اسيرة الآهات & الجوووري
صباحكم ورد ..
الله يسلمكم .. وشكرا لحضوركم ..
للي بنزينها خلص ومالحقت عليه و هو داعس ..
واللي مافتح معها اساسا .. مع انها بالصوت غير القرايه ..
بس يا الله الشكوا لله .. العوض ولا الحريمه :vb_gedo2:
تفضلو
ليت قلبي مثل جوالي يبدل له شريحه = كان ابدلها واخلي رقمها بينه وبيني
و اذكر اللي بر بي بالفعل والا بالنصيحه = والثلاثه في عيون الكفو ماترجع ثنيني
و اتجنب واحدٍ مثل الحنش تسمع فحيحه = ان لقاني طار بي وان رحت حط العيب فيني
وآآهـ من قلبٍ طواه الجوع واعتاش الجريحه = عقب ماكانه يصيد الصيد ويعطب السمـيني
والفضيحه لي بغيت انهاه وان عيا فضيحه = ابتلشت ابما حصل شفي وانا وش في يديني
والعيون اللي لها من صكت الايام ميحه = والبلا من طيبها ما ردت الدمعات عيني
والغلا مثل اخضر النعناع له طعمٍ و ريحه = و الوله شوك القلوب و جمرة ٍ بين اصبعيني
و ادري ان الذكريات اعذب مواريد القريحه = ريحها يغشى على عيني ويكتب في جبيني
كنها تعرض مفاتنها وهي فعلا مليحه = البيوت اهدابها و الوزن طول الجادليني
مالها الا ونتٍ تظهر من السد وتبيحه = غير دمعٍ ما يساق الا لفرقا والديني
حاجةٍ بالصدر لو تنزل على الثابت تزيحه = شاركتني في حياتي واحرقت زهرة سنيني
عادها وان مسكتها ضيق مسكتها صحيحه = ضيقتٍ لابطيت عنها جيت لاهي تحتريني
طمنوا بيض الدروب ان الخطاوي مستريحه = لو يخالفها زبد دمعي ويرعدها ونيني
ضاقت الدنيا على عيني وهي فيها فسيحه = بس راسي ما انحى ولا اخضرٍ عزمي يليني
و الزمن لو يعسف الرجال ما يذبح ذبيحه = و الزمن مايتحمل الا راعي الجنب المتيني
و المراجل ماتجي غصبٍ عن اليمنى الشحيحه = من يدورها يلاقيها و من يقعد احصيني
الحصان اللي كبر والرجل له قومه وطيحه = و الثقه بالله ثم خوة عيال ٍ طيبيني
ما معي من حاجة الدنيا سوا نفس ٍ منيحه = درها بحر ٍ يزف الموج مسحوب وهجيني
خلتها بين الضلوع ورمسة الجرح ونزيحه = وشلتها ماسقتها عند الرجال الغانميني
يا حياة اللي حياته بين شوكاته وشيحه = كلمتك ماتنثني في خاطري لك صدقيني
مابقى في داخل القلب جوال ولا شريحه = مثل قلبي ما بقى به غير كلمة سامحيني
.