سالفة القلم الأصلي ..

يا داعي الموت ليت بالموت راحه

****** ليته ينهي المآسي اللي عايشه فينا


كان كل عاشق جا ينقل جراحه

******* كان سعينا له وانهينا بلاوينا


مير البلا ياخوك من يضمن سماحه

******** ربي لانشد عن اللي قدمته ايادينا


لا كل عضو عن اللي فعل باحه

******* لا سودت وجيهنا افعالنا وماضينا


ياخوك بكى النبي وابوبكر صاحه

******* من خشية الله .. وحنا وش اللي يبكينا؟!!



يارب تغفر لنا يارب تطلق سراحه

****** القلب من "حبه" .. والا للموت تدنينا


ولا متنا تدخلنا الجنه في مساحه

****** ما تلحقها العين .. وتجعلنا مع الصالحينا


يارب ما خاب راجيك لو في بجاحه

******* لو ما قدم ويبي ..انت ارحم الارحمينا



__________________________


هذا بقلم باركر .. واصلي بعد .. استعرته من احد الزملاء عشان اشخص عليكم .. وطبعا عشان اكتب لكم هالقصيده اللي ما ادري وش منقزها لمنتداكم .. لكن مشوها لنا .. ولا عاد اعودها ..


وان سأل احدكم وش هالسخافه اللي ماسكه معاي اليوم .. اقول له ياخي انا ربي خلقني سخيف وش اسوي لك انت واياه

بعدين روحي حاسبو سحايب .. هي اللي تقول لازم تكتب وش نوع القلم اللي تكتب فيه

.......


..


هلا بن العم

قلم باركر !!

تسلم والله
ارحتني من السؤااال

تكفى
يابن العم لو تعيرني اياه


حياك والله بن عمي

الموت رااحة دامها ضيق في ضيق
----------- رضيت في قبري وقبري رضي بي

لاجيت كبر ولد
والا هو لاجا كبرك


بس
ماعليك يابن العم
مادامك تتذكر وش بعد الموت


والله فيك الخير

كلمات معبرة يابن العم



تسلم
انت وباركرك

هلا اخوي الامل الاخير

ابيات في منتهى الروعة والجمال

ليش لا وانت كاتبها بقلم باركر أصلي

سلمت اناملك لتخدم القلم ,,

تحياتي ,,

ههههههههه


هلا بالوافي هلا والله ..

والله منت بسيط تعرف تنكت بعد .. ماشاءالله لا تقول بعد عطانا عين

ما يغلى عليك يابن عمي لا القلم ولا راعيه ..

وتسلم كلك ذوق ..

سلام .


________________

البجادي

مو معقول ..


هلا ومسهلا بالغالي ويا مية مرحبا

والله ما ظنتي انك بتقرا الرد .. لكن تراني اطلبك حق .. فيه موضوع لك رديت عليك فيه ولا رديت علي .. عاد ماني فاضي اشرحها افهمها زي ما هي .. :D

وتسلم حبيبي .. والله الباركر جاب مفعوله .. ههههه

كلك ذوق ..

تحياتي الامل الاخير

ردينا على هالقلم الله يعيينك

يعطيك العافية وهلا بك من جديد تحياتي

المسافر....

هلا اخوي الامل الاخير

ليش ما اقرأ الرد الله يسلمك

وبعدين ترى النمره غلط انا ما سبق وان طرحت موضوع

بهاالمنتدى الجديد .. على شان ما ارد عليك ,,

ممكن تذكرني تكفى ياالامل فزعتك ,,

سلام ,,

السلام عليكم ..

هلا بحبيبي المسافر .. تسلم يالغالي كلك ذوق


_________


البجادي

ههههههههه .. والله مشكله .. حاولت ارسل لك رساله عن طريق المنتدى لقيتك ملغي الخاصيه هذي ..

الحين ما تقول لي من زينك انت و وجهك يوم ما تبي احد يرسل لك .. اصلا مافيه احد يبي يرسل لك يوم تلغيها .. والا مسوي فيها غالي ..:D

لا والله غالي ونص طال عمرك .. لكن تغلى علينا الله يهديك .. المعذره اخوي لاني تأخرت بالرد .. مع اني داري انك اصلا ما انتظرت الرد .. لكن حق لك يوم اتهمتك اني ابرر تهمتي لك (حشا جريمة قتل مو خطأ عادي ..


اول شي ترا انا امزح معك يوم اتشره .. ابدا ما عندي اني اشوفك بخير وعافيه وتطمنا عليك بين فتره وفتره بانك تزورنا يالغالي ..

اما اللي كنت اقصده .. فهو ..http://www.mahroom.com/forum/showthr...&threadid=2556

وانا اعتذر لاني ازعجتك .. وادري انه الواحد مع الزحمه ومع الحر ما يشوف الدرب .. و ما كان ودي ازعجك بس انت عاد اللي لزمت


المهم لا تقاطع اخوي .. وتقبل تحياتي .. والسلام ختام .

هلا ومية غلا بالامل الاخير

اي والله انك صادق والعتب على النظر

ارجو السموحة تكفى .. وبعدين الله يسلمك انت جاي على غفلة

وانا اكتب الردود .. يعني خاش عرض

المهم انت عزيز وغالي وستظل ,,

والخاصية اللي تقول عليها .. هي اللي ملغيـتني مهوب انا ملغيها

ويمكن بعد اني اشوف نفسي ما احد يـحقر عمره

شكرا لك ياالغالي والله اخجلتني بلطف كلامك

تحياتي ,,