وانا والله يابو خالد جفت اقلامي واصبحت ادور بيت الشعر ولا الاقيه
مشاغل من جهة وامور ماتخفاك من جهة ثانيه
المهم
تفضل بقبول هذا الرد المتواضع
والمعذرة على التقصير
يقول وافي لمن ساءت به احواله =صبر جميل وعسى الله يكشف الغمه
الليل باسريه لاجل اللي شكى حاله = من شأن وضع البجادي بأربط العمه
وبأنشد اللي يعرف وباخذ اقواله = ياعلها تورد العطشان للجمه
وبالمال والجاه ابد ماتقصر سباله = ومطلوبكم عطني لعنوانه وسمّه
مع ان وضعي مثل وضعك ويرثاله = مما لجى بالمحاني وانتثر سمه
حاولت بانسى واصد القلب وهباله = لكن عصاني وخالف رأيه اليمّه
بأسباب من دايم ووافي على باله = كنّه شرب حب وافي مع حليب امه
حالي مثل حالته والحال يبغاله = ناسٍ تقرب ولاهي ناقلة نمه
ياويل قلبي عليه وحظ من ناله = والله ليأخذ شهر والنوم ماخمّه
وبرغم هذا لزومك واجب اسعاله =ومن شأن وضع البجادي بأربط العمه