هذي والله قاصمة الظهر الله لايقصم لنا ظهر يامحمد ياعريفي كلمات راائعة ومعبرة وابداع عهدناه من العريفي سلمت يداك كلك ذوق ...

حياك ربي
شرفني مرورك
واسعدني ثنائك
الله يسعدك
تحياتي

	المشاركة الأصلية كتبت بواسطة شموع الغربية

	ماشاء الله تبارك الله أبدعت أبدعت مليوون ولايسدون قصيدة جزل من شاعر جزل لاهنت نظم مميز ،،واحساس جلي وطرح ممتع جداً حوى الابداع قصيدة غنية بالصور الشعرية الرائعه تمتلك احساس عالي جداً في كتابة القصيدة وهو مايوصل لنا اللذة الفنية صح لساانك ،ودام ابداعك ودام بوحك بانتظار ابداعاتك داائماًً دمت وداادمت ايامك بكل خير وسعادة

حياك ربي
شرفني مرورك
واسعدني ثنائك
الله يسعدك
تحياتي

	المشاركة الأصلية كتبت بواسطة خلف الجابري

	نديم المجرة. صح الله لسانك جزله من راس جزل. واحلالاه يالبر والخيمه مع شرواك. دمت مبدع

حياك ربي
وشرواك الطيب
الله يسعدك
تحياتي