كيفكم يا غاليين طيبين ومبسوطين ومستانسين ومتهنين ^ ^
مدري من وين أبدأ
الكل يعرف تقريبا انو الصيف الماضي كان عندي تدريب في بترو رابغ
هذه التجربة طبعا لن تنسى .. من ناحية العمل .. او من ناحية الذكريات والمغامرات خارج العمل مع الاصدقاء والاصحاب
طبعا كانت أيام من أجمل الأيام ... وعشنا حياة عزوبية مليانة مغامرات ومضاربات وأي شي ههههههه
زي ما قلتلكم اليوم هو اليوم العالمي لتقليب ملفاتي .. برضو كنت اتفرج وشفت صوري ايام رابغ .. ورجع بي شريط الذكريات الجميلة
فقلت خليني اشارك احبابي بالوئام بتقرير مصور صغير أخبرهم من خلاله كيف كنت عايش
طيب من وين أبدأ
باسم الله .. أول ما وصلنا طبعا استقبلونا وطلعنا الآي دي كارت الخاص بالشركة وودي أنزل صورة البطاقة بس زي ما تعرفو لأسباب أمنية مارح أنزلها خخخ
بعد كده اتجهنا مع مشرف التدريب لاستلام مفتاح السكن الخاص بينا .. وكانت فللا مكونة من دورين .. الدور الارضي عبارة عن غرفة المعيشة .. وغرفة لاستقبال الضيوف .. وحمام الله يكرمكم ومطبخ .. وفيه ملحق خارجي فيه غرفة
نوم بحمامها أكرمكم الله وفيه طبعا حوش .. وأيضا موقفين كراج ..
أما الدور الثاني فكان عبارة عن أربعة غرف نوم وتختلف أحجامها طبعا ولسوء حظي لمن سويت قرعة مع الشباب جاتني اصغر غرفة
وهذي صورة الفللا من الخارج طبعا كنت انا وثلاثة من اصحابي مع بعض
طبعا بعد ما استقرينا واخدت غرفتي حطيت اشيائي عالسريع واخدتلها صورة فهي مخربطة شوي مشي حالك خخخ ... وهذي غرفتي
بعد ما كل واحد ريحلو شوية بدأ الجوع يشتغل ومحد فيه حيل يخرج يشتري او يطبخ .. فقررنا انو نسوي شي عالسريع .. هبمرجر يمي يمي
من الاشياء الحلوة اللي كانت في السكن النادي والشاطئ .. الشاطئ كان مرة حماس خصوصا انو بعض الايام يكون فيها الجو حلو ومعتدل يكون ال ال حماس
هذي صورة لي داخل السكن وانا متجه للنادي .. مسوي رياضي هههههه
في يوم من الايام وكان يوم ربوع كنت مطقم فيه طقم اسود في اسود وعندي سيديرية بيضة .. ولمن وصلت البيت كان عندي طاقية سودة فشلت السيديري ولبست الطاقية .. فطلع شكلي كأني مجرم ههههههه
وطلبت من صاحبي يصورني .. شوفو
كيف بس خخخخخ
طيب خلينا نشوف بعض اللقطات اللي أخدناها في شاطئ رابغ
هذا أنا واقف مع سيارتي المبجلة خخخ
وهذي صورة أخرى لي في بداية الشاطئ المخل المؤدي للسقالة
صاحبي هوياتو جمع الصدف .. فكنا ندور سوى هنا وهناك ندور صدف .. وحصلنا اشكال مرة حلوة .. الملاحظ انو كان فيه من ابو جلمبو مرة كتير ومرة حلوة .. فمسكنا واحد وصورنا وصار مشهور هههههه
في يوم من الايام رحنا كان الجو مرة خطير وكان الوقت قبل المغرب .. وبالصدفة حصلنا ناس يصيدو فاخدنا الشبكة منهم واتصورنا معاها ههههه يعني اننا نصيد خخخ