![]() |
#51 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]()
سند .. طارق .. المحمدي
الله يعطيكم العافيه .. وشكرا للمتابعه . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#52 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
ان كان مالك بقلبي يالغضي حاجه = رده ويمكن يجي له شخص محتاجي رده بجرحه ومتنازل عن علاجه = وعسى الزمن لي كفيل ببلسم علاجي مادام شرع الهوى ضيعت منهاجه = وش هو له اتعب ونهجك عكس منهاجي يالصاحب اللي تذوب الشمس بحجاجه = لاوالله الا قتلت لضحكة حجاجي حبك بروحي سرى في ليل معراجه = وامضى بدمي على ميثاق معراجي واصبحت قلبي عليكم زايد خلاجه = وامسيت كلي حنين وشوق وخلاجي وقمت اتقلب مثل بن على صاجه = صبر وصبره نفد ثم اقلق الصاجي من بعد ماكنت نور القلب وسراجه = اليوم اقول أمس كان لقلبي سراجي اليا اقبل الليل همي جهز افواجه = واليا انهزم فوج تاخذ ثاره افواجي في بحر حزني غريق اصارع امواجه = اشهق وارد الزفير بغبة امواجي والرجل صارت مع الخليان دواجه = يالين سموني العربