[المملوحه ●]

اقول خلاص ماتسوي علي
مت من الدراسه احفظ الدروس بشكل مو طبيعي واواصل واخرتها درجاتي مثل وجهي
ماراح ارفع راسكم ابد ابد ابد درجاتي زي القرف (من 15)
الادب (هو اعدل شئ)15
الاحيا 14وربع
الرياضيات 14
وععععععععععععع يجيب الهم بذمتكم هذه درجات وحده بثالث؟؟؟
خلاص اذا ماجبت بالفقه 15 بجلس بالبيت

[ظـِلال الأنوثـة ●]

ياحظظظظظظك علموك بدرجاتك .. حنا اللي عندنا مطران مايعلمون

[المملوحه ●]

اردينا ليتهم مايعلمونها هذه درجات
<======مررررررررره مصدومه بدرجاتها

[lonely ●]

مملوحتي .... الغالية ...
لا تيأسين ... وذاكري زين وإنشاء الله بتنجحين بتفوق ...
وأبشري بالهدية عند التفوق ...

[خالد ●]

هلا والله المملوحه

منوره المنتدي


بس حلوه درجاتك لاتقعدين بالبيت


شدي حيلك بباقي المواد وخلي الباقي علي الله

[ملجلج ●]

اسمعي يابنت .....


الكلام هذا مابي اسمعه منك مرة ثانية ....


البنت مالها الا بيت زوجها .....


اووووه .... قصدي مالها الا دراستها .....:D


على فكرة المملوحة ..... الدرجة من كم ....

بعدين و ش قصة ربع الاحياء ....

[الشمس ●]

سلااام ..


المملوحة .. يازينك وانت تاركة دراستك عشان ناقصة درجة في كل مادة ..

وخير ياطير ..

اسمعي لا تشدين أعصابك زيادة عن اللزوم ..
خلك واثقة في ربك أولا ثم في نفسك ..

ومثل ماقال لك ملجلج البنت مالها إلا دراستها ..
خلي عنك دلع البنات بس ..

خليتني أعصب .. تسؤ ..

....


بعد اذنك بتكلم مع ملجلج ..

الحين ياملجلج كم مرة أقول لك لا تطالع مسلسلات كثير ؟
خشيت جو مع البنت ..
كأنك تقول لها اتركي الدراسة وتزوجي واقعدي في بيت زوجك أبرك لك ..

هي صح إنها درست ولا مادرست مالها الا بيت زوجها وإلا الربع الخالي ..

بس يعني على الأقل ماتخسر الشهادة ..


اسمع نصيحتي وبلاش تعميها بدل ماتكحلها :D



يالله تشاااااااو ( أوعدك أنه اليوم يامظلوم بس , عشاني مبسوطة :D )
الشمــــــــــــــــــــس

[مظلوم ●]

مملوحه ...


عسى ماشر اشوف عام النكبه هذا مايبي يعدي على خير .. الله يكون بعونك وخلي عنك الكسل بس وشدي حيلك احسن لك والا ترى ارسل لك بعثه مظلوميه تتفاهم معك :D:D


تشاااااااااو ( خلاص شموسه انا ابعطيك توكيل رسمي لتشااااوتي وتقدرين تستخدمينها على انك ماتفوضين احد ثاني :D:D)

[ملجلج ●]

مرحبا المملوحة .....
مرحبا الشمس .....

شفتي المسلسلات جدا متأثر منها مرة ....

بس صدقيني يالمملوحة .....

انا ما قصدت الكلام اللي قالته الشمس ....

و اذا فهمتي كذا ..... فأنا اعتذر .....



أنا من الأشياء اللي أرفضها تماما .....

الاستسلام او الانهزامية ......

يعني مو اول ما تواجه الانسان بعض العقبات و الصعوبات .... على طول ينهزم او ينسحب ...


حتى لو تعثر الانسان ..... فانه يجب عليه ان يسارع في النهوض و السير .... و يتعلم من عثرته .... و حتى لو تكرر ذلك التعثر فلا ييأس..


أختي كلما سمعت سالفتك مع الدراسة ....

تذكرت بنت اختي الله يذكرها بالخير .... صراحة كلكم تشيلون هم الدراسة اكثر من اللازم .... اشوى انها دخلت الكلية و فكتنا .... و عقبالك ان شاء الله .....

بس درجاتك ممتازة ..... ليش الزعل ...... ماله داعي ....

[بنت الاصايل ●]

هلا والله بالمملوحة ..

اقول اثرك من اللي يزعلو على النص واربع ... ...

ما هقيتك كذا ...

بردي على قلبك يا عمري ...

والله انا كنت انقص ثلاث واربع درجات ..ولا كنت اشيل هم ..

واتخرجت بامتياز ...يعني لا تقعدي تنوحي كل ما نقصتي درجة ..

ترى ازعل منك ...

استخفيت يا بنت ..تبي تتركي الدراسة عشان درجة ...

اقول سمي بالرحمن واركدي ..وتعقلي ..ولا اسمع منك هالكلام مرة ثانية .. ..( الله حلو دور الاخت الكبيرة )...

مملوحتي يا عمري ..

والله درجاتك ممتازة وحرام عليك اللي تسويه فعمرك ...

نصيحتي ..

ذاكري زين ..ولا تشدي اعصابك ..وتوكلي على ربك ..

وخلي روحك رياضية ...

بس ...