السلام عليكم ..
صبحك الله بالخير يابن عمي ..
وان كان الخير وقف عند موضوعك ..
الله يهديك بس .. وش فيك وش اللي جرا بس ..
بعدين ياخي لعلمك انا لي اسبوع ادق عليك تلفون .. اما مقفل .. والا يرد علي المسج ما ادري ايش ذاك المزعج ..
من اول نبي ناخذ علومك .. والحين نبي بس نتطمن ..
اقول .. وش صار على الموضوع اياه ..
مالنا قعاد انا واياك .. بدق سلف واجيك اخذك .. ونطلع على كندا .. بس ما ادري اذا الطريق لها قار والا صحرا ..
لكن احتياطا بحاول اجيب ابو عزوز .. مطيح على كيف كيفك .. وان شاءالله يمشينا لين نوصل هناك ..
لكن لا تضيق صدرك يا شيخ .. ترا وراك ولايا .. وراك ناس تضيق بها الوسيعه لا ضاقت عليك .. بالله عليك هالناس ما يسون في عينك ابتسامه على الاقل ..
والا خلاص زهدت بهم ؟؟
الله المستعان بس ..
اليوم رحت اعتمرت يابن عمي ... ويعلم الله اني دعيت لك ..
وهذا انا ادعي لك الان ..
وما اقول غير ..
الله يسعدك ويشرح صدرك ويهون امرك كله لك ..
والسلام ختام .