ألا ياكبر همي كل ما يقبل سواد الليل=تجيني الهموم اللي تزيد الهم واحزانه
كتمت الحسرة في صدري وضيقه تهد الحيل=شكيت الجرح لجروحي وزاد القلب نيرانه
ألا يارب عاوني حياتي كلها تضليل=حياتي كلها مره حياتي مالها خانة
ألا يارب ناديتك تعين اللي درى بالميل=تمادى بالغرور وزاد ظلمه وطغيانه
انا تايب وراجع لك ومسرج لك ظهور الخيل=الا يارب تغفر لي وذنبي زادت اوزانه
فمان الله يادنيا تجرعنا عذاب الويل=فمان الله انا راحل لرب عالي شانه
فمان الله انا راحل وجسمي ماقوى لشيل=فمان الله يادنيا وعيوني دوم سهرانه
انا راحل بلا رجعه يخفيني ظلام الليل=انا راحل من الدنيا ولو زانت الوانه
انا راجع الى ربي تركنا عيشة التدليل=انا تايب من ذنوبي لو زانت بي الحانه
لقيت اللي على دربي حفرني حفره وتحويل=عرفت اني تبعت اللي حياتي فيه خسرانه
الا ياكبر همي كل مايقبل سواد الليل=تجيني هموم اللي تزيد همي و احزانه