لاتنشغـل فينـي

لاتنشغـل فينـي أنا بحالـي ادرى
قلبٍ تعلق فيك ينسى مـع الوقـت
اكثرمن اللي صارلي ويش يجرى
بين الرجا والياس فكـري تعلقـت
مثلي ولوشفته عن همومـه ازرى
ماقال ليتك في جروحـه ترافقـت
هاك القصايد لاتضايقت واقـرى
شف وشكثر فيها لبسماتـك اشتقـت
أثر الوفا ينبـاع عنـدك ويشـرى
ماكنت اصدق فيك واليوم صدقـت
يامشتهـي فرقا المواليـف حـذرى
تبعد وأنا من سكرة الحـب مافقـت
لاطافت الفرصه تحريت الاخـرى
وتروح ماكنـي عليهـا تشوقـت
ساري لو إن الليـل مافيـه قمـرى
اشيل من حمل الهوى فوق ماطقت
لاصار حظ أقشر والايـام قشـرى
مافيه احد عاقل يلومـك لياضقـت
صحيح بعض الناس فرقاه بشـرى
وبعض البشر لاغاب ليله تضايقت
ليتك خذيت بليل الاحباب مسـرى
غربت من كثر الطواري وشرقـت
السيل يبقاله على القـاع مجـرى
ويبقالـك التذكار لوكنـت فارقـت
اشوف لك من وين مارحت ذكرى
ولاشفتها صديـت عنهـا ودنقـت
ماكل جرحٍ لاخـذا أيـام يبـرى
بعض الجروح يزيد شره مع الوقت

متعب التركي

كلمآت آرقى من نسمآت الهوآ

آبدعتي بذوقك الرآقي

مودتي

شرفتي اختي

شـكــ وبارك الله فيك ـــرا لك ... لك مني أجمل تحية .

صح السان الشاعر تسلمين على النقل
تحياتي

تسلمين على هذا الشعر الجميل ملوكه يعطيك العافيه

ماشاء الله عليك
إختيار موفق
صح لسان الشاعر
وسلمت يداك على النقل
تقبلي مروري

..................

...


التركي هذا داااهية


اختيار موفق ملووكة



كلك ذوق


...

صح لسان متعب


وسلم ذوقك وكلك على الاختيار الحلو

مانتحرمشي منك ياعسل

ربي يسعدكم من اولكم الى اخركم ..