من أعماق المحيط ((( يالسيف )))

30 / 09 / 2004, 45 : 12 AM

من اعماق المحيط اللي غرق به شاعر العتبان = من اعماقه وبين صراع موجاته وتياره
تفجر داخل اعماقي صدى الصرخه كما البركان = ودوَت صافرات انذار صفَارة وصفَاره
تدوي معلنه حضر التجول لين يقضى الشأن = ولعيون ابو منذر عذَر الطرقي بمشواره
لأن الطيب يجزى الطيب والاحسان بالاحسان = وابو منذر ملك بالطيب عدوانه مع انصاره
من اكبرهم الى اصغرهم من الشبان والشيبان = تمنى كل واحد للزوم السيف يختاره
الا من قال تكفى يا.. قبل لاتكتمل بفلان = قبل لاتكتمل والكل عن يمناه ويساره
تخيل كيف لامن خص واحدهم بمهما كان = وتخيل كيف لااختار اسمه العنوان (( باشعاره )
مثل ماخص بالشكوى وخص الاسم بالعنوان = لوافي ... والوفاء مايتفق مبداي وانكاره
لذلك كان تأخيري دراسة وضعكم باتقان = وحاله مثل هالحالات تقرأ بألف نظاره
قراءة مستميته والنتيجة باغلب الأحيان = أقول اني قرأت أفكار خلك طبق لافكاره
ولو قارنتها بالواقع الواقع يقول انكان = حبيبك ماصفالك فاقصر الخطوات عن داره
ومن يتبع ورى المقفين يالصاحب ترى خسران = وخل المقفي وخلك مدينه مابكت حاره
ومن لاشافني قبه فلا شفته مزار وهان = عليَ الود للي ودهم صفقات وتجاره
وعلى الله العوض وبقدرته بيخلص الديان = وحنَا والزمن والوقت ياما تخفي اسراره
وعسى ربي يسامح من بقلبي حرَك الأشجان = وعزف لحنه بقلب تعزف الاحزان لأوتاره
وذكرني زمان وذكريات بماضي الأزمان = وخل لاهمس لي كن همسه صوت قيثاره
رعاك الله ياوقت مضى مع سيد الغزلان = و......!!......... ومات منذ نعومة اظفاره

30 / 09 / 2004, 49 : 12 AM

تسجيل حضور
بروح أشوف وش قال السيف وأرجع لك
أحوووووووووووووووووبك
سلام

30 / 09 / 2004, 35 : 01 AM

....
ومن لاشافني قبه فـلا شفتـه مـزار وهـان ** علـيَ الـود للـي ودهـم صفقـات وتجـاره

وعلى الله العوض وبقدرتـه بيخلـص الديـان ** وحنَا والزمن والوقـت يامـا تخفـي اسـراره
...
الشاعر المبدع
ملك القوافي وساحر القلوب..ابو الوفاء
بيض الله وجهك وكما عهدتك دائما تجي ورى هقواتي فيك بكثير.
عاجز عن شكرك مقابل هذا الرد الوافي ...
والذي لايتقنه الا وافي مثلك وشرواك.

سلمت ودمت..
...
السيف

30 / 09 / 2004, 57 : 01 AM

سلمت يالوافي وصح لسانك

مساجلات جميله لشعراء أجمل

30 / 09 / 2004, 07 : 02 AM

صح لسانك .. وافي
وتسلم يمناك

.

.

30 / 09 / 2004, 16 : 04 AM

شيخنا الو1في

كل ماأستطيع قوله أنني منطررررررررررررررررررررررررب حيل

صح لسسسسسسسسسسسسسسانك يامبدع

تقبل تحياتي وتقديري

ومتابعتي

مخاوي الجرح

30 / 09 / 2004, 37 : 04 AM

الغاااالي واااافي

مبدع انت كعاااادتك

قصيدة راااقية كرقيك

واااافية من واااافي

وقد قيل قديما لكل من اسمه نصيب

مررت هنا لاتعلم الشعر

فاسمح لي ان الزم ركبتيك استاااذي

لأنهل من معينك العذب

دمت شااامخا ايها الراااائع

لك مني كل الحب

30 / 09 / 2004, 06 : 05 AM

اخي الغالي

امبراطور الشعر

الوافي

اسعد الله ايامك بكل خير

وسلمت وصح السانك يالذيب على هذا الرد الراااائع

اللذي ليسى بغريب على مثلك وشرواك

حضرت هنا لكي اصفق لك استاذي

لان كلماتي لن توفيك وتوفي ماخطته اناملك هنا من ابداااع

فسجل اعجابي بأبياتك الرااااقيه

ولك مني اجمل تحيه

اخـوك فـزاع

30 / 09 / 2004, 47 : 12 PM

صح اللسانك (( الوافي ))

هذا أنت منذو عرفتك ..

تسلم الوافي ..

دمت بكل حب ..

تناهيد

30 / 09 / 2004, 58 : 05 PM

ولو قارنتهـا بالواقـع الواقـع يقـول انكـان........حبيبك ماصفالك فاقصر الخطـوات عـن داره

ومن يتبع ورى المقفين يالصاحب ترى خسران.......وخل المقفـي وخلـك مدينـه مابكـت حـاره

ومن لاشافني قبه فـلا شفتـه مـزار وهـان........علـيَ الـود للـي ودهـم صفقـات وتجـاره

وعلى الله العوض وبقدرتـه بيخلـص الديـان.......وحنَا والزمن والوقـت يامـا تخفـي اسـراره

إبداع وجواب شافي لتساؤلات سابقة .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الناس أعماق	أبوعبدالعزيز	‏ \|\| اوْرآق مُلَوَنة ..	4	01 / 09 / 2013 28 : 04 PM
أغرب مخلوقات اعماق المحيط	sultans11	‏ \|\| روائعْ الفنْ التشْكِيلي والفوتوغرافِي	1	19 / 04 / 2009 14 : 10 PM
بركان هائل في قاع المحيط ؟؟	ّّHUSAMّّ	‏ نفَحَآت إيمَآنِية	2	14 / 01 / 2007 50 : 02 PM
ومض000في وسط المحيط	لولوة الغامدي	‏ بوحْ الشعِر والنثر ..	20	22 / 09 / 2002 31 : 05 PM

الذين يشاهدون محتوى الموضوع الآن : 1 ( الأعضاء 0 والزوار 1)