حديث شريف متعلق بالشهر الفضيل ؟
قال سيد الورى صلى الله عليه وسلم عن ربه جل وعلا: \" كل عمل ابن آدم له إلا الصوم فإنه لي وأنا أجزي به \" [متفق عليه واللفظ للبخاري]
حكم فقهي متعلق بشهر رمضان ؟
سؤال:أنا رجل مصاب بمرض الربو، وقد نصحني الطبيب باستخدام العلاج بواسطة البخاخ عن طريق الفم، فما حكم استعمالي هذا العلاج حال صومي رمضان؟ جزاكم الله خيراً.
الجواب:بسم الله والحمد الله، حكمه الإباحة إذا اضطررت إلى ذلك؛ لقول الله عز وجل: {وقد فصل لكم ما حرم عليكم إلا ما اضطررتم إليه}[الأنعام: 119] ، ولأنه لا يشبه الأكل والشرب فأشبه سحب الدم للتحليل، والإبر غير المغذية.
متى بدأت بكل صدق وأمانة صيام شهر رمضان المبارك
( العمر والمرحلة الدراسية) ومن الذي ساعدك او شجعك لهذا العمل?
والله بصراحه بدأت الصوم وأنا بــ ثالث ابتدائي تقريبا كان عمري 9 سنوات
أذكر اني صمت الشهر كله الا 3 أيام أفطرتها وهلي ما يدرون
طبعا مو شطاره مني الصيام بس كنت أغار من اختي اكبر مني بسنتين وكانوا يمدحونها عشان صامت
وخربت عليها صار المدح كله لي ![نقره لعرض الصورة في صفحة مستقلة](http://www.hyatuha.com/vb/images/smilies/smilies/8.gif)
بمن كنت تفكر عند سماعك لشهر رمضان ؟
كنت أفكر بواحد من أخواني كان مريض وكنت أفكر هو بترجع له صحته قبل يبدأ رمضان والا لا
بس الحمد لله صار اللي اتمناه
عسى ربي يديم له صحته ويحفظه
ماذا يعني لك هذا الشهر عن جميع شهور السنة ؟
شهر خير و تسامح
هدووووووء و روحانيات
شهر التواصل مع الخالق أولا
ومع الخلق ثانيا
أكلتك المفضلة على مائدة رمضان ؟ ومشروبك المفضل ؟
أكلتي المفضله هي المنتو ..... و مو أي منتو !!
بس اللي تسويه أمي أنا مدمنه عليه
مشروبي المفضل التوت
هل تحب السحور ثقيل أم خفيف ؟ ماهو سحورك المفضل ؟
أحبه خفيف ومافيه شئ محدد احب اتسحر به
المهم نكون مجتمعين كلنا عالسحور
كيف تقضي يومك في رمضان وماهي عاداتك وتقاليدك في هذا الشهر ؟
مالي نظام محدد ماشيه عليه كله ملخبط عشان الزيارات والاجازات
هل تحافظ على صلاة التراويح والقيام كثيرا ؟
بصراحه
بصراحه احاول احافظ عليها وعسى الله يقدرنا و يتقبل منا
من هو العضو الذي تتمنى رؤيته ودعوته لديك للإفطار في رمضان ؟
وماذا ستقدم له على الافطار ؟
كل آل الوئام معزومين بدون استثناء
وبـــ فطركم حاااااشي
![نقره لعرض الصورة في صفحة مستقلة](http://www.hyatuha.com/vb/images/smilies/smilies/88.gif)
من أول شخص باركت له برمضان ولماذا ؟
أول شخص بارك له هو أخوي توأمي كان بيسافر وأنا أجهز له أغراضه وحزينه عليه
فباركت له بالشهر وكنت اول شخص يبارك له
وكان اول شخص ابارك له
ماذا تتمنى في هذا الشهر ؟ أمنية عامة وخاصة ؟
امنيه عامه // أن الله يرزقنا الغيث مع هذا الشهر
أمنيه خاصه // ان الله مايحرمني من اهلي
ويتقبل مني ومنهم
![نقره لعرض الصورة في صفحة مستقلة](http://www.rofof.com/img4/8cmhxk14.jpg)
نوادر رمضانية أو مقالب في رمضان حصلت لك ؟ اذكرها لنا ؟
امممممممممم ... فشله صراحه اعلم بها
بس لاحد يعلم أحد
مره الوالده عسى ربي يحفضها قالت لي اسوي معكرونة بشمل وهي بتكمل الاشياء الباقيه
قلت لها ابشري
المهم بدأت اضبطها و خطوه خطوه وكل اموري ماشيه للحين لين وصلت عند الفرن
سويت البشمل فوقها ودخلتها الفرن
باقي شوي ويأذن المغرب وانا ابي اقدمها حاره
وويوم جيت اطلعها مدري وش اللي صابني .. هو كسل .. والا فهاوه .. والا فعلا كانت ثقيله .. مدري
المهم ان الصينيه مالت على جوه وتزحلقت كل ابو المعكرونه بالفرن ومابقى بايدي الا الصينيه فاضيه
ومن رحمة ربي ان امي ماكانت عندي وقتها
ماعرفت اتصرف قبل تجي وبعد تفكير
سكرت الفرن على اللي فيه
وحطيت الصينيه ع جنب وغطيتها يعنني ابيها تبرد شوي << ما ابيها تنصدم قبل الاذان
ويوم جا وقت التحضير قلت لامي خليها بعد الصلاه
وبعد مافطروا وقبل مايقومون للصلاه علمتهم
قلت لهم : عطوني الأمان
قالوا : جاك ...........
وعلمتهم
طبعا اخذت لي تهزئ
بس آخر شئ انصدمت لانها قالت لي //
ما بأزوجك تفشلينا ![نقره لعرض الصورة في صفحة مستقلة](http://www.hyatuha.com/vb/images/smilies/smilies/296.gif)
مع اني ماسويت شئ غير ان المعكرونه زحلقت شسوي يعني !! ![نقره لعرض الصورة في صفحة مستقلة](http://www.hyatuha.com/vb/images/smilies/smilies/74.gif)
اضافة بسيطة من عندك تريد قولها ؟
عسى الله يتقبل منا ومنكم ويجمعنا عالخير دايم
واتمنى اني كنت ضيفه خفيفه عليكم
تحياتي