هلا بالأحباب أخواني أعضاء وعضوات منتدى الوئام ..
عودتي لأسم شيك .. هذا الأسم الذي عرفت به أيام ملتقى الشبكات .. البعض منكم عرفني بذلك .. وهاأنذا أعود اليكم بهذا الأسم لكن شيكأ بدون رصيد .. رصيدي هو حبي لكم وما أحمله في قلبي لكل فرد فيكم من محبة وتقدير.. فأنتم والوئام عينان في رأس .. فأقبلوني بعد أن تعذر عليه القدرة على هجر لوئام ؟؟
واليكم هذه القصيدة بعنوان ( ابعترف ) اخترتها لكم من احد المنتديات مهداة مني للجميع .
ابعترف
إن المسافة خطوتك
وان الزمن يمكن يداري دمعتك
لكن نزف عمري بدربك .. ما وقف
صمتي يواجه قصتك ..
ما به أسف !!
**
وابي اعترف ان الزمن دايم شحيح
يومن هجرتي ديرتك
وان النهار ما هو بنهار
سافر يلاقي حيرتك
وابي اعترف إني ضعف .. إني نزف
وانك عذابي وحيرتي
وان الليالي حملتني عبرتي
دايم أسف
تدرين إنك لي أسف ؟!
**
ما هو صحيح إن الزمن ..
دايم يبارك خطوتك
بس الصحيح ..
إن الليالي بغربتك تمطر نزف
وكلي أسف ..
**
وابي اعترف ..
إني طفل.. ضايع بمرفق هامتك
بعدك يدور قصته
ما بكته ..
غير إبتسامة هاربة صوب الجليد
صوب السفر
صوب العذاب
وانه سراب
عمري مضى صوب السراب
وانك عذابي وحيرتي
ناري وسوالف ديرتي
ديمة ربيع ..
تبرق سنا .. تبرق هنا
تمطر رماد !!
حتى الرماد .. عندي
حياة لحيرتي
**
وابي اعترف
قبل السفر
يا بعد عمري ما حصل
كان البداية للدموع ..
كان النهاية للعمر
كان السفر دايم عذاب انطره
خوف اراقب منظـره
لحظة أمان هاربة
لحظة هبوب العاصفة
..
وكان السفر أكبر من هموم البشر
قصة رحيل ما تمر .. إلا وراها عبرتي
أذكر ليال ماضيـة
أذكر سماك الصافـية
وارجع لحزني اعتذر
**
وابي اعترف
إني ضعف .. إني نزف
طفل غرير .. ضايع باحساس الغدر
وان الظروف القاهرة .. ما هـي عــذر
وانك عذابي وحيرتي
ناري وسوالف ديرتي
****
ماهو صحيح عمري نزف
يوم الرحيل
عمري تخلى من زمان
يوم اللقا وقبل اللقا
عندك امان ؟!
ودي بأمان تكتبه هذي العيون
عندي سؤال تفضحه.. سود الجفون
ودي بحقيقة واحدة
في غربتك من هو اللي جرح وجنتك
دمع علي .. والا السفر ؟!
شهقة عمر
من نظرتك تسوى من ايامي العمر
كل العمر
وابي اعترف
****
يا رايحه صوب الدروب الباردة
يا ديرتي
كيف الرحيل الأولي ؟!
تبكين من هم الظروف .. والا علي ؟!
والا حياتك ما تمر .. إلا على ضفاف الشجن
ما ادري متى .. يرجع لأيامك صدى
قولي لقلبك ينتظر
باكر أجي .. ماني موالف لـلجفا
يبقى الوفى .. ظل يعانق صورتي
واليوم قلبي بيعتذر .. رغم السفر
إنت الدفا .. وانت العمر
وابـي أعـترف
..................................................
شعر // حسن الوفي
.................................................
تحياتي