حبايبي .. عيوني .. كبدي .. كلوتي <<< الله من زين الرومانسية بعد ..
بدون مقدمات انا جاية اسولف عليكم <<< احلفي
ونفتتح الموضوع بهذه الابيات
7
7
7
اعيش بغيهب الفرقا ولامن يواسيني "=" وهم شق في نفسي على هالحال بزيادة
احس بغربتي طالت وانا ساكن عناويني "=" واشوف التيه في عيني يجاوب حال نشاده
تعنيت الدروب ومالقيت اللي يوافيني"=" تعبت من الخطى دايم على هالويل منقاده
لقيت الحظ عاندني وقف في مفرق سنيني "=" وعيا يدخل الفرحه لقلب ناسي اعياده
تبعثر حلم وجداني وبات الياس طاويني "=" تقطع للرجا حبلي وزاد البعد بعناده
الا يادبرة الخالق رضيت بكل مافيني"=" ولكن الرجا بالله لقلبي يحقق
مراده
وسلامتكم
حقوق الطبع محفوظه واللي يبي يسرقها يعلمني ... واللي مايعلمني ترى مايردني الا الحقوق المدنيه <<< راعية شر
ادري بتقولون انتي غلطانه بالعنوان روحي روحى لمنتدى الشعر والادب واكتبي فيه خرابيطتس ..
بس والله متعيجزه اكتب <<<< الله لايهينكم احد المشرفين يضفون الابيات اللي فوق واينقلها لشعر والادب والا احذفها عاد انت وضميرك
المهم ... وبدون مقدمات << وذا اللي فوق وش تسمينه يا الرخمه
الصراحه انا ضايقن صدري ومدري وش السواة مع حالة النكد اللي متسلطتن على من كم شهر :
وبهذه المناسبه حبيت اسولف عليكم دامني فاضية وانتم فاضين
اول سالفه
مرة من المراريت كنت جالسه عند التلفزيون في الملحق اتفرج على شريط عدنان ولينا <<<مدري متى بتكبر ذا البنت
وهالشريط شفته يجي خمسمية مرة وماعندي مانع اشوفه زود
وكل ما جلست أتفرج على التلفزيون ....
كانت عندي حركة مميزه ...
أحب أفتح باب الكومدينة
(الي مايعرف الكومدينة تراها الفترينة ولا الكبت الي يحطون في وسطة التلفزيون )
المهم وبينما كنت متحمسة مع عدنان ولينا مادريت الا غطني النوم
وشوي الا يجي اخوي ( خايب الرجا ) وكان توه جاي من البر وماسك في يده شي يرووووووع
دخل علي في الملحق وصك الباب وقفله وحط المفتاح بجيبه
وانا طبعا كنت في سبات عميق
ويجي يبي يصحيني من النوم وهو ماسك ذا الشي
قلت مابدهاش ..... فتحت الدريشة وطبيت معها ومعاد تشوفون الا غباري
سالفتون اوخرى
لحد يتفلسف علي ويقول انتي صاقطه بالخط مدري الاملاء
في يوم من الايام كنت جالسة انا وربعاتي البنات وكنا نتجاذب اطراف الحديث ونلتهم بعضا من الفطائر والحلويات ونحتسي فناجيل الشاي بالنعناع << لاعبتن في راسي اللغة العربية
المهم وبينما كنا نفرم مارزقنا الله وكل ابو دايم نسوي كذا ( لا ويقولون ليش نسوي رجيم وماننحف .. كفو يديكم وتنحفون يا مال المصع في خشومكم )
وبعد هنيهه <<< هذي متاكده اني سارقتها بس من وين؟ مدري
وبعد هنيهه تولع في دميجتي ذيك اللمبة الصفرا
قلت للبنات : يابنات كل وحده تقول لنا الحين وش الصفة المهمه اللي تتمناها في فارس احلامها << خابرتهم يموتون في ذا السوالف
وتجي اول وحده وكانت خكرية الى حد ما << بسم الله علي مثقفه
قالت : والله انا اهم شي عندي يكون حلو ومايصارخ حتى مايعقدني << ياربي الله من زين المواصفات لا والله فلحتي
الثانيه : انا اهم شي عندي انه مايكون حلو مره يعني مايكون احلى مني ..
عشان اذا تزاعلنا مايقول لي انقهري انا احلى منك <<<< يا الله لك الحمد والشكر اقول لو تقعدين عند اهلتس تراه ابرك
الثالثه قالت انا اهم شي عندي انه يكون جاد وماعنده تفاهم وماعندي مانع يصبحني بكف ويمسيني بكف وانا ارد له الصاع صاعين <<< اقول ذا ماصار عرس الله لايبلانا بس
قلت اقول يكفي واللي يرحم امكم وابوكم
انا : قولو امين يا بنات
آآآآآآآآآآآ مييييين
جعلكم ماتعرسون ابد وتطيحون بتسبود اهلكم دام هذا تفكيركم
ترى سواليفي ماخلصت عندي حتسي واجد ... بس حاسه انكم مليتو من هذرتي اللي مالها سنع فرحمكتم ورحمت الكيبورد بعد
فمان الله واذا بغيتوني اكمل دقو علي بيجر .. يؤ قصدي علموني ترا ماوراي شي