أنت غير مسجل في منتديات الوئام . للتسجيل الرجاء إضغط هنـا

صائد الفرص للأسهم الأمريكية والاوبشن 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتدى العام >  || اوْرآق مُلَوَنة ..

 || اوْرآق مُلَوَنة .. عِناق الوَاقع بقلمٍ حر ، الموَاضِيْع العَامَہْ ، للنقاش الحر والموضوعات الجاده

إضافة رد
 
أدوات الموضوع
قديم 07 / 04 / 2002, 13 : 12 AM   #1
مايهـــــــــاب 
وئامي دائم

 


+ رقم العضوية » 2378
+ تاريخ التسجيل » 06 / 04 / 2002

+ الجنسْ »

+ الإقآمـہ »

+ مَجموع المشَارگات » 99
+ معَدل التقييمْ » 10
شكراً: 0
تم شكره 0 مرة في 0 مشاركة

مايهـــــــــاب غير متواجد حالياً

افتراضي قصة سعيدان مع دمج الرئاسة للبنات

شف وش صار لسعيدان يوم صارت المدارس اختلاط
يوم ماتن البنات الله يرحمهن واللي ما ماتن الله يشفيهن صارت مهاترات ومهاوشات ووشلون وكيف

المهم فيه واحد اسمه سعيدان انسان داج في دراسته ما يتابع الا القناة الثانيه على باله انه مثقف ..

طموح هالانسان انه يكون نظام المدارس مختلط ودايم يفكر اذا تبطح على السرير ويتخيل انه جمبه بنتين على يساره وعلى يمينه وانهن يتهاوشن عليه ويغارون من بعض عليه

وهو مرة منبطح ويتابع هوايته ( يناظر القناة الثانيه) سمع في الاخبار ان المدرسه احترقت وان البنات ماتن وطقته العبره مسيكين .. وقال في نفسه الحين بدال مايخلونهن لحالهن ورا مايخلونا معهن عشان حنا ننقذهن ونكون معهن اما البنات

دبش مايعرفن يتصرفن ...

المهم ذا المسيكين جالس يتذكرهن ويدعي لهن ويناظر القناة الثانيه الاخبار .. وسمع
انهم شالوا المرشد وحطوا الرئاسه حقت البنات مع المعارف حقت العيال الولد قام يطامر ويناقز على السرير ومن الوناسه يسوي حركه يرقا للسطح وينزل على المواصير حقت المجاري متاثر ببرنامج ( 911 ) اللي على القناة الثانيه
ذاك اليوم ماجاه نوم يطامر ويناقز وخربها وراح واشترى شورما بـ 3 ريال ومعها ببسي .. مع انه بالعاده يشتري مطبق بريالين ويشرب مويه من برادة المسجد .. _( يقالكم الحين انه مسوي احتفال ) خلص بلع وراح للحلاق وخذ ياتنعيم وقصات وغسيل بستم وحلق شعر اباطه اللي كنهن نخل يابسات ونظفوا وجهه بستوب ( STOP) ولمعوه الين دلا يلق تقول مرايه .. بعدها مر المكتبه اللي جمبهم وشراله قلم خطاط عريض حق سبوره ورسم الشنب وحبك السكسوكه وحدد الحواجب بالقلم وضبط وضعه .
المهم راح للبيت انسدح على السرير يقول متى يجي بكرا يتحرى يقابل البنات ويدعي ربه يقول ( يارب ان دحيم ذا المخيس ذا اللي ريحت ابطة تقول صنان تيس انه مايجي الا متأخر عشان تجلس بنت محله ) وفكر لبعيد وجاب كتاب تعليم كارتيه ( هالكتاب اذا فرشوه عيال جيرانهم راح يقراه واذا نزل يضاربهم نسا كل اللي قراه ورفّسوه الين يتفل العافيه ) المهم انه جلس يقرا هالكتاب عشان ان دحيم قوم البنت يفرشه


المهم قام وناظر الجدول لقاه

رياضيات - جولوجيا- رياضه - فسحه - احياء - توحيد - كيمياء -مطالعه
( ياعمري على العلمي ) لوول
كذا كاتبه بالترتيب

جلس يفكر انه دخل المدرسه الساعه 5 <-- مستعجل يبي يحجز له بنت ... ولقا هالبنات مجتمعات والعيال مابعد جو لانه هو الوحيد اللي يفهم انجليزي ويناظر الاخبار ودرا ان البنات يبي يجون معهم ..

وجلس يحوس بينهن ويدور الاحلى ( طبعا جالس يتخيل ) وانه راح صف في الطابور حق فصله وكانت فيه وحده قدامه موت بالنسبه له اسمها دلال.

قال هيه انتي تصدقين ان فصلنا احسن فصل وان ماصتي احسن مدرسه في الماصه ( تلعثم الولد )

قالت له وانت بعد احسن واحد شفته .. انهبل سعيدان وضاع منه الحتسي ( متعوب ) المهم سوو الاذاعه ورقوا فوق للفصول وجرها الين جلسها على ماصة دحيم خويه وقال ان قالك قومي قولي لا .. من حظه ان دحيم غاب هاليوم

المهم اول حصه رياضيات .. طبعا هو مايجيب دفاتر ولا شي ماجاب الا الرياضه حقت وزارة المعارف ويتمنى ان لونها يعجب البنت

المهم طلعت البنت دفترها تبي تكتب اسم الموضوع والتاريخ .. ويجي ويتل الدفتر منها وجلست تناظره بعيون حاقده : : وهو ارتاع قال ابكتب عنك انتي ارتاحي انا وش شغلتي هنا مسوي يبي يكسب رضاها .. وتقوم وتتل منه الدفتر وتقول ماطلبتك ياملقووف

ضاق صدره سعيدان وخلصت حصة الرياضيات وماصدق لانه دايم يتشائم بها ... جت حصة الجولوجيا

دخل المدرس وكتب الموضوع وقامت البنت دخلت دفتر الرياضيات وطلعت الجولوجيا جا يبي يسوي نفس الحركه ويكتب عنها وتذكر نظراتها


قال مابدهاش اسكت لاتخرب العلاقه .. المهم المدرس بدا يشرح وبدا يسال الطلاب والطالبات طبعا الطلاب مفهين كلن يناظر اللي جمبه ... المهم المدرس سال دلال ( اللي هي جمب سعيدان) وش اكثر الجبال فيها صخور بازلت ..( سعيدان فهم خطا بازلت يحسبها ازفلت توهم مزفلتين شوارعهم وحاطين باقي الزفلت فوق جبل)

المهم دنق تحت الماصه يبي يغششها وقالها الجبل اللي عند بيتنا متاكد انا .. جاوبي وما عليك البنت من دلاختها جاوبت وقالت الجبل اللي عند بيت سعيدان وجلس المدرس يضحك وهزأها وسكتت .. ودلال حقدت عليه غير الحقد الاول

خلصت حصة الجولوجيا وجت الرياضه سعيدان قام يشخص وطق رياضة وزراة المعارف وقال وش رايك فيني لو خيروك بيني وبي وائل كعفوري من تاخذين؟؟‍!! البنت ماردت عليه المهم البنت بدلت وشافها سعيدان وانهبل على لبسها وناظر رجليها ولقاها لابسه صندل ويقوم مسوي راعي فزعه وياخذ الصندل من رجلينها وينطلهن ورا الجدار عشان ماترجع تاخذهن .. ويجي ياخذ كنادر الاديداس حقته اللي اذا لبسها طلعت اصابعه من قدام ويلبسها البنت

المهم نزلواصار سعيدان كابتن و واحد ثاني صار كبتن المهم قال سعيدان انا اول اختياره واختار دلال واختاروا ووزرعوا اللعب ... المهم سعيدان مسك دلال وقال انتي راس حربه وش رايك البنت بلمت ماتدري وش راس حربة المهم سعيدان يصلح لها وهي ان جت تشوت.. بعدها جت هجمه مرتده بقيادة سعيدان ويرفع الكوره وكانت دلال لاهيه تفكر وتجي الكوره وتصقع في دمجتها وتجيب هدف ويجي يرككككككككض الا وذاك الكف جايه يمشي مليون

سعيدان تحطم وطلع بداعي الاصابه واول هزيمه له وهو كابتن تجي بسبتها .. المهم جلس يتعبر
وتررررررن خلصت الرياضه ولبسوا وراح يشتري لها سن توب وتويكس من المقصف وعطاها وقال هذا عشان المجهود اللي سويتيه كنتي مبدعه

المهم دلال صدقت وابتسمت له وسعيدان ضاااع مايدري وش يسوي من الفرحه

سعيدان من اللي صار انقطع خياله وصحا .. وخاف وضاق صدره ومن الضيقه نام

وقام الصبح من بكرا وراح للمدرسه ومالقا الا اشناب وشلة اخوياه الشيون وحمد ربه وقال اشوا ان مافيه بنات

صدقوني لو في المدارس والجامعات بنات كان العالم يجرجرونهم للامنيه والعسكريه ذا اللي تتهاوشون عليها الحين

وهذه حاااااااااااااااااااال الشباب اللي يفرحون بهذه الاخبار وتفكيرهم

  رد مع اقتباس
قديم 07 / 04 / 2002, 17 : 12 AM   #2
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

افتراضي

ههههههههههههههههههه

والله حاله ياحرام كل هذا صار لك صراحه عورة قلبي :D

ان كيدهن عظيم نقره لعرض الصورة في صفحة مستقلة

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مدربا الجزائر وأنغولا سعيدان بالتأهل houda  ||صدى الملآعب .. 2 20 / 01 / 2010 01 : 11 PM
نصائـــــح مفيدهـ للبنات..أفهموها للبنات بس أميرة الجوري   مجلس عائلتي 20 12 / 06 / 2007 15 : 11 PM
من مذكرات مرزوقه ( آه يا سعيدان) لك عيـوني  ||ترفيه وَمسآبقآت 5 25 / 06 / 2002 03 : 12 AM
قصه سعيدان بمدارس البنات الاختلاط ترى حطيت لكم نغمات راشد الماجد عبود طش مطش  ||ترفيه وَمسآبقآت 0 08 / 04 / 2002 11 : 04 PM
هذه النبرة من سعيدان ولكن.......... مايهـــــــــاب  || اوْرآق مُلَوَنة .. 1 07 / 04 / 2002 33 : 04 PM


الساعة الآن 08 : 04 PM بتوقيت السعودية


Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]