من ارشيف الوئام ..

بسم الله الرحمن الرحيم


السلام عليكم ورحمة الله وبركاته


حسن المحمدي

الله يعطيك العافية أظهرت لنا كنز غالي الثمن

صح لسان قائلها وأنا اشهد انه أمير الشوق



ليس لي من تعليق الا ترديدها وبروزتها مع جزيل الشكر لك

مع نجمات بحر الشوق احس اشفاتها قدّام = تنادي في صدى الامواج اماني قلب ملتاعه
واودّع والتقي وابحر معك ياساحل الأحلام=سفينه حاكها جرحي وعلّـى فوقها اشراعه
واهيم انظم لها اشعاري بريشه مالها رسام = غرزها الوقت في قلبي مابين النبض واوجاعه
سلام الله يادنيا تبدّل عامها بايام = تشابه كل مافيها ثواني دقة الساعه
عفاك الله ياوقتي تراك اليوم ماتنلام =وكيف الوم صلفاتك وهي للقدر خضاعه
رضيتك لو بك اتحسّـر على ماضي غدى اوهام=على رمش ٍ سرى للطيف اسير السمع والطاعه
حبيب العمر هو يمدي تدل امواجي الاقدام = ومنظر ملحك بعيني يطفّي شمس شعشاعه ؟
واذا في يدي اليمنى قصيده والشمال آلام =ومالت ريح تتبعني وش ايّـة جنب انا ابتاعه ؟
تفكـّر بالقرار ارجوك وهاك الحبر والاختام =, عسى تشهد بغلطاتك بقايا جرح واصباعه
سؤالي ذا معه معنى وانا ادري مامعك ابهام= تواقيع الهوى كذبه لعبها ناس خداعه !
ولكن نفسنا الهبلى تعلّـق نونها باللام = نعم لالا نعم كنا تقول ارواح نزاعه !!
نكيل الشوق بالقسمه وانا اشهد مابنا ظـّلام = ولكن بعد نتوادع تعود الروح طماعه
تبي من زود تعبيري واقوم استغفر لها وما انام = واظل انطر صلاة الفجر الين اتدقـّنـي الساعه !!

بسم الله الرحمن الرحيم


الاخوان الاعزاااااء

السلام عليكم و رحمة الله و بركااااته

وش هالزين ووش هالابداع

يعطيكم العافيه من اولكم الى اخركم

تحيااااااااااااااتي

الله يعطيك العافيه .. ابو رهف
وتسلم يمناااااااااااااك
قصيده روعه روعه روعه

.








.

عفواً حبيبي .!!. لاغـدى سـر الالهـام = بالله عليك الشعر مـن ويـن اجيبـه !!
وتلومنـي وتقـول جفـن الاقــلام !!= ياهوووه .. مو كافي دفعت الضريبـة !!
ماهو خسارة لاجلـك الحـرف ينضـام = خلـه يولـي بعدكـم وش نبـي بــه
ان مانقشته فـوق صـدرك لـي وسـام = اليـن صـدرك يشتكـي مـن لهيـبـه
حتـى يحـس بمـا بصـدري مـن آلام =وحتـى اذا قلـت آآه صـدرك تصيبـه
وحتـى تقاسمنـي خيالـي والاحــلام = وتشـوف دمـع الحلـم يبكـي نصيبـه
وخلك تعيش صراع حلمـك والاوهـام = لااوجست في قلبـك مـن الخـل ريبـة
هذي فقـط لـو عشتهـا قلـت مانـلام = وناهيك عن بعـض الجـروح العطيبـة
والله ماارضـى بالشقـا لـك والاسقـام = لكـن ابيـك تعـرف حجـم المصيبـة
لامشكلة .. نصبـر مـن العـام للعـام = وماقـدر المعبـود عـبـده رضيـبـه
حظي صدر حكمـه لعمـري بالاعـدام = عـزي لعمـر مثـل حظـي صحيبـه
لاقـام والعمـر ابتسـم عـوّد ونــام = وان نـام قـام صويحبـه ينتخـي بـه
لادمت حظ ان كـان ذا الطبـع لـك دام = ولادام عمـر مثلـكـم يعـتـزي بــه
ياحلوتـي دربـي ومفـروش بالـغـام = ومشيتـه ولاقـلـت ماينمـشـي بــه
حتـى تفجـر بالسمـاء غيـم وعسـام = وصمت المقابر زلـزل ارضـي نحيبـه
ومـوج البحـر نادانـي الـدرب قـدام = وقلبـي علـى قـدام مـاحـد يهيـبـه
وسريت ظامي شـوف مروينـي هيـام = في ليـل اظلـم جـاوب القلـب ذيبـه
على العروق اعزف له احزانـي انغـام = حتـى بكانـي قلـت دنيـا غريـبـة !
ونظر بعينه قلـت جلـد علـى عظـام = حالـي ذهـب يـاذيـب ادور ذهيـبـة
شوف الحزن في داخلـي شيـد خيـام = وفـي كـل يـوم يزيـد جيشـه كتيبـة
وعيني تهـل الدمـع والطـرف مانـام = وكحل السهر خطر البصر ينعمـي بـه
ياقشرها حالـة عسـى الحـب للسـام = واللـي ببالـي ياعسـى ينبـلـي iiبــه
جف الـقـلم قـالـت نـــبــــدل بــمــرســـام؟؟ = والا افضـل بمرسـام كحـل الحبيبـة

وافي





.









.

البارحه كني عـن النـوم ملـزوم = والنوم اشوفه بـس عيـا يجينـي
ناديت قلت اشفيك قال انت محـروم = حالك حزينه وانت شكلـك حزينـي
اشوف في خدك علامـات و وسـوم = ترى دموع الحـزن خلتـك شينـي
قلت المحبه صابت القلـب بسهـوم = ومن كثر تفكيري صنعت الونينـي
ابحرت في مركب من الحزن مثلوم = وعلى محيطات الهـوى سابحينـي
وهبت على المركب معاصير وغيوم = وضاعت مجاديفي وتعبـت ايدينـي
واصبحت مثل اللي يتيم ومضيـوم = ما له عويـن وحالتـه بالمهينـي
والموج زاد وقلت يا موت معـزوم = والموت قبل إنـي عزمتـه يبينـي
قمت اتشهد كنـي اليـوم معـدوم = وش حالة المعـدوم يـا عارفينـي
والمشكله ما نـي بسبـاح واعـوم = حوت البحر يبغى الغداء يحترينـي
يا حوت جاك الرزق يا حوت مقسوم = تكفى طلبتـك روح خلـك عوينـي
ما بي عواذيلي يقولـون مرحـوم = اللي كلاه الحـوت ذيـك السنينـي
يا حوت نبغي فزعتك جاك مكلـوم = جرحه جديد وجاب جـرحٍ دفينـي
نبي تودينـا علـى شاطـي القـوم = وإلا تـرى ليلـي معـك ليلتينـي
من بعـد ذا ياعذلـي كثـر اللـوم = انا وقعـت بحـب والحـب فينـي
حب المهاه اللي لها الزين مرسـوم = فازت على الزينات عرب ورطينـي
من حبها ما ذقت انـا لـذة النـوم = والعمـر راح وحبهـا يكتويـنـي
ترسل مراسيل الهوى دايـم الـدوم = وانا بعد مرسل لهـا نـون عينـي
حبي لها يـزداد يـومٍ بعـد يـوم = والحب لا مـن زاد لـه جمرتينـي
جمره بكبد اللي له البعـد محتـوم = وجمره خطيره تحـرق الساكنينـي
يا من يودي لي من البعـد مختـوم = حطيت فيه الشعـر يـا سامعينـي
وصلاة ربي عد مـا طايـر يحـوم = على الشفيـع وصاحـب القبلتينـي

حسام الشعر





.







.

