[poet font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,purple" filter=""]
ياعلي لاتنشد عن القلب وش فيه=القلب به ياصاحبي كل عله
رحت الطبيب وقال صعبن نداويه=جرحك عطيب ولا لقينا دون له
وانا دوايه عارفن وين الاقيه=دواي عند اللي رموشه مظله
ابو جديلن فوق الارداف كاسيه=الجادل اللي جر قلبي وتله
ادعج غنج ماشفت والله محاليه=ولا اظن يوجد بالوطن صيفتن له
ابو عيونن ناعسات واشافيه=حمرن وارق من الورق يشهد الله
والعنق عنق اللي بعيد مرابيه=عنق الغزال اللي بعيد محله
ان مرني بالسوق ما اقدر احاكيه=وان غاب عني دمع عيني تهله
يفز قلبي كل ما اوحيت طاريه=وافز انا ياعلي من فزتله
يفز مثل اللي على كف راعيه=يكفخ بجنحانه سبوقه اتله
ومن لامني يالله يالله تبليه=بقهر الرجال مع الخنا والمذله
وعيونه اللي في طريقه تقديه=يفقد بصرها وفي مكانه تشله
ويالله ترجع كل غالي لغاليه=وتجبر ضمير اللي فقد شوف خله
[/poet]