البـــــــــــارحه
البارحه راسي تصافق طواريه=والنوم ماله يمة العين حروه
يلعب براسي صوت صلف المشاريه=ذيبٍ عوى يبغي عشى امه جروه
وانا على الدنيا من الهيه للهيه=ما همني شهره ولا جمع ثروه
همي وغمي واحدٍ يوم الاقيه=كني عليل وشوفته محو قروه
ياتل قلبي فالهوى من عراويه=تل الرشا دلوٍ ثلاثين عروه
يتله اللي حامي القيض حاديه=يسقي له ابل مارعاها كروه
عشرٍ شريدة كثرها من غواليه=أقفت كما يقفي مع الجم مروه
واللي بقى عشرٍ وصاته من إبيه=من دونها لو يصبح الصدر فروه
قلته وكل إناء ينضح بما فيه=وفالعمر يومٍ يبلغ العز ذروه
واليوم هذا يـاوله وين تاليه= والنوم ماله يمة العين حروه
من موقع >> موفن << الرائع