جيت وارد ماك ياسيـد العـدودي = ورحت عنك الدلو يلعب في رشايه
مايجود العـد ميـر الله يجـودي = العوض يارب في خايـب رجايـه
ياوجودي وجد كرهنـي وجـودي = وجد من حمل باثـر حبـه جنايـه
ليتني مابحت عن خافـي سـدودي = ليتني ماافصحت عن سر الحكايـه
مير والله غصب حطمت القيـودي = مو بكيفي .. مير صارت من شقايه
كنت في عين الغلا غالي بـزودي = وباعترافي طحت من عالي سمايه
ول من ساعة عساهـا ماتعـودي = ولايعود اللـي بهـا بيـح خفايـه
والله انـي ماتوقعـت الصـدودي = ولاتوقعت ان هـذا هـو جزايـه
ماهقيتـه منـك ياريـم النفـودي = ولاحسبت لموقفـك هـذا معايـه
دام ماللحـب فـي قلبـك بنـودي = ليه ترمينـي بـدرب بـلا نهايـه
ليه ترمينـي بطرفـك يالعنـودي = ليـه ترمينـي بخـد كالمـرايـة
ليه ترميني بصـدرك والنهـودي = ليـه ترمينـي بغمـزة وانثنـايـه
ليه ترمينـي برمـش كالجنـودي = صف عسكـر مستعـدة للرمايـه
ليه ياترف القـدم تنكـر شهـودي = ليه ماصدقـت لاثبـات الروايـه
ليه ماصدقت دمـع فـي خـدودي = ليه ماتسـال سيولـه عـن بلايـه
ليه يالمحبوب وش هذا الجحودي؟ = ليه يوم احلف على صدق الحكايـه
ليه ماصدقت ؟ تحسبني يهـودي ؟ = ليه انا ماحلف فقط من شان غايـه
ليه بي شمـت ياخلـي حسـودي = لين كـل قـال ههههـاي بقفااايـه
دمعي اللي عانـق لخـد النفـودي = كانت كفوفك بـه اولـى بالعنايـه
وكم سهرت الليل والعالم رقـودي = لين نجم الصبح نادانـي كفااااايـه
ولايزال الدرب قدامـي صعـودي = ولاتزال احلامي القشـرا ورايـه
ولايزال الحزن في نغمات عـودي = ولاتزال اوتـار قلبـي بالشكايـه
ميـر شكوايـه لربـي ومعبـودي = لالغيره ... واسـال الله الحمايـه
ولاتزال برغم هجرك والصـدودي = لاتـزال آيـة ورب البيـت آيـه

وافي



.





.

ماعاد لك عندي معزه وتقديـر = ارحل تراي اليوم رحت ونسيتك
ماعاد تقنعني جميـع المعاذيـر = لني من افكارى وقلبي محيتـك
مافي يدك للوضع والله تبريـر = شفتك بعيني يوم رحت ولقيتـك
ماعاد لك عندي على القلب تاثير = نفسي عزيزه روح لا ما رجيتك
نسيت ياخاين جميـع المشاويـر = ونسيت قلبٍ صار ملكك وبيتـك
ياما سهرنا لين ماغـرد الطيـر = يوم انت هاويني وانا اللي هويتك
دامك بغيت الغير رح واتبع الغير = لا واخساره حبي اللي عطيتـك

ديمة الشوق




.







.

ياخوف ... انا واليا متى ارجيك ياخوف = ياخوف ...انا ويش الذي بـك بلانـي
الى متـى والبـوح بالغـاز وحـروف = الـى مـت ياشيـن عاقـد لسـانـي
الى متى اسجن خفقتي داخـل الجـوف = والى متـى ادفـن جرحهـا بالمحانـي
مليت منـك اليـوم واللعـب مكشـوف = علـى جميـع الخلـق قاصـي ودانـي
ماهوب عيب ان قيل وافي عشق نوف = ولاهو بعيب ان نـوف تعشـق فلانـي
العيـب والله يااهـل العيـب معـروف = العيـب تبـع صخيـفـات الاذانــي
هـذاك هـو العيـب ياجيـد الحـوف = ياميـت النـار الــردي يالهـدانـي
عـزاه يادمـع علـى الخـد مـذروف = من بعد وحده ونصـف حتـى ثمانـي
و يالوف قلبـي لـوف يالايفـه لـوف = من همـك اللـي منـه همـي برانـي
قلبي غدى كبريت يوم الخبـر صـوف = وياكـي حالـي يـوم علمـك لفـانـي
يانوف انـا آسـف اذا كنـت ملقـوف = وياهونهـا ملقـوف مـع شـي ثانـي
اباتدخل غصب ( والـواو ) معطـوف = وان مافهمتـي فهـم قلبـك كفـانـي
قولي لابوك المسالـة ماهـي الشـوف = المسالـة يـابـوي قـلـبٍ شـرانـي
قولي له الوافـي يقـول ارحـم وروف = ويقـول عـم انقـذ حياتـي تـرانـي
ان ماتحقـق مطلبـي رحـت مكتـوف = والله لاطـب شهـار معلـن جنـانـي

وافي




.








.

على درب الهوى اللي لايعٍ قبلي قلوب رجال = سريت وصرت مثل اللي سرا فالليل منجومي
سهرت وزاد همي يوم صبري فاليالـي طـال = واظن ان الهوى هو الذي سبب لـي همومـي
تعب قلبي وزاد الحمل وحمول القلـوب ثقـال = واثر من يفقد الغالي يعيـش وهـو مسقومـي
وحارت دمعة عيوني وخيـل فالعيـون خيـال = خيالٍ ماطـره مافيـه لا بـرقٍ ولا غيومـي
ورقص قلبي على النغمه بعد ماغرد الجـوال = وحار الدم فعروقي وضاعت جملـة علومـي
وقالتلي علامك مرتبـك وش فيـك يارجـال = تحاول تكسر الحاجز وظن اليوم هـو يومـي
وجاوبت الجواب اللي عليه من الالـه ظـلال = وانا ماني مصدق ماحصـل واظنـه حلومـي
وقالت قصر الموضوع مانبغا الكـلام جـدال = وتوادعنا وعيني ودعـت مـن بعدهـا نومـي
وقمت ابحث بجوالي احسب ان الرقم مـازال = واثر جوالهـا يزهـم بليـا رمـز ورقومـي
وغابت بس انا مديت في رجوا لقاهـا حبـال = وطلبت الله عسى ماني بشوفتهـا بمحرومـي
ولا وجدي عليها وجد من حارب ميـة خيـال = وشاف الموت بعيونه وهـو يطيـح ويقومـي
ولا وجدي وجود اللي فقد فالحرب خمس عيال = كبيرٍ طاعن فالسن وفـارق خمسـة قرومـي
على بنت لها بين الضلـوع وفالحشـا منـزال = تثنت وسط قلبي ودعـت قلـب لعنـا يومـي
معربت المناسب تفتخـر مابيـن عـم وخـال = اقول الحق واعلنها واظـن القصـد مفهومـي

ابو سعود




.








.

حـبـيبي يـاعـساك بـخـير وش هـي آخـر اخـبارك = بـعدك الـيوم تـذكرني جـريح وكـان مجنونك
بـعـدك تـخـون مـاتـعرف تـحـب وتـعـزف اوتـارك = بـعد لـلحين مـاتقدر تـحّّس وتـدمع عيونك
كـسـيـر وجـيـتني راجــع تـشـيل الـقـلب بـيـسارك = بـعد مـاكنت متّربع مابين الرمش وجفونك
مـشـيت وكـنـت مـتـوقع مـصـيرك تـحـرقك نـارك = انــا وايـامي الـحلوه وبـعدي عـالم يـخونك
تـعـبت امـشـي مـع ايـامك تـعبت اصّـدق اعـذارك = مـع انـي مـاحسبت انـي اعيش ايامي بدونك
حـبـيـبي رغـــم تـعـذيـبك ورغـــم امــواج تـيـارك = عـبرت الـجرح وايامه عبرت الهم وشجونك
حـبـيـبي ردّتــك طـيـبة خـفـوقي وقـسـوة اقــدارك = عـشان تـذوق مـاذقته عـشان تسّدد ديونك
حـسـافـه جــيـت مـتـأخر بـعـد مـاطـفيت انــوارك = بعد ماولفت جروحي عذاب الوقت وطعونك
حـبـيبي هــاك اوراقــك صــورك ودفـتـر اشـعارك = وخلّي صورتي عندك حبيب وكان مفتونك

عبدالله الجهني




.







.