لتعيشي حياة سعيدة عزيزتي

لتعيشي حياة سعيدة عزيزتي
عزيزتي السيدة حواء عشان تعيشي حياة سعيدة وهنيئة ومافيها مشاكل تعور الراس (مافي حياه من غير مشاكل ويقولون إن المشاكل هي بهارات الحياة) لكن مشاكل عن مشاكل تفرق كثير من النساء يقولون إن حياتهم مملة وروتينية ومافيها تغيير ولا رومانسية لأ بالعكس حواء هي اللي تقدر تخلي البيت جنة وهي اللي تقدر تخليه نار بتقولوا لي كيف؟ أقول لكم كيف:
اتبعي بعض الوصايا وانشالله ماأنسى شي منها
1- دائماً خلش مبتسمة الأبتسامة خو مو بفلوس ببلاش خصوصاً عند رجعت السيد آدم من العمل يكون تعبان فاستقبليه عزيزتي بالإبتسامة
2- لاتشتكي من الأولاد عند رجعته من العمل وحسسيه بالحنان والدفء ولا تعوري راسه بمشاكل البزارين خليها على جنب لوقتها يعني
3 لاترفضي له طلب موفي كل شي في أشياء لازم لحواءإنها ترفضها علشان تثبت شخصيتها ووجودها أقصد في أشياء تخصه والواجب عليش إنش تسويها وعلى فكرة في بعض الأزواج عنيدين لاتعاندي واياه وتركبي راسش ترى بعدين تصير حياتش كلها قهر في قهر
3- جددي في لبسش واهتمي في مظهرش ودائماً حاولي إنش تصيري حواء جديدة كل يوم ولا تنسي العطر أهم حاجة العطر مو تخلي ريحش ثوم وبصل ومادري أيش عشان لاينفر منش ويدور على غيرش
4-إذا بغيتي طلب شي منه دوري على الوقت المناسب مو تروحي تنطي لش نطة وتطلبي منه شي وهو ماله مزاج أو معصب لأ اختاري وقت يكون فيه مبسوط ورايق ويضحك وشوي شوي تسللي وعن طريق غير مباشر قولي طلبش وبلباقة وبابتسسسسسسامة لاتنسي وآخر شي
5- دائماً حاولي إنش تتفاهمي واياه ولما يقول لأ يعني خلاص لأ لا تزني على راسه وأتمنى لكل حواء حياة سعييييييييييدة

حاضر حبيبتى....زهره البنفسج


ولا...يهمك.بنفذ كل الى قلته ..حرف حرف...

بس لما يجى..عريس الغفله..:D

الين امه داعيتله...

بس اهم شى اذا صار شى مو شى بقول زهره البنفسج هى الى قالت....

تيب...

سلام

...

تيب ياabs33 ماشي الله يبعث لك ولد الحلال اللي يسعدك هههههه
واسمعي نصايحي واسأل مجرب ولاتسأل طبيب أوكي
يالله باييييي

مرحبااااا زهرة البنفسج

والله انك صادقه..ولاسالفت الزنه هذي الي فوق الدماغ
اعرف واحده الله يهديها..اذا بغت شي تجلس تزن..تزن.فوق راسه
..ولاتفقد الامل..لين ماينفذ لها طلبها....طبعا هو ينفذ يبي الفكه
بس :p

عموما يعيطك العافيه

نصايح جميله..

بس فكرك راح يثمر فيهم....

الف شكر لك اختي زهرة البنفسج

تقبلي ارق واطيب تحيه..

هلا أختي والله بيني وبينك في رياييل مايفيد فيهم إلا لهواش زي ماقلتي يبي الفكة من عوار الراس لكن طبعاً لما تجي منه بالطيب أحسن وفي رياييل بس من كلمة كلمتين للطلب وبسرعة يوصل
وهذا يعتمد على لباقة الزوجة الفاهمة والعاقلة وعلى فهم الزوج والضرب على الوتر الحساس ههههههههه والا شرايك

تجربة لوضع توقيع بالصورة وانشالله تنجح

انا معك اختي زهرة البنفسج

المراه بلباقتها وطريقة تعاملها..وعلى قولتهم بسحرها..:o تقدر تاخذ اللي تبيه من زوجها..الرجال مهب سيئين لذي الدرجه..وفي منهم اللي تقدرين تسيطرين عليه ..بحسن التعامل..

يله يازهرة البنفسج هذي دروس لنا علشان المستقبل..:D

وعلى فكره
مبروك نجاح التجربه...

يعيطك العافيه..

مشكورة أختي وماقصرتي وأنا بصراحة مبسوطة إنك أيدتيني بخصوص الموضوع مع إن في ناس ماتحب النصايح خصوصاً في هذي الأمور على قولتهم ملوا من كثر مايسمعون هالنصايح لكن أنا من ناحيتي بالعكس المفروض الواحد لازم يقدم نصيحة للآخرين خصوصاً بنات ألحين المقبلين على الزواج تنفعهم هالنصايح وهذا واقعنا ولازم نعيشه ونقبله والله يبارك فيك .

[FL=http://nahfar5.jeeran.com/________________.swf] width = 135 height = 135 [/FL]