امانه لارحلتي ودعي قلبي شوي ..شوي

امانه لارحلتي ودّعي قلبي شويّ .. شويّ




..........تراني منكسر .. من سيرة الفرقا وطاريها

تراني من هذاك اليوم .. لاميت ولاني حيّ




..........ولا ادري عن جميع الناس قاصيها ودانيها




امانه وش معي ؟ .. والا وش اللي من غيابك ليّ !




..........ياكود الوّنه اللي ماتعدّت صدر راعيها




على حطة يدك / كل الطعون النازفه .. هيّ هيّ




..........بعد .. حتى انشراحة خاطري مني سرقتيها




انا مثل الغريب .. وغربة احبابي طوتني طيّ




..........اجاهد ضيقتي .. وظروف وقتي ويش اسميّها




ياويّ من السفر .. ومن الغياب المنتظر ياويّ




..........بلياك الحياه الهاديه وش حاجتي فيها !




بعد بان الصباح .. وذعذع الغربي .. ومال الفيّ




..........تنّهت .. وطرت لي ساعةٍ ماني بناسيها




هي اللي باقية لي من لقاك وذكريات الغيّ




..........تعزيني بعدك من الجروح اللي تركتيها




فمان الله .. رووحي .. والا انا مافي يديني شيّ




..........عسى عينٍ جفاها نومها .. تفرح بغاليها






للرائع / مشعان البراق

صح لسان قايلها
يسعدك ربي فلورندا

يا كود الونّة اللي ما تعدّت صدر راعيها ..
وصف في شطر هذا البيت غاية في الجمال والدقة ..
فلورندا .. يسلم ذوقك ,,

ملوكه
ويـــسعدك كمــان

ابـــــو خالد
شكرا لمرورك العطر
والذي زاد من تألق صفحتي

تراني عقب هاك اليوم لاميت ولا ني حي
ولا ادري عن جميع الناس قاصيها ودانيها
......
هذا ان دل على شي فانما يدل على شدة المعانه

الله الله

مااروع تلك الكلمات

ياوي من السفر ومن المغياب المنتظر ياوي

روائع وربي صادفت مابخاطري
واسمح لي ان اقول ان هذا الشاعر قد تاثر بالسبعان ومجالستهم يدل عليه هذا الشطر من البيت

القصيده رائعة جدا اللهم اني صائم
شكرا فلورندا على النقل والاختيار الممتاز

.......

تحياتي لك

	امانه وش معي ؟ .. والا وش اللي من غيابك ليّ ! ..........ياكود الوّنه اللي ماتعدّت صدر راعيها

ايوالله
آآآآآآآآآه
حسبنا الله ونعم الوكيل عليه .. بس مااقول الا الله يسامحك .. ليه وعلى ايه !! لالالا الله لايسامحك



فلورندا
خلينا نصوم ياشيخة

اختيار قلب المواجع و ذوق رفيع تشكري عليه


...

عسى عينٍ جفاها نومها .. تفرح بغاليها

والله بيت جميل اخوووي وصراحه على الصميم ومشكووور اخوووي على هاذي المشاركه

يعطيك العافية اخي فلورندا

فلورندا ربي يعطيك العافيه اختيار موفق وعقبال مانرى الاجمل انشاء الله لك عاطر التحيه

د ساري الرياض