اخواني واحبتي
في منتدانا الغالي الوئام
اسعد الله ايامكم بكل خير
اليكم هذه الابيات المتواضعه وارجو ان تنال اعجابكم واستحسانكم
هيه يالي عن عتابي تسئلين=والخفا علامبه رب البريه
جتني ارساله وفيها تعاتبين=والعتب منكم انا اعتبره هديه
وحنى على رد الرسايل حاضرين=حاضر بحاضر وعلى وضح النقيه
ومدام ليه بالشعر حبلٍ متين=اليوم ابكتبلك بشيلة سامريه
شاعرٍ وبحث عن الشي الثمين=ودايمٍ اطمح وحب الاوليه
ما اوردها على عدٍ مهين=ولا اصخرها يغير بشاعريه
بجوٍ حلا من ورود الياسمين=والمطر هتان والديره نديه
حتى يجي معناي موزونٍ رزين=وابعد الابيات عن نقد وخطيه
وبعدها ارجع وجيب السائلين=بقلب صافي والمباسط احمديه
وفهميني وادري انك تفهمين=ياشبيه الورد مدري يا سميه
ركزي معيه وودي تذكرين=وش حصل وش صار بين صبح وعشيه
يوم انا ارسلتلك شوق وحنين=للخواطر والحروف الابجديه
قلتلك مشتاق وابغا تكتبين=ودي اقرا بوح بكفوفٍ سخيه
ورديتي انتي وجاني مكتوبك حزين=كيف اكتب بوح وحروفي عصيه
وامر في ازمه وعسى ربك يعين=حتى الحروف المهمله صعبت عليه
وقلتلك يابنت قولي وتبشرين=وابشري بعزك وسعدك يابنيه
بس قوليلي وحنا جاهزين=تراي اعتبرك انا مني وفيه
ويعلم الله قلتها بصدق ويقين=والله ما قصدي اجامل ياجوديه
وغاب مرسولك ولا شفته بعين=لليوم ما شفته وطول في مجيه
حتى شكرآ مارضيتي ترسلين=اخلفك ضنك وشكك يا اخيه
حنى بدو يا بنت جعلك تسلمين=لاعطينا ماندور للجزيه
ولا عطينا ما نجود الا بسمين=ويموت واحدنا ولا يمن العطيه
ونعيش بالدنيا على تقوى ودين=وعزنا بيت الشعر والشاذليه
ونشوم عن فعل الخطايا وكل شين=ويموت واحدنا ولا يترك خويه
ولا نعاشر غير ناسٍ طيبين=ولا عشقنا ما نحب الا ابدويه
ورث اهلنا ومحتمينه من سنين=ورث لهل العز ورجال الحميه
وبعد كل هذا طلبتك حاجتين=لا تواخذني ولا تزعل عليه