ورقة الحضــور

	المشاركة الأصلية كتبت بواسطة wafei

	الله يمسيك ويصبحك بكل خير وسعادة فتى الجميزة العزيز والغالي وبيض الله وجهك على هذه القصة الرائعة والابيات المعبرة مع اني اعرف بن عاتق واسمع بعض قصائده ولكن اول مرة اسمع بهذه القصة وقصيدتها . بيض الله وجهك وياليت تتحفنا بمقتطفات من هالقبيل \

صبحكم الله بالخير والنور والسرور
وجمعه مباركه على الجميع ان شاء الله
استاذي الوافي شكرا لك ولشخصك الكريم وانت كذلك بيض الله وجهك مليون ولا يسدون
وتامر امر وابشر بكل ما تطلب ويشرفني ذلك ســــــــــــــيـــــــــــــــــــــدي



يـالله تصبـح وافــي الكل بالخير = وتسعد مساه وباقي الوقت كله
راع الوفاء والطيب رجل المخاسير = الضيف دايم مايفارق محله
لياجاه ضيفه مايقدم معاذير = يقدم له اغلى المال دقه وجله
تلقاه منصى اهل الوجيه المسافير = زحول الرجال وكل كايد تحله
ومشرع المجلس لضيف ومسايير = واللي يجي يلقى وناسه وفله
يامير من عادتك تمشي مع امير = جنابكم من قاربه مايمله
قديمه ماهي جديده لكن يعجبني التجديد

	المشاركة الأصلية كتبت بواسطة رحـــــــــيل

	.. أحلى صباح بحياااااااااااااتي 12 / 10 / 2012 أأأشهد ان في الحياة قلوب أعشقها بوجودها الدنيا " غيااااااااااااااب " حتى عن نفسي أغيب و أصير كلي منهم ولهم ~ يارب زدني تعلقاً وقرباً منهم ~

اختي رحيل هنئياً لشخصك الكريم والله يزيدك فرح وسرور وسعاده في الدنيا والاخره وبالتوفيق ان شاء الله

:

:

صباحكم/مساءكم.. ذكر

كيفكم وشو اخباركم

:

لاتنسوا الكهف والصلاة على خير البشر

ولاننسوا احبائي
في هذا اليوم ساعة من خير الساعات

اطلقوا العنان لأمانيكم والحوا على مولاكم بالدعاء وتضرعوا اليه

لاتدعوا في خواطركم هماً

ولا تنتظروا الاجابة في نفس الوقت

فالله اعلم بما هو خير لكم .. فقط فوضوا اموركم اليه وأحسنوا الظن به


:

أحبكم في الله

..
مساء الحب والشوووق

اسسف على الغياااب .

ماني بمختار الغياب المشكله هو الغياب
............................لااختارني مالي جدى والمعذره لك يالحضور

كذا كذا ياوقت تاخذنا ولا نحسب حساب
..............................ظلام مايجلي ظلام الله طلبتك نوور نووور

سهله مدامك يذهاب بترتبط لك في اايأب
........................المشكله لاصارت الروحه بلا رخصة عبوور!!

يالله دخيلك

:

:

مساكم نووووم

ماشاء الله وش هالازين ياخوايف

صح لسانك

اجل كل مره غيب عشان تجيبلنا ابيات من الزينه

مسااا الخير

اسعد الله مساكم وصباحكم ايها الاحبه بالخير والسرور
تأتي السعادة كثيراً على هيئه كلمه عميقه او نسمة هواء عليلة او هديه من صديق
وذكرى انيقه ودعوه من قلوب طيبه و صادقه



قصه قصيره
عبيد بن شريد الشاماني رجل معرفه وحكمه وقد عصفت به في وقت من الاوقات بعض الظروف والمشاكل
مما اشغل باله وفكره وعند ما يكلمه احد لم يرد عليه بسبب شرود فكره وذهنه فتوقف بعض الناس عن الكلام معه فقال هذه الابيات


بعض العرب من وقفت البال يقفون ::::::::::: يشوفني يوم اسرق الهرج دوبي
والـبـال مـما فـيه يانـاس مـشطـون ::::::::::: كـنـي علـى مـتـفرقـات الـدروبـي

\

يسعد صباحاتكم جميعاً بكل خير


ويسعد صباح الراوي والأديب فتى الجميزة


ورحم الله بن شريد
رجل حكيم ورجل كريم ورجل شجاع ورجل مواقف
وشاعر نجد في شعره مزج بين الحكمه والطرفة والفكاهة .


الف شكر يافتى على ماتتحفنا به من مقتطفات تستحق الطرح والحفظ والاشادة


\

.



صباحكم ورد

	المشاركة الأصلية كتبت بواسطة خلف الجابري

	ماني بمختار الغياب المشكله هو الغياب ............................لااختارني مالي جدى والمعذره لك يالحضور كذا كذا ياوقت تاخذنا ولا نحسب حساب ..............................ظلام مايجلي ظلام الله طلبتك نوور نووور سهله مدامك يذهاب بترتبط لك في اايأب ........................المشكله لاصارت الروحه بلا رخصة عبوور!! يالله دخيلك

يالله دخيلك

أجمل و أرقى الاعتذارات

و أروع توقيع حضور .. صح لسانك ..

شاعرنا الجابري

نووووووورت الوئام وياعساها اخر الغيبات

عسانا مانعدمك

	المشاركة الأصلية كتبت بواسطة فتى الجميزه

	بعض العرب من وقفت البال يقفون ::::::::::: يشوفني يوم اسرق الهرج دوبي والـبـال مـما فـيه يانـاس مـشطـون ::::::::::: كـنـي علـى مـتـفرقـات الـدروبـي

الله الله أخوي فتى الجميزه

متلهفه لكل ماتنثر من حكم وقصص

فلا تحرمنااااا