|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
11 / 11 / 2003, 01 : 02 AM | #1 | |||||||
مشترك اساسي
شكراً: 0
تم شكره 0 مرة في 0 مشاركة
|
والدعوة .. عااااااااااااااااااااااااااااااااااااااامّة بس العضوات (لا) للأسف..
.........................
بسم الله اللي فيه جني لا يقرأ ... يروح هناك أحسن له .. ترا الجن مانيب وياها أصحاب .. مفهوم؟؟؟ السالفة وما فيها:- عندي اقتراح لكل الوئاميين وهو أننا نجتمع كلبوووووونا ( طبعا الشباب ) .. ونختار مدينة تكون مكان التجمع .. زين ؟ ولتكن مدينة الرياض .. لأنها العاصمة .. ولأنها في الوسط .. في الوسط ولا في الدفاع :Dههههه .. زين ... ثم ننطلق .. وين نروح ؟ هنـــا مربط البغل :D ابغا أقول لكم وين نروح بس ما لا تستعجلون ... خلاص . نبي نروح مغنــــــــاص ... ( مغناص) من غنص الشي يغنصه غنصا .. أي أمسك به . فــ يعني ودي انّــا نروح مغناص ... نبي نصيد .. وننبسط .. طبعا الكلام هذا بعد العيد.. في رمضان ما نقدر ( تعرفون . وقت اجتهاد وعبادة والواحد ما يقدر يفوت الموسم الغالي . رمضان ) فـ يعني نبي نعيّد وننبسط ... ونتمشّى في أرض الله الواسعه .. ونشوف الدنيا على طبيعتها . طبعا .. بينقز لي واحد من هالملقّف >> اسمع يا وسيم يا هوه:p ... وبيقول الأعضاء واجد وكيف نروح ؟؟؟ .. والحل سهل جدا جدا .. نقطّ من 200 ريال .. ونستاجر باص .. مثل حق النقل الجماعي .. ونروح عليه وننبسط .. بعدين .. ترا الباص هذا ما (يغرّس) . وفي رواية . ( ما يغرّز) . وفي رواية أخرى ( ما يندفن ) .. المهم.. ونوزع المهمات على بعض .. فمثلا ... القدور على واحد .. والسكاكين على واحد .. والملاعق على واحد .. والرز على واحد .. والببسي على واحد .. آآآآآآووووييييي أعوذ بالله من الشيطان . جاني النوم .. اشم ريحة جني هنـــا:o .. يا الربع .. من اللي يقرا وفيه جني ؟؟؟ أرجو ومن غير مطرود يوخر عن الموضوع .. ولا يكمل .. تفهمون ؟؟ سبحان الله العظيم دقيقة فاصل يسير ونعود لموضوعنا ــــــــــــــــــــــــــــ لا إله الا الله أفضل الكلام . . . . من قام رمضان إيمانا واحتسابا غفر له ما تقدم من ذنبه . . . . انتصف شهر رمضان على المجتهد الاستمرار والاستزاده من الخير. وعلى المقصر المبادرة واستغلال ما بقي ــــــــــــــــــــــــ ... ايوه وين وصلنــا؟ ايه ذكرت .. وواحد عليه الدقيق .. والسمن على واحد .. وأواني الحلى على واحد .. (والدريم ويب على واحد) .. افلقني بقوطي نيدو ان خاوانا راعي الدريم ويب ههههه والملح على واحد وهكذا . وعلشان اختصر لكم .. ابذكر لكم بعض الأغراض وأنا متأكد ان الشباب المعينين بيجيبونها .. وما تبقى نبي كل واحد من الشباب يتبرع به الصقور على الوافي .. سامع يا مدير ؟؟ والله اما جبتها لتصير علوم .. تواضع شوي يا هوووووه :D 3 جيب شاص : على ابو منذر ( السيف ) الله يعينه اللوري يدبره : الحســــام .. بنشيل فيه العفش ماطووووووووور كهرب كبيييييييير على : وسيم ابو حظ كويس >>> بيطفي الكهرب كل دقيقه 5 خلفات منايح من راعي الهدلا . ابو رهف .. رهين العذاب .. بس تكفا جب الهدلا معهن .. خلاص ؟ .. وانا اتبرع لكم .. اتبرع لكم بالوايت .. مرسيدس .. بنز .. ال بي.. كنشه أفطس .. غمارتين سقس .. وفيه الحوض حق علف اباعر رهين .. وفيه ثلاجه .. وشنكار الذبايح .. ومجهز بصندوق إسعافات .. وتنفس اصطناعي ( الله لا يقدر مكروه) .. ومجهز بشبكة مياه .. واستيشن .. وفيه ماطور كهرب محدود الانتاجية .. ومجهز بشبكة كبوس .. وعليه سلة حطب ( سمر) و و و .. وبلاوي الى الليل ومن يحب أن يخاويني على الوايت يا هلابه .. لأني ما نيب رايحن في الباص .. ولو رحت فالباص من بيسوق الوايت ؟؟ الجدير بالذكر أن الوايت ما يشيل الا أربعة نفر .. ويبقى .. الخيام .. والفرش .. والبنادق >>> بنادق الصيد . لا أحد يفهمني غلط .. ترا الوضع شائك هاليومين .. وهالأمور وغيرها وغيرها الكثير . أنا عارف ان بقية الشباب ما هم مقصرين .. وكلن بيتبرع ويجيب شغلانه وإذا بنا جاهزووووون . (( جاهزون خبر والمبتدا ضمير غايب والغايب عذره معه . مكسور بالجزمه وانتم بكرامه) هههههههه ( لا تلومونني متحمس مع المقناص ) هاه وش قلتوا ؟؟ ترا الدعوة عــــــــامة ( بس للشباب ) ولا نسمح لأحد كائنا من كان أن يتخلف .. وكل شباب الوئام لازم لازم يروحون .. الدعوى غصب ما فيه نخيير .. زمان الدلع والتخيير راااح .. أما العوائل .. عليهم بالشاليهات أو كلن يلزم ارضه أحسن له >>> شديد وظالم|9| هههه الرحلة فيها مسابقات وفيها (((((( توزع جوائز مسابقة وسوووووم الكبرى )))))) وفيها سحب على الحاشي اللي أنتم خابرين .. يعرفونه الشباب .. الباحث عن .. وشلـّـــته :D اللي اسمه يبدأ بحرف ( عليان) وفي الرحلة .. قصص مثيرة .. وحكايات .. و محاوراااااات .. و ألغاز .. واسطوانات غاز .. وعلومن سفره.. يالله يا شباب تراني متحمّس .. لا تفشلونني .. وعلى مدراء المنتديات تسجيل الأعضاء .. وموافاتنا بأسماء المتخلفين عن الرحلة .. حتى نعمل لهم عملية شرشحة .. >>>> أخس يا منصّب نفسه مسؤول .. ملاحظة للأخ وسيـــــــم (((( ابن مجــــلي )))) اطمئن لن يخاوينــــــــا تحياتي ،، |
|||||||
تعشيت ورقدت وصرت افزّ بمرقدي مفزوع=حلومن مفزعه بالحيل ، لا عدتي طحينيّــه
أبو تركي العتيبي
|
||||||||
11 / 11 / 2003, 34 : 02 AM | #2 | |||||||
من مؤسسي الوئام
شكراً: 0
تم شكره 2 مرة في 2 مشاركة
|
بسم الله الرحمن الرحيم
ابو تركي السلام عليكم ورحمة الله وبركاته الحسام أول واحد مستعجل حتى المشاركه ما قرأتها لكن لي عوده إن شاء الله الحسام |
|||||||
كل عام وانتم بخير
|
||||||||
11 / 11 / 2003, 05 : 04 AM | #3 | |||||||
مشرف عام
شكراً: 0
تم شكره مرة واحدة في مشاركة واحدة
|
بسم الله الرحمن الرحيم ابو تركي حيا الله النسيب الحبيب معكم على الخير وا.....لا هونت الثاني ما انتم اهله انتم هل الخير إن شاء الله معكم معكم معكم بس الرياض بعيده علي يابعيدي انا قايل لك فيه مقناص قريب ما هو بعيد لكن خلها بدري قبل الدوامات والدوام لله اما الخلفات ابشر بها وما هي منايح الا مد بلا رد وانا راعي الهدلا ابشر والله لو تبا ذودنا كله لكن وش رايك نخليها بالعائلات اهي فرصة تشوف رهف وعلى فكرة تراها تسلم عليك قلت لها وقالت عطني فرصة ابفكر وابنشد عن الرجال وياليت ترسل لها صوره هههههههههههههههههه |
|||||||
الغااااالي وااااافي
اقراك (حب ) ويخجلني حروفك =ياطيب الرفقه قليل الحلايا
اعيش معك اهات قلبك وخوفك =واحياك نبض ٍ بين حدب الحنايا إن غاب زولك سامرتني طيوفك =احيا بها ليل وقصيد وحكايا رغم العذاب ورغم قاسي ظروفك =منحتني حب ٍ غريب المزايا اسقيتني طعم الأمل من كفوفك =وانسيتني مر الألم والرزايا تقصر خطايه دون رد معروفك =لكن سامحني وكلي خطايا
|
||||||||
11 / 11 / 2003, 38 : 05 AM | #4 | |||||||
&... Z ...&
شكراً: 0
تم شكره 0 مرة في 0 مشاركة
|
بصراحة موضوع جميلة وفكرة اجمل
بس يا خسارة انا في الامارات :D يلا فرصة ثانية |9| <<<<<<< هربنا من الرحلة وتسلم |
|||||||
|
||||||||
11 / 11 / 2003, 09 : 07 AM | #5 | |||||||
مدير عام المنتديات
شكراً: 265
تم شكره 102 مرة في 99 مشاركة
|
..........
... الجدير بالذكر ان الوايت مايشيل الا اربعه والجدير بالذكر ان هذا الموضوع مثل صاحبه رائع ولطيف ودمه خفيف والجدير بالذكر ان هذا الموضوع جدير بالاشادة الاقتراح جيد وتوزيعك للمهام جيد لكن ياخوك اعفني من مهمة احضار الصقوروصقور الرحلة والله يااخوك تكفينا عن غيرها ولانبي غيرها صقور بس بس بس امممم ناقصها الشياهين وبس ههههه الله يرج ابليسك ابو تركي وربي انك ضحكتني واخرجتني من جو عادة مااخرج منه الا بتخريفة الله يسعدك ابو تركي وانا ودي اخاوي راع الوايت ولكن تكفى لو جاك السيف قول له المقعد ابو اربعه محجوووز ترى انا والالفين جني مانتفق كلك ذوق ابو تركي ... |
|||||||
...
