أحبتي يسعدني ان أشارككم هذه المشاركة الجديدة راجيا من الله أن تحوز على رضاكم ...
تقول القصيدة : ..
[poet font="Arabic Transparent,14,black,normal,normal" bkcolor="orange" bkimage="http://www.mahroom.net//backgrounds/38.gif" border="double,4,deeppink" type=0 line=200% align=center use=sp char="" num="0,black"]
جاني يعيد اللي بقلبي طويناه=جاني يذكرني بحلم بنيته
جاني يعيد الحلم،حلم نسيناه=اللي دفنته في ضلوعي وطويته
بدايتي وإياه درب رسمناه=على النقاء والطيب يمه مشيته
وعطيته اللي كل نفسه تمناه=لو ما وجد عندي رحت وشريته
ما قلت غالي!قلت يرخص لعيناه=ياامر أمر سلطان قلبي فديته
ونزلت له من فوق عرش رقيناه=والتاج نزلته وقمت وعطيته
وقلت إلبسه يزهاك تاج لبسناه=أرقى معي ياتاج عرش رقيته
وخلعت له من كل شيء ملكناه=ملكي وختم الملك بيده رضيته
وفتحت له قلبي وسلمته إياه=وسنيت له دستور عمري وحييته
ويوم أستتب أمره وملكه بيمناه=وزانت له الدنيا وعرشه حميته
قام يتغلى كن محد بدنياه=شاله هوى نفسه وطبعه وصيته
وخان الامانة يوم حنا إئتمناه=ماصان عهده يوم منه خذيته
وتغيرت حاله وشانت نواياه=لا وخسارة سعيي اللي سعيته
حاولت به يمشي على ما بغيناه=وأثره نسى ما كان منه بغيته
يا ما رجيت يتوب وياما نصحناه=وياما عن الغلطات بامري نهيته
لكنه أعمى ، جاهل عميت رياه=أعمى بيده عينه وأنهار بيته
واصدرت انا مرسومنا اللي امرناه=ونفذت به حكم القرار وتليته
أنفي وجودإنسان كنا نتمناه=حتى عروق الدم منها نفيته
معاد أبي قربه ولا القلب يهواه=ماله وجود بملكنا اللي وليته
بنسى حياة عشتها كنت وإياه=بنسى حلم وإياه بيدي بنيته
[/poet]
وفي الختام ارجو أن تنال رضى الاحبة ولا تحرمونني رايكم فيها ...
اخوكم / نديم الماضي
![نقره لعرض الصورة في صفحة مستقلة](images/smilies/smsm/cool.gif)
ماق