ما يقطع الروس كود اللي مركبها !!

[poet font="Simplified Arabic,16,red,normal,normal" bkcolor="" bkimage="http://www.mahroom.net//backgrounds/21.gif" border="double,4,gray" type=0 line=200% align=center use=sp char="" num="0,black"]
يا مومي السيف ما وطيت لك راسي = ما يقطع الروس كود اللي مركزها

تجذب حبالك وحبلي فيك ملتاسي = وان طحت في غبةٍ ما ظن تنقزها

ترا الصخر كان دقّيته يجي قاسي = والما رسم بالصخر وسمه وهزهزها

عطيتني عهد ما تجرح لي احساسي = واللي عطا كلمةٍ لابد ينجزها

وراك حطيت سم الغدر في كاسي = وآذيت نفسٍ عليك الله معززها

ماني بمثلك ولي بالحب نوماسي = واللي معه حجةٍ للحب يبرزها

يشهد علي الله وقافٍ بكرّاسي = والصورة اللي فوادي لك مبروزها

إني تحملت غدرك من قوا باسي = يا كثر ناسٍ جروح الغدر تعجزها

واني تصبرت ليماً ضاقت انفاسي = من خوف بعض العرب يكثر تغمّزها

واني تعليت راس الحيد متواسي = وان القصيده براس الحيد اطرزها

ولا نيب عقب الطويل أرد للسّاسي = والهرجه اللي تطول ابغاك توجزها


***

الشاعرة وحيدة السعودية


مع تحيات اخوكم السيف11

[/poet]

مرحبا السيف11

تسلم على الأختيـار الراقــي

اللي مو مستغـرب على شـاعر جزل

الله يحفظك

احترامي وتقديري

[c]صح لسانك يالسيف
وصح لسان وحيد السعوديه
تعجبني العزه
الله لا يهينك على هذا الاختيار الموفق.
اخوك السيف[/c]

أخي الكريم
السيف 11
يعطيك العافية لحسن الإختيار
تسلم وتسلم القائلة ..
أبيات رائعة لا عدمنا إطلالاتك البهية ..
تقبل أخي وافر تحياتي

ياهلا السيف 11

اختيار قمة في القوة والروعة اخوي

مشكور عليه

تحياتي

السـيف11 000 مراحــب

سلمت على هـذا الاختيـار الجميل
للشاعرة وحيـدة السعودية

ولا نيب عقب الطويل أرد للسّاسي
والهرجه اللي تطول ابغاك توجزها

الهرجة اللي تطول أبغاك توجـزها
تعدد حروف التبرير والمعذرة من المذنب
تثبت إدانته 000

تحياتي وتقديري أخي الكريم ,,,

اسير اعيونها



يعطيك العافيه



وهذا من ذوقك



اشكرك على حضورك


تحياتي وتقديري



السيف11

صح بدنك اخوي ابو منذر


والله لا يهينك


تحياتي وتقديري


اخوك السيف11

فعلا روعه

اشكرك اخي السيف11
على حسن الاختيار

تحياتي

اخوي السيف 11

اختيار موفق يدل على ذوقك الرفيع

سلمت اخي الكريم