[@عبد العزيز@ ●]

اليكم قصيده
من ملفات ابو سعود
تعبر عن نفسها
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البارحه مع هجعة الناس قررت =اسهر على نظم القوافي والامثال
ماطاب لي نوم العرب يوم فكرت =اجيب ماعندي وانا ضايق البال
ارسلت فكري يمة السيف وابحرت = في زورقٍ مال الردي فيه مدهال
انا الوحيد اللي دخلته وسافرت =مع غبةٍ وسط البحر مالها جال
حتى وصلت لموقعٍ فيه قدرت = عمق المسافه بين نفسي والاهوال
عنده نصبت لزورقي ثم حدرت =شبكٍ شرابيكه كما فخ حبال
يمشي معي بالطوع من حيث ماسرت =صيده حسب ذوقي سمينات وجزال
ابطيت المه ماتعبت وتذمرت=لين استجاب وجاك بالحمل يختال
حزة جذبته بالسبب ماتاخرت =قمت افرد الجوهر ونقيه فالحال
اخذ غزيز الصيد لامني اخترت =واترك هزيله فال من كان اله فال
نظمتلي عقدٍ على شانه اسهرت=عينٍ لها مع سوء الأقدار موال
وان ضقت من هرج الرخوم او تكدرت=جالي على بعض التعابير مدخال
هذا الوكاد اللي جبرني وغيرت= رايٍ ذكرته في ثلاثين شوال
اخطيت في فرضه عليكم وكثرت =بس الخطا مرجوع والحق مازال
وانا صبرت وشفت ماعفت وانذرت=لكن مافاد النذر والصبر وطال
لاتحسب اني من كلامك تضررت =ياللي تقول ان الشعر ضحك وهبال
والله لونك رجعت وتعذرت = اني ماقول من الهجا ربع مثقال
والشعر هو سلاحي ان كان عبرت =يشفي غليلي من شواكيش الانذال
ياما نصرني لاتعومست واحترت=مثل القلم والسيف ماضي وفعال
والا انت مالك يالردي عندنا كرت= ماتنسمع كلمتك لو قيل رجال
خبلٍ يهمك ماجمعته ووفرت=تبخل على الضيفان يالهيس بريال
وقت اللزوم اليا بغيناك قصرت =ماتنطح الواجب عسى مالك عيال
ماقط قالولي على الطيب بادرت =مكسبك دايم دون ياشين الأعمال
ذليت نفسك من زمان وتعثرت =تامر عليك الحرمه وتنحني ذال
محكوم في ظل امرها ماتحررت =امضيت نصف العمر سايق وشيال
ياهون قدرك لو عليت وتكبرت =يامرتع النمه ترى الموت ختال
يقطعك ماعمري سمعتك تحاورت = الا تسب وتنقل القيل والقال
كم واحدٍ غافل بهته وجاهرت =واسرفت في ذمه على كل منوال
الله حسيبك بالرذيله تمظهرت= ماتعرف انك للردى صرت مرسال
والحكمه اللي يوم شفتك تذكرت =ماترفع الرجال حفنه من المال
ياوين ابلقا شاعرٍ يوم دورت = يشرب معي بين الصلاتين فنجال
ابدا معه طاروق لامني احضرت = وان حضره قبلي ترى مابه جدال
ماقالو اني مع جنابه تشاجرت = حيث ان صحبتنا على طيب ودلال

في مجلسٍ عامر حضرته وبكرت =هاذي سواتي مع مداغيش الابطال



[/poet]

اعذروني على بعض الالفاظ
ه

[wafei ●]

..............

.........



محجـــــــــــــــــــــــــــــــــــــــــــــــ ــــــــــــوز حتى اشعار آخــــــــــــر





خلني لين افيق يابو سعود حسبي الله عليك

[الســــيف ●]

محجووووووووووووووووووزين

لين اشعاااااااااارين



خلني لين استوووووووعب الابداع

طيب نرجع نكمل
ابو سعود والله انها تطوّح لك الغتره
ويرمالك العقال

والله ياخوك دورت كلام يليق بالمقام
ماقدرت


اهديك هالبيت
اللي الله يعز صاحبه


بعض العرب من غلاه وكبر مقداره

------------------- لو قال عطني اعيونك قلت


قلت









قلت



دوكيها


هذا انت وانا اخوووك

السيف

[الحسـام ●]

[c]


[/c]
[c]
بسم الله الرحمن الرحيم
السلام عليكم ورحمة الله وبركاته
كله محجوز محجوز .... احنا ما خليتوا لنا شيء
حسبي الله على ابليسكم
اقول .... اخوي ا بو سعود
صح الله السانك على هذه الرائعه
من ابدع ما قرأت لك
حكم .. حكم يا بوسعود
والحكمه اللي يوم شفتك ذكرت
00000000000ماترفع الرجال حفنه من المال
ياوين ابلقا شاعرٍ يوم دورت
00000000000يشرب معي بين الصلاتين فنجال

والله لو كنت حولكم وإلا حواليكم كان تقهويت معك
المهم .لا تنسانا . اذا طلع الفقع حولكم .. في ذيك الديار
عطنا خبر .. نجيك على وجه السرعه .
الحســــــــــــــــــــام
[/c]
[c]


[/c]

[ابو تركي 10 ●]

كفو كفو كفو

كفو والله يا ولد العم

كفو كفو

تسلم وصح لسانك يا مبدع

أبو سعود ,
يا دكتور الشعر
هذه رائعة من رواااااااااائع أبو سعود

لا هنت يالقرم
وجزلة ومن جزل
ابداااااااااااااع معهود يالغالي

والسلام عليك
أخوك الصغير
منسدح عشرة

[wafei ●]

..............


....

اقووووووووووووووووووول يابو سعوووود


والله ان الحسام صدق
فعلاً من اروع ماقرأت وماسمعت لك وقصيدة لايملها قارئها
وبرغم روعة قصائدك الا ان هذه اروع واروع واروع
ولااقول الا بيض الله وجهك يابو سعود
والمعذرة للاحراااج ياقمر
والف الف شكر لتلبية الطلب


سلمت ودمت يالذيب


كلك ذوق ...

[عــذب الحروووووف ●]

هلا بالشاعر المبدع ابو سعود
قصيده قمه في الروعه
كفيت ووفيت يالحبيب
امتعتنا برائعتك المميزه
لاهنت اخوي وصح لسانك
تقبل تحياتي وسجل اعجابي
اخوك النمر

[رعبوبـه ●]

ابو سعود


اخوي الكريم


والله عقب كلام عصمان الشوارب مالي حكي


كل بيت يحمل حكمه وكل بيت فيه من الجزاله ما يستوعبه ديوان شعر كااااامل


صح لسااانك يا الذيب وتسلم يمنااااااااااك والله لا يحرمنا من ابداعاتك وروااائعك



اخت الجميع رعبووووبه

[طارق ●]

أخوي أبو سعود

تسلم تسلم وصح لسانك يالقرم

والله انك أجزلت القول وأبدعت .. وماهي غريبه منك أنت راع الابداع

قصيده رائعه وتنطق بالحكمه .. من شاعر حكيم

كفيت ووفيت ولاهنت لاهنت وصح لسانك

تقبل تحياتي

[@عبد العزيز@ ●]

اخي وعزيزي الوافي
مدري وش ابقول بس انتظر لين ينتهي الحجز