[poet font="Simplified Arabic,14,black,normal,normal" bkcolor="" bkimage="http://www.mahroom.net//backgrounds/4.gif" border="double,4,gray" type=0 line=200% align=center use=sp char="" num="0,black"]
غيمة على هونك ترى روس الأقذال=ماهي كما السافي بدقه وجله
وإن قمت أقهوي زلتك والمساء طال=راحت سوالفنا على غير مله
هاتي دلالك والسوالف على جال= نار الحقايق والمعاند جبله
وبعض السوالف وإن غشى طيبها هبال=نرخي هدب عين الغضب فدوتله
والشعر ماوهو عيب يا لابس الشال=ولاهو لنا- دون النساء- نفل كله
قبلك مويضي غنت الشعر مــوال=لين اعتلت كل النجوم المطله
لكن ابشرب عفة العقل واختال=واترك هروج(ن)غاويات(ن) مظله
وهرج السعه طيب ولا ضيق البال= دام النفوس الطيبه مسفهله
يا بنت حواء سولفوا لي بالأمثال=إن الرجل ستر البنيّه وظــله
والرجل قوَّامن على كل الأحــوال=بما فضل الله بعضهم بالأدلــه
وبنت(ن) ربت بالعز للعز مدهال =تشرب قراح الطيب من منبع(ن)له
ستر وعفاف وحسن منطق بالأقوال=والياهرجت زين الحكي ماتمله
بنت الرجال اللي تنومس بالأفعال=ريف الضعيف اللي بدا فيه خله
هذي عليها نفني الحال والمال=ولاهي خسارة لو فـــؤدي تتله
الطيب ضلع(ن) حادي(ن) دونه اللال =عسر(ن)على اللي نوم عينه هوى له
كل(ن) سعى للطيب حرمه ورجال= ولا كل من هاز الطويله صفت له
مااروعك .. حقيقة من اجمل ماقرات وكم كنت اتمنى ان اكون متمكنا مثلك .. استاذبي تحمل الاقلام ببنان الجميع ولكن من يستطيع ان يترجم ذاك الشعور .. انت ومن هم على شاكلتك فالف شكر سيدي ...
من يغض الطرف عن حروفك يصيبه هبال
ومن يناظرها يقول لك العز كلـــــــــــــــه