هبايب الحرمان بروحي وهبّت
وسوط الحنان اللي كفربي ولاتاب
من غبت ناري بين الاضلاع شبّت
نار الكريم اللي يشبّه للأجناب
من وين ماصبيتها طيب صبّت
بفنجانك التقدير مني والآعجاب
لك رغبة الفارس بمهرن تربّت
بسطبل كل اللي ربن فيه لعقاب
يالعيطبول الحلم يالخود تنبّت
صحرى بصوتي لا تهجّيتك أعشاب
يالغانية من حبك النفس طبّت
في حلم نهرن يجري بسر الأحباب
في سرمديّه نشوة آمال لبّت
وأغتبت منها كل ماكنت أبغتاب
أعذبه بانت نجمتين وتخبّت
من تحت عنّاب الخجل ألف عنّاب
تبّت دروب البعد مليون تبّت
والخطوة اللي مالها وجه وأسباب!
صــح الله لسانك وأعتلى قدرك وشأنك أخوي عبد الله العتيبي وبيض الله وجهك ملايين ياكريم اليمين
قصيده جميله وجزله من شاعر جزل ومبدع ومتمكن وبقوه شاعر ولافيك حيله ياعبد الله حفظك ورعاك اللـه
ودمت أخي العزيز في خير وصحه وسلامه وسعاده دائــمــه
أنت غير مسجل في منتديات الوئام . للتسجيل الرجاء إضغط هنـا
النهر الجاري 
