((//)) خربشاااااااااااات ((//)) - الصفحة 6

22 / 10 / 2004, 35 : 05 PM

هههههههههههههه

هلا ومرحبا بنت العم

الله هم اني صايم يابنت اهجدي

اجل جالسة تتغلين عليهم

يسلمك ربي على مرورك

22 / 10 / 2004, 38 : 05 PM

مراحب

اردونه كل عام وانت بخير

وشهر مبارك

اما اتابع عشان يطير عقلك وننشب فيكي

شكرا على مرورك

22 / 10 / 2004, 54 : 05 PM

ونكمل موضوعنا

في حديثنا السابق قلنا ان الجوهرة اتصلت على محمد 00كان اتصال الكل ينتظره

الجوهرة قالت خلاص ترى الجماعه وافقوا 00يوم الأثنين موعدنا نروح لهم 00 اليوم كان الجمعه

وفي يوم الأثنين 00محمد جهز نفسه كويس واخذ اخته وامه وراحوا

بيت الجوهرة عشان تدلهم بيت العروسه

وفي السيارة وأثناء الطريق :

الجوهرة : شف يامحمد 00خلك ثقيل ونت تتكلم قدامهم 00لاتكثر الكلام 00كلمه ورد غطاها

محمد : ليه ؟ واحنا رايحين نسرق

الجوهرة : لا يولدي 00بس انا شايفتك شوي مطفوق 00اركد شوي حتى

ينتهي الموضوع اذا أخذت البنت تكلم بيديك ورجليك

محمد :بيديك ورجليك ؟ يؤ 00طيب طيب 00 فهمت

ام محمد : اسمع كلام الجوهرة ؟

محمد : والله فهمت 00انتو وش فيكم

وصلوا بيت العروسه 00 بس ودي اقول شي قبل ندخل بيتهم

العروسه اسمها سمر 00اسم حلو 0صح ؟ اذا مو عاجبكم غيرناه

المهم نرجع لموضوعنا 00 ضربوا الجرس 00 طلع اخو سمر ودخلهم المجلس

الجوهرة دخلت عند ام سمر 00 محمد واخته وامه في المجلس

ساره : شكلهم على قد حالهم 00واضح من بيتهم وأثاثهم

محمد : انا مايهمني المظاهر 00اهم شي عندي البنت <<<<<< برافو عليك يامحمد

ام سمر والجوهرة دخلو عندهم وجلسوا 00الجوهرة طبعا تكلمت وبينت كل شي عن محمد

محمد شاف سمر 10 دقايق بس 00سألنها عن اسمها ودراستها مع انه عارف كل شي 00بس

الظاهر يبي يسمع صوتها 00اما هي ما كانت تطالعه 00تتكلم وهي خجلانه وراسها للأرض

ام سمر قالت لبنتها خلاص روحي داخل

الجوهرة : خلاص 00احنا نستاذن الحين 00بعدين بكلمكم

وفي السيارة سارة سألت محمد عن رايه في البنت 00البنت شكلها اعجبت ساره اما

امه الظاهر مافيه شي بيعجبها لأنها من الأصل تبيه ياخذ بنت اختها

يادي بنت اختها اللي كل شوي طالعه لنا

محمد : تبون الصراحه 00انا شفتها ولا شفتها

الجوهرة : شلون يعني 00البنت جلست معنا اكثر من ربع ساعه 00ونت تكلمت معها وهي تكلمت معك

محمد : وش تكلمنا فيه ؟ كلهم كلمتين اسمك ودراستك وخلصنا

الجوهرة : اجل وش تبي 00 شكلك تبي تقص لها قصة حياتك ومغامراتك

محمد : لا مو القصد بس شلون نقدر نتكلم ونتو محاصرينا من كل جهة

الجوهرة : مابقا الا هي 00تبي تجلس معها لوحدكم 00لا ياولدي محد طايعك

زين انهم وافقوا انك تشوف بنتهم أكثر العوائل مايطيعون حتى لو تكلمها تلفون

ساره : تبي الصراحه يامحمد 00انا البنت عاجبتني

محمد : ونتي ياامي 00ساكته ماقلتي رايك

ام محمد : وش تبيني اقول 00البنت لا نعرفهم ولا نعرف اصلهم ولا فصلهم 00بس هذا رايك ونت حر

محمد : طيب عطوني فرصه يومين افكر واصلي صلاة استخاره وارد لكم

الجوهرة : ايه بس لا تتأخر علي 00ترى يومين بس 00اذا تأخرت وجاها نصيب يتروح عليك والبنت تستاهل

محمد : حشى 00مو بنت صارت سياره 00 خلاص خلاص 00يومين ان شالله وارد لك

راح محمد للبيت وشاور ابوه في الموضوع 00

ابو محمد اصبر ونا ابوك 00بكره بصلي في المسجد اللي حول بيتهم واسأل عنهم

هذا زواج ياولدي مولعب 00بكرة اذا نشبنا ساعتها ماتنفع ليت وليت

محمد : خلاص اللي تشوفه بس لا تتأخر علينا 00ترى الخاطبه اعطتنا مهلة يومين بس ولا تروح علينا

ابو محمد : يامحمد ونا ابوك اذا فيها خير لك الله يكتبها لك واذا شر الله يبعدها عنك قل آمين ؟

محمد : آمين

ابو محمد صلى في المسجد اللي عند بيت سمر 00سأل واحد من الشيبان عن

ذاك البيت اللي هو بيت سمر وشرح له السالفة كلها 00وكان رد الشايب غريب شوي

نشوفه في الحديث الحلقة القادم

22 / 10 / 2004, 05 : 06 PM

مقتطفات الحلقات القادمة

الشايب : شف 00انا ببري ذمتي وبقول لك اللي اعرفه 00 ا

.......................

الشايب : لهم هالحين اكثر من 12 سنه ساكنين جنبنا

......................

الشايب : اذا انت مستعجل بكمل لك السالفة 000تعال نجلس هناك في الظلال احرقتني الشمس

..........................

الشايب : ولا وش رايك نرجع للمسجد

انتظر الحلقة القادمه

22 / 10 / 2004, 15 : 07 PM

..
هههههههههههه
ياخوفتي ان هالشايب مخطط على سمر وناوي يقلب الطاوله
في وجه حمودي .... قاهرني خال فؤاد يوم اخذ البنيّه وخلاه...
...............
حمودي لارحـــــــــم حيّك اركب الهوى .. سارووووخ.. ولا يغلبونك...
ننتظر وش تسفر عنه .. قرقرت هالشويّب.. ولوا ني اشم رائحة .. فنكشه للخطوبه..
..........
مانبي نسبق الاحداث ننتظر و نشوف.. نقره لعرض الصورة في صفحة مستقلة