لاتشتكي للناس لو كنت مطعون
اضحك وفلّ حجاجك إشفيك محزون
دنياك ما تسوى وخذها نصيحه..
مادام مالك ميت ولا إنت مديون
ارم الهموم وخل نفسك مريحه..
لو كانوا أصحابك يضاهون مليون
نق الكفو منهم وخل السطيحه..
ولا تشتكي للناس لو كنت مطعون ...
والذم من بعض الخلايق مديحه..
ولا تنحني للهم وتعيش مغبون
ترى المريح أهل العقول الصحيحه..
لا صرت صادق قالوا الناس مجنون
ما يمدحون إلا النفوس القبيحه..
وخلك صمود بوجه الأيام دندون
وما حرم الله إثم لا تستبيحه..
والكبر لو به فايدة فاد فرعون
ومن ذاع سرّه بشّره بالفضيحه..
والله لو يعطون لك مال قارون
ما شفت نفسك بالغنى مستريحه..
انفض هموم القلب وإبليس ملعون
وان ضاق صدرك ارض ربي فسيحه؟!؟
اعجبتني
أنت غير مسجل في منتديات الوئام . للتسجيل الرجاء إضغط هنـا
لا للناس ولو كنت مطعون 