|
||||||||
11 / 11 / 2003, 30 : 07 AM | #6 | |||||||
وئامي فعال
شكراً: 0
تم شكره 0 مرة في 0 مشاركة
|
الحمد لله ربنا فكك ياصنديد الرحله هذي مخصصه للشباب وإنت عود شايب غير تروح وتخرب عليهم الكشته (هاتو القهوه - زهبو الغدا - حط - جيب - ود - الرواح الرواح ياولد ) وتخربها الحمد لله إن الدعوه للشباب خخخخخخخخخخخخخخخ ------ يعطيك العافيه أبوتركي === كح كح كح صنيديد |
|||||||
|
||||||||
11 / 11 / 2003, 35 : 04 PM | #7 | |||||||
وئامي جديد
شكراً: 0
تم شكره 0 مرة في 0 مشاركة
|
مشكورين
بااااااي |
|||||||
|
||||||||
11 / 11 / 2003, 01 : 05 PM | #8 | |||||||
مشترك اساسي
شكراً: 0
تم شكره 0 مرة في 0 مشاركة
|
وعليكم السلام يا ابو ابراهيم
بس لا تصرّف وتقول ما قريت المشاركة.. ترا اللوري معروف منك والله يعينك وان كان ما تقدر تشريه نقد .. بدبر لك واحد يقصده عليك >>> ياهو نشبه :D ابو ابراهيم لازم نشوف رايك بالتفصيل لاهنت حبيبي تحياتي |
|||||||
تعشيت ورقدت وصرت افزّ بمرقدي مفزوع=حلومن مفزعه بالحيل ، لا عدتي طحينيّــه
أبو تركي العتيبي
|
||||||||
11 / 11 / 2003, 14 : 05 PM | #9 | ||||||||||||||||
مشترك اساسي
شكراً: 0
تم شكره 0 مرة في 0 مشاركة
|
اخوي رهين
يا هلابك .. وسالفة ان الرياض بعيده هذا مهو عذر .. لأن فيه شي اسمه طيارات وسيارات وما عليها بعيد يا سنايدي فـ تجي يعني تجي >>> ياهو شديد:D وسالفة المنايح .. الله لا يهينك وما لاحقنا شك فيك يا عصابة راسي تعطي أكثر بس تخبر .. نبيها فترة الرحلة .. وبعدها يكثر خيرك .. لأن البل عندنا واجد .. بس ما فيها خلفات كلها متــــــالي الماخوذه .. عليــان ما فكيناه فيها الا تالي الشتا :o
يا حليلهاااااا >>> واحد مصدّق وبالنسبة للصورة فمالها داعي لأني وسيـــــــم بس حظي كويس .. مهو مثل وسيم رفيقنا اللي حظه دمار .. فأقول أنا وسيم >>>> آكل في نفسه مقلب وإذا هي مصممه على الصورة فأقول شف الصورة اللي تحت معرفي وتراه يشبه لي .. صح وسيم؟؟ هههههه رهين عوفيت على مرورك وتعليقاتك العذبه يا حبيبي.. وتقبل أرق تحية |
||||||||||||||||
تعشيت ورقدت وصرت افزّ بمرقدي مفزوع=حلومن مفزعه بالحيل ، لا عدتي طحينيّــه
أبو تركي العتيبي
|
|||||||||||||||||
11 / 11 / 2003, 24 : 05 PM | #10 | |||||||
مشترك اساسي
شكراً: 0
تم شكره 0 مرة في 0 مشاركة
|
اخوي الحلو85
لا لا ما هربت من الرحلة أبدا فكونك في الإمارات لا عذر فيه.. فيمكن نخلي الاجتماع علشانك يكون عندكم في الامارات .. ويكون في مدينة ( أبو دبي) خلاااااااااااص وراك وراك ماكو عذر تجي من باب نجيك من باب ثاني .. يا فتى الإمارات الفلسطيني تحياتي |
|||||||
تعشيت ورقدت وصرت افزّ بمرقدي مفزوع=حلومن مفزعه بالحيل ، لا عدتي طحينيّــه
أبو تركي العتيبي
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
للأسف للأسـف للأسف هذا ماحصل | المتهور | ||صدى الملآعب .. | 12 | 06 / 04 / 2008 46 : 08 AM |
فضائياتنا والدعوة !! | نداء | نفَحَآت إيمَآنِية | 6 | 05 / 02 / 2003 04 : 08 PM |
للاعضاء فقط العضوات الملاقيف برا | مرتاد الافق | ملتقى الأصدقاء | 14 | 08 / 09 / 2002 21 : 02 PM |
والدعوة عامة | طبرجل | ملتقى الأصدقاء | 12 | 03 / 09 / 2001 01 : 08 PM |