تبي تبكي معي ؟ وإلا إلتمس لي = رفيق لا نظـر دمعـي يعيـن
بكى ولا تباكى ومـاعذلنـي = ولا ينشد عـن الهـم الدفيـن
وكم ليل سهرتـه مـن بعدهـا = الين الصبـح بانـواره يبيـن
عوي ذيبي ولجت له ضلوعي = وهاضت عبرتي دمع سخيـن
وانا حزني من أسبابه ملكنـي = وصرت لدمعتي مثل السجيـن
ومن شاف الذي منها حصل لي = ولو انه عـدو أصبـح عويـن
وعشق زاد مـع زود الليالـي = وانا اضمن ما يبيد مع السنيـن
عدمت الروح كان اني سليتـه = وقلبٍ في هواه أصبـح رهيـن
عزلني حبـه وكنـي بجزيـره = بحرها وجد واشواقـي سفيـن
دليل الحـب لامنـي نظرتـه = يضيع الهرج لو هـي كلمتيـن
لهيب النـار وانسهـا بكبـدي = تلظي كل ما أشعلهـا الحنيـن
ألوج من النوي لوجـة اسيـرٍ = يشوف السيف ينقـل باليميـن
ويدري الخصم ماهوب متسامح = وشاف المـوت قدامـه يقيـن
متى بنشوف نجمه في سمانـا؟ = متى بيعـود للقلـب الحزيـن؟
أنت غير مسجل في منتديات الوئام . للتسجيل الرجاء إضغط هنـا
عدمت الروح 
