الـبـارحـه سـاهــرٍ والـعـيــن مـسـهـرهـا=زولٍ مـــع الـســوق بالـمـفـرق تـعـدانـي
مـن يـمـه النـفـس فيـمـا فــات قاهـرهـا=والـيــوم خـطــرٍ عـلــيّ فـرقــاه تـقـوانـي
مــا الــوم عيـنـي ولــو هـلــت عبـايـرهـا=مــن حــر فـرقـا ولـيـفٍ لـــي تنـاسـانـي
عـلـى ولـيــفٍ نـظـيـفٍ مـــن جـواهـرهـا=يا حيـف عقـب الطـرب والولـف ينسانـي
ان قـلـت يـنـظـر بـحـالـي مـــا ينـاظـرهـا=وان قلـت يرحـم يـزيـد الهـجـر هجـرانـي
هــو مـالـك الـحـال كـاسـرهـا وجـابـرهـا=وشـفــاي بـشـفـاه وشـفــاه يشـفـانـي
لــه عـيـن سبـحـان خالقـهـا وساطـرهـا=ســـواه ربـــي عـلــى مـــا راد فـردانــي
وعيونـهـا كــن الاثـمـد فـــي محـاجـرهـا=مـن غـيـر كـحـلٍ هدبـهـن اســودٍ قـانـي
والـراس يضـرب فـي مـلاقـي خواصـرهـا=تنـثـر علـيـه الـرشــوش ارنـــاق والـــواني
والـريـحــه روضــــة نــاجـــت زواهــرهـــا=يسـجـع بـهـا الطـيـر ويـغــرد بالالـحـانـي
يــا نــور بـنــوره ويـــا شـمـعـة جـزايـرهـا=يــا نـقـوة البـيـض مــن حـضـرٍ وبـدوانــي
فـيـهـا مـــن الـزيــن شـــارات انـاظـرهــا=حـمـره وعـفـره وزيــن اشـبـاه والـوانــي
يــا روح روحــي ويــا خـافــي سـرايـرهـا=مـهـوب حــقٍ جــزا الاحـسـان حقـرانـي
يـــا نــــور بــنــوره مــــا نــيــب قــادرهــا=يـوضـي سـنـاهـا ودونـــه حـــال بنـيـانـي
شـهـب اللـوايـح عـسـى نـجـمٍ يحـدرهـا=وامـــا كـفــى واحـــدٍ يــــا الله بـالـثـانـي
سقوى الى شفت والي العرش دامرهـا=تـصـيــر لــــي مــطّــرق دربٍ ومـيـدانــي
واقـــول هـــذي ديـــارٍ كــيــف ابـنـكـرهـا=مــنــزل حـبـيـبـي وحـيــانــه وحـيــانــي
يـا دار ويــن الظـبـا الـلـي فـيـك خابـرهـا=ادمـي .. وريمـي .. وعفـري .. وغزلانـي
منهـن هنـوفٍ الـى مـن قـمـت اناظـرهـا=غـضّـت بصـرهـا وتسـحـرنـي بالاعـيـانـي
احــيــر بـاوصـافـهـا لا جــيــت انـاظـرهــا=لا رنــق مشـخـص ولا نـيــره وحـمـرانـي
كنـه مـن الحـور والـي الـعـرش حـادرهـا=يـــا قـبـلـة الله ويـاسـيـدي وسـلـطـانـي
انــــا هـلـيــكٍ دريــــكٍ مــــن سـعـايـرهـا=يــــا صـاحـبــي وراك بـالـنــار تـصــلانــي
عــلـــيّ حــجـــة فــورّدهـــا وصـــدّرهـــا=بـــأي الاســبــاب تـنـكـرنـي وتـجـفـانـي
خف سامك العرش في نفسي وجبرها=ثم امش لي بالعدل وارفق على شانـي
مـا نيـب عـاتـي عــن السـنـه ومنكـرهـا=ولا نيـب مستـبـدل لــي مـذهـبٍ ثـانـي
فــان كــان لا ذي ولا هــاذي نـقـررهـــا=بالـصـبـر نـصـبـر وصـيــور الـعـمـر فـانــي
وصــلاة ربــي عــدد مـــا طـــار طـايـرهـا=علـى نـبـي الـهـدى وامــر بالاحسـانـي
صالح السكيني