بيـن فرحـة لقـاك وهـم فرقـاك
لاتذكـرت جــرح ولا نسيـتـك
حـي هالشـوف ماتنمـل دنـيـاك
شـف سـواة العيـون ليـا لقيتـك
عين تشربك شوف وعيـن تظمـاك
لاذبحنـي ظـمـاك ولا رويـتـك
قمت اخيلك هنا ... وهناك .. وهناك
وين ترحـل بـي النظـره نصيتـك
ان تبسمـت قلـت الموعـد شفـاك
وان تمنعـت بانفـاسـي دعيـتـك
وان طلبت الغلا قلت الغـلا جـاك
وان سكنت الخفـوق البيـت بيتـك
وان نثرت القصيـد بـدرب لامـاك
ذاع صيـت القصيـد وذاع صيتـك
يارجا العمر لـو حفتـك الاشـواك
ليتـك اول طريـق القلـب ليـتـك
ودع البـرد كـف ضـم يمـنـاك
صافـح الـود قلبـي يـوم جيتـك
حي هالشوف رغم همـوم فرقـاك
لـو تناسيـت جرحـي مانسيـتـك
الشاعر العملاق مساعد الرشيدي