احبتي
اسعد الله ايامكم بطاااعته
(مكره اخاكم لا بطل)
قصيده سدحت في منتدى طاقم العمل
علقت عليها بأبيااات
من بااب الدعااابه
ولكن فيه بعض الناس!!!!
حالفين الا ينقلونها هنا
وانا عااارف مين محرضهم علي
محرضهم علي وااافي
على شأن يقول بكره هذا دليل قطعي على انك مخاااوي
طبعا القصيده الاولى لا اعرف قائلها
اما الثانيه في لمرجااانه اخت سعيّد
من باب (الحفاظ على حقوق النشر)
اليكم القصيدة التي استثارت مرجاانه
البـارحـه وانا مع اصـحـابي الجـن = قـابـلت بالصـدفـه قـريـني مـعـدي !
مـرسـول سـلـمى بـنت خـالة 00( زلوجـن ) = جـنيـّة ٍ لا شــفـتـها بـاح ســدي !
لـمـحـة سـنـا مـارج0لـهـب ضـو ! مـنـجـن ! = تـزل وتـعـدي 0 وازل وتـهــدي !
نـفـس الصـفـات 00 ونـفـس تـقـريـبـا السـن = لكـنـها ما هي على مـزح 00 جـدي !
تــلـعـب على مـرجـيـحـة غـوايـة الضـن ! = وصـلـت مـعي00حـتى تـعـديـت حـدي !
لادن دنـتـلي دنـدنـة دن دن دن !=دنـدنـت انا مـن دنــدنـة دن دنــدي !!
دن دن ددن دن دن ددن دن دنـدن=دندن ددن دن دن ددن ددنــدي !!
قالـت : من انت ؟ وقلـت بـلـسـانـهـا : من ؟؟؟=انا ؟ انا ؟ انا ؟ انا ؟ مين ؟ ردي !!
انا الزعـيم بمعـشـر الانـس والجـن !=انا ولا غـيـري على الأرض قـدي !
انا الكـبيـر بـعـالم الشـعـر والفـن != انا الوحـيد اللي بالأنــداد نــدي !
انا الرضـيـع اللي نـبـت له مـيـة سـن != وانا المـخـرّف00 والحـلاوه بـيـدي !
انا الحـزين اللي يقـولون له 00 غـن ّ = وانا السـعـيـد اللي مـلا الدمـع خــدي !
وانا الذي لا يـمـكـن 00وصـار مـمـكن = ودي 00 ولا ودي ! تـعـرفه وودي !
*************************
*************************
ردت مرجاااانه تقول:
اليوم يوم إن المراسيل وردن = من صووب سلمى قلت لازم نردي
وناديت لسعيد وجاوب (مشنشن) =هذا ترى في حكينا مستعدي
وجبت العظام وفوقها شين ازين=.وعزمت انا سعيد وقالي متغدي
وعقب انتهيت من الغدا قلت لحن=صوتي ترى ياخووك حيل متردي
واختك تبي ترقص حواليك وافطن=.لا احد ٍ من الجيران فيها يلدي
قال ايه لكن كيف يابنت نضمن=.ذاك الذي خاله يقولون هندي
بكره يجي ويقول لا يا الملعن=من هو عطاكم اذن هذا تعدي
قلت اصبر اشرايك نجيه نتمسكن=وانت ابك وانا اسمح له يبوووس خدي
وجيناااه واليا حالته حيل تحزن=قلنا علامك ؟ قال الايام ضدي
انا الرهين اللي همومه تداعن=.تعبت من دنياي جزر ٍ ومدي
وجراح قلبي نازفات وملن=من وقتي اللي نص حمله يسدي
واليا كتبت الشعر يا (جن) فاحن=من سبة الجرح القديم المصدي
ويعرف سبب شكواي هنٍ ٍ وابن هن=وانا كريم الاصل جدي وعدي
ويفْرح عداي بكاي ضحاكة السن=ويزعل منه من كان ليه مودي
من شان ذا حلفت والله لاسجن=شكواي للخالق واخوض التحدي
صحيح صعب وعارف انه يجنن=لكن مالي عن عذابه مصدي
لابدها هالسفن في يوم يرسن=وارتاح من هم ٍ غدى مستبدي
وهلت دموعه غصب عنه وتمكن=حزنه بداخلنا والغيت ردي
((القصيدة لمرجاااااانة اخت سعيّد ))