تكفى...دمار اهل الكرم والمروات.......

ياقايـلٍ تكفـى ... بتكفـى شقينا = ياما لجل تكفـى لقينـا المضـــــرات

ياما لجـل تكفـى نزلنـا ورقـينا = وياما تجشمنا الدروب العســيـرات

تكفى تـرى تكفـى دمـارٍ علينـا = تكفى دمار اهل الكـرم والمـــروات

باسبابهـا صرنـا لهـم كافـليـنـا = ولاجنينـا الا الزعـل والغـرامـــــات

كـم ليلـةٍ لعيـون تكفـى سرينــا = نسري لجل تكفى على غير مشهات

وياما حملنـا ارواحنـا في يدينا = والعمـر ماياقـاه كثـر المــــــــدارات

وكم غاليٍ لعـيون تكفى عـطـينا = نعـطي ولانحسب حساب الخسارات

وان قلت تكفى قلت ابشـر وجينا = نجــيـك لو دونـك بحـورٍ غزيــــرات

نسـوق لجلـك كـل شـيٍ ثمـيـنا = نجـيبهـا بالمـال والا الوجـاهــــــات

على البلا نصبر إلـى مـن بلينا = نصبر على شيل الحمول الثـقــيــلات

لاتستغـل الحلم والطيـب فـيـنـا = الحـلم له حـزه وللـطـيـب حـــــــزات

كم جاهـلاٍ لعيـون تكفـى نصينا = وكبرت بعين الجاهـليـن التفاهــــــات

الجهـل أعيَـى كل طـبٍ مكـيـنـا = من عـصرادم لين عـصر الحضارات

اخشـى عليكـم ساعـةٍ تعترينا = نسرج بها خيل الجهـل للجهــــــالات

دام الدواء جهلٍ على الجاهلينا = نجهل جهل اعوام في ظرف ساعـات

نجهـل وحنا للجهل كـارهـيـنــا = مضـطر والمضطر يرقى الصعـيـبـات

ياللي تقول الحـزن خيـم عـلينا = الحزن بعض احيان للنفس مـلـهـــات

احمد بن عبدالرحمن العريفي
(نديم المجره)

............................
أبدعت مليوون ولايسدوووون
لاهنت على الجزله وانت راعيها
ابيات حملت الجميل في المكنون
قوة مبنى ومعنى
قصيدة اعجبتني جداً ورااقت لي كثيراً
صح لساانك واعتلى شانك ورفع الله قدرك
دمت وداامت سعاادتك
بانتظاار ابدااعك داائماً
لو دريت عنها كان نقلتها للوئام منذو مبطي

	المشاركة الأصلية كتبت بواسطة شموع الغربية

	............................ أبدعت مليوون ولايسدوووون لاهنت على الجزله وانت راعيها ابيات حملت الجميل في المكنون قوة مبنى ومعنى قصيدة اعجبتني جداً ورااقت لي كثيراً صح لساانك واعتلى شانك ورفع الله قدرك دمت وداامت سعاادتك بانتظاار ابدااعك داائماً لو دريت عنها كان نقلتها للوئام منذو مبطي

دائما احرص على قراءة ردودك بتمعن
فأنتي صاحبة الفضل بأنضمامي الى هذا المنتدى
يسعدني تعليقك على قصائدي
الله يسعدك
تحياتي

الله الله

صح لسانك واعتلا شانك

وبيض الله وجهك وأنشهد إنك قدها وقدود

"سبحان الله قصيدك يدخل القلب بدون إستئذاان"

تقبل مني أجمل التحايا .

الله الله الله عليييييييييييييييييييك
قصيدة في قمة الروعه

صح لسااااااااااااااانك
وسلمت يمناك

.
.
.

كفو كفو

يا نديم

شاعر جزل

يمتلك سلاسة المفرده

جزله من راس جزل .

عاش راسك يانديـــم

وصح لسانك .

ودمت بخير

	المشاركة الأصلية كتبت بواسطة عازف الإيقاع

	الله الله صح لسانك واعتلا شانك وبيض الله وجهك وأنشهد إنك قدها وقدود "سبحان الله قصيدك يدخل القلب بدون إستئذاان" تقبل مني أجمل التحايا .

صح قلبك لاهنت
شهاده اعتز بها
دامت لك المسرات
تحياتي

	المشاركة الأصلية كتبت بواسطة ملكة الاحساس

	الله الله الله عليييييييييييييييييييك قصيدة في قمة الروعه صح لسااااااااااااااانك وسلمت يمناك

صح قلبك لاهنتي
دامت لك المسرات
تحياتي

نجهـل وحنا للجهل كـارهـيـنــا = مضـطر والمضطر يرقى الصعـيـبـات
ياللي تقول الحـزن خيـم عـلينا = الحزن بعض احيان للنفس مـلـهـــات
ما شاء الله عليك
زادك الرب ابداعا
وتكفى
لاتبخل علينا
تحياتي
متمني