تبسم لي
وإندفق في شفته...حمار دمه
والهوى توت
والكرز يلعب على مردوع فمه
وأنا أموت....
والغلا يضحك ولايدري بهمي
ولاهمه
قلت
عطني
قال لي
المعطي الله...
وصد عني
وصحت به من حرةٍ بي
صحت له في كل حيلي....
وماطلع صوت...؟!
والله حالة...!!
وقام يضحك
وإبتلشت بخف دمه...
والقهر دمه عسل...وشفااااه توت
والكرز ينبت بفمه
وضحكته موووت
قلت له
بعطيك عيني
قال
لالا
عندي عيون المها....إحفظ عيونك...
والمعطي الله
قلت
أنا بطلت
مابي دروب الغرام
بهجر العشق...وطريقه...
وقام يضحك
وقال
يمه...!!
وإنهزعت بكف يدي....
ولمس كفي راس كمه
قال
من حضك لمست أكمام ثوبي
كفك اللي ناش كمي....بس شمه
ويوم أشمه... موووت!!!
دار راسي....
لا هو مسك....
ولا هو عنبر....
أو دهن عود...لالا...لا...!
والله أحلى...
قلت
وش عطرك حبيبي...؟!!
قل لي إسمه
ياهو قمة
قام يضحك لي
ويغمز لي بعينه...
قال
هذا موعطر
اللي بيدينك عرق كفي ...وسمه ماتسمه
قلت
ياسيدي أحبك
فدوة عيونك حياتي
قال
لالا
لاتناديني ياسيدي
ولو مصمم قل ياعمه
قلت
....عمه
ثم عمة
ثم عمة
هذا دربي اللي مشيته
في هواك
واهتويته
وغصب أتمه
ونفضت مجدولها قدام عيني...
وش هالاشقر....؟!
والهواء هب...
وإنتثر قدام عيني...
آ.....ياعيني
قلت
وش رايك ألمه...؟!
قال
أول لم نفسك...ثم لمه...
وإبتسم لي
وبان ذاك الناب الأبيض....
وساق فيني كل سمه...
قلت
سمك ساق بعروقي وسقاني...
قال
وباقي شوي...ماقد جاك كله
قلت
... تكفى
ثم تكفى
ثم تكفى
إن بقى بك سم بعروقي تتمه...
قال
أبشر ... والله لعيونك لتمه ...
بس تتحمل ألم ...
ومال في خصره وطحت
وهز تفاح الهوى...والغصن كله...
ثم قمت
وحط كفه على كفي
ثم طحت
ولمس شفاهه بيده
ثم قمت
قلت
قلبي من وسط صدري طلع
قال
ضمه
قلت
منهو...؟!
قال
قلبك
قلت
حاضر...
بس ليش...؟!
قال
هذا من سم الهوى اللي بك دفقته
هذا هو سم الهوى اللي قلت تمه..
أختيار لكلمات راااائعه وجميله لا نستغرب حسن الذوق في أختيارها فهي من إنتقاء المبدعه والمألقة
شروووق وهنا يكون التميز والتنويع في أخيارات المبدعين وعذوبة الحرف والكلمة.
صح لسان الشاعر / المهنا
وسلمت يمناك ولا عدمناك ولاعدمنا تواجدك وإبداعك الراقي
وآآآآلف شكر لك لآمتاعنا بهذه الممميزة
تقبلي كل الود والتقدير
عازف اوتار القصيد:
لااستغرب منك تلك الكلمات..
فقد اعتدت ان اسمع منك جميل العبارات..
اعتدت ان اقرا في ردودك عذوبة الكلمات..
وبت اشتاق ان اتنفس عطر حروفك على صفحاتي..
فشكرا لك..
وشكرا لثنائك..
لاحرمنا الله وجودك الدائم بين ثنايا مواضيعنا..