س) هل البنت يوم تتعرف على واحد بينتهي هذا التعارف او الحب الى الزواج؟؟؟
أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها!!
وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).
س) زين ليش الشاب يوهم البنت بالزواج ويعيشها في عالم الحب؟؟؟
لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.
س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل ***الشباب***؟
ملاحظة: هذا السبب الي ضيع الكثير من البنات هذي الثقة لشخص غريب محرّم عليهم.
هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافهن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي خدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدقة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.
والكثير من البنات اللي اختربن ما تنصح رصديقتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.
هذي حالة نفسية في كل شخص ظايع وخربان يحاول يخرب غيره عشان يستوي مثله وما يكون في طريق الغلط لوحده
س) وهل من المعقول ان واحد يبروح عند اهله ويقولهم انا أريد اتزوج وحدة تعرفت عليها أو شفتها في مكان وعجبتني وابغي اتزوجها؟؟
أكيد أهل الولد ما بيرضون بيقولون تبغي تتزوج وحده ما أدري من وين محصلنها أو متعرف عليها أو يقولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون الينت اللي متعرف عليها يأنها تريد تخدع الولد، وتريد ترمي بلاها على الولد... الخ.
س) شو تفكير الشباب ورايهم يوم يعرفون انه واحد متعرف على وحدة ؟؟
والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يقولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.
والله زين ( ***لا اختك ولا حرمتك ولا من اهلك ولاتقرب لك***)!!!!!.
وهذي بعض الدلإئل والإشارات التي تدل على الواحد ما بيتزوجون وحدة متعرف عليها من قبل!!؟ إذا البنت رمست الشاب، وطلعت معاه، وعطته الي يبغاه، واختلى بها او يعني استوا بينهم شيء غلط.
بس خلاص بعد ليش يزوجها يوم انه حصل وحده (فري) وعطته الي يبغاه ليش يزوجها وهذا الي يبغاه منها خلاص خذاه وبرضاها، وعلى فكرة يوم البنت تكتشف بعد فوات الاوان انها انخدعت وتبدأ تقول وتلح على هذا الشاب اللي خدعها انت لازم تتزوجني، بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.
الله يعطيك العافية أخوي ساعي البريد
والله موضوع تغفل عنه كثير من بنات المسلمين
وهؤلاء الذئاب البشرية تستغل ضعف المرأة وطيبة قلبها
وجزاك الله خير يا أخي ...
موضوع حلو جدا ...لكنه لم يكتمل بعد..
ولم أجد في الردود ما يكمله...
إذا لم يرى أحد الأعضاء حالات زواج تمت عن طريق الحب...فأنا أراها يوميا..غض النظر عن نجاحها أو فشلها..
ففي بعض الأحيان يكون الشاب صادق فعلا وعلاقته بهدف الزواج..
لكن ذلك ليس ضمانا على استمرارية تفكير الشاب بهذه الطريقه..