بسمتك .. بقلم الباريسي .. أختارها لكم

من إختياراتي .. آمل أن تنال إستحسانكم ...


يابعد من هو ابتسم لي جعل هالبسمه تدوم
بسمة ٍ تشرق على الدنيا وهي بلثامها

المطر بسمة رضا .. كانت زعل بين الغيوم
بسمتك حسبي على اللي حدني لخصامها

بسمتك شمس السنين اللي تصحـّي : كل يوم
بسمتك طفله ينام العيد في هندامها

بسمتك حلم القصيد اللي سهرني قبل انوم
بسمتك وعد العيون اللي تحب احلامها

انتي اكرم من زماني واعذريني يوم الوم
انتي اجمل بنت تاطا هالثرى باقدامها

انتي احساس ٍ نشلني من على شط الهموم
دنيتي لارض السعاده تزهمين ايامها

كل ما اخطي زاد نبضك بالتسامح يارحوم
واهني ارض ٍ غديتي رمزها و اعلامها

ياحنون ٍ رتبتني لين رتبت النجوم
ليتني طفل ٍ يشارك صدرها وانسامها


ليتني طير ٍ وحيد في سما قلبك يحوم
ليتني كنت القضيه والوصال احكامها

طاغيه فيك الانوثه تعشقك حتى الهدوم
ماتلام .. وشرهتك والله على اللي لامها

لو يفكر في فراش ٍ تحضنينه مايلوم
لو يفكر فــ الوسايد ليلته مانامها

لو يفكر في عطورك صارت علومه علوم
لو يفكر في عيونك .. حب حتى سهامها

لو يفكر فــ ابتساماتك يطيح ولا يقوم
ويغدي حلمه مثل حلمي : يطيح لثامها

--------------------------------------
إليها مع خالص ودي ..


وتقبلواتحياتي ---------- الجبل الأبيض

------------------------------------------------------------

مرحبا اخوي الجبل الابيض
اختيار موفق اخوي
الله يسعدك
تسلم اياديك
شــــــوق

هلا والله

الجبل الابيض

الله الله
اختيار جميل
رائع

يعطيك العافية
وتسلم الايادي
-
-
تحياتي