من يغتني عن شحذة الخلق في زود
في زود من ربه ولابه خلافي
بعض العرب قلبه مثل حيد جلمود
ما يشكر اللي متّعه بالعوافي
أغناه عن عمرو(ن) وزيد(ن) ومسعود
واسدى عليه من الوهايب كفافي
واغناه عن حمدي وحامد ومحمود
وَلا يزال لرب الارباب جافي!
هو ما يخاف انه على صفره ايعود؟؟
ويصير ضوّه عقب الاشعال طافي
ويحدّه المولى على سعيد وسعود
ويصبح كسير(ن) بين مثبت ونافي
يا عزّتي للي على الناس محدود
ماهوب لو يدرك مناه بعوافي
ماهوب قايد يالمناعير, مقيود
يطوف حول امعزّبينه, طوافي
الليل فيه الخلق هجّاع ورقود
وهوه سرا ليله ولا هوب غافي
ما يعبر الا حصل الدرب مسدود
وعليه ثوب(ن) للغرابيل ضافي
في حالة(ن) ما هو عليها بمحسود
تدفن زروعه ذاريات السوافي
ان بيّن الفاقة, فلاشك منقود
وان جا يخفّيها, عثت فالخوافي
لا هوب لا غايب, ولاهوب موجود
ماله حساب وقدره اليوم هافي
دايم على درب المهونات مطرود
يطرد, وشره بين الأضلاع خافي
يجني من اثمار الغرابيل عنقود
في كل لحظة فالسنين العجافي
الناس تدرك لب الاسعاد وتزود
وهوه من الاسعاد يدرك سفافي
مكسور خاطر, غاير العين, مهدود
يشرب كدر ما يهتني بالصوافي
يشيل هم(ن) فوقه اثقل من الطود
هم المذلّة والعجز والكسافي
لو جاك يضحك مع حميّد ومحمود
حتّيش في قلبه همومه لوافي
تحته فراش البأس والذل ممدود
وفوقه بطاطين المهونه لحافي
ويا عزّتي للي على النّاس محدود
ماهوب لو حصّل مناه بعوافي,,,
انا اشهد, ولا تخالفونّي يالربع؟؟
عموما
اعذروني فقد خبّصتها , فإنها لم
تنقّح بعد, بل هي في القصاصات الأولى
لكن ,, استروا ما واجهتوا من خلل,,
المنسدح
هلا اخوي المنسدح
غلطان يوم سميت نفسك المنسدح
كان الاولى ان تسمي نفسك المغرد
لأنك تغرد بجمال في وئامنا الغالي
تسلم يمينك ويسلم فكرك يا بطل
تحفه والله منقوشه بحروف الذهب
امتعتنا اخي الكريم انت رائع بجد
تقبل تحيات اخوك
النمر