الزمن لا صار ضدك وإحتوى درب المصايب..
لا تحاول تنكسر له لاتزيد الطين بله..
للزمن حكمه غريبه تحكم بدرب الصعايب..!!
وياااكثر من ضيع الفرصه.. وهي فرصه ثمينه..!!
عز نفسك .. في زمانك.. لا تقول ((الحظ خااايب))
وسق عمرك للمعالي .. وإكسر النفس الحزينه..
والطريق اللي تشوفه يرسم للدنيا عجايب ..
مد يدك في طريقه.. لين ماتمسك يمينه..
والرفيق .. إن طال وقته .. لا تحاتي .. وكل غايب ...
حجته دايم معاه .. ولا تقول فلان وينه..؟؟
ولا تكابر بالمصيبه لاحكوا بأغلى الحبايب ..
قول غاااالي... وكل غالي ... (( تكرم لعينه مدينه))
والبلا .. وأكبر مصيبه.. لا تناسوك الحبايب ..
وتصبح الدنيا ظلاااام وتصبح اللحظه لعينه..
وقتها.. لاعادينفع لا عتاب ولا طلايب..
والزمن .. والحظ الأقشر,, إلعنه .. وإلعن سنينه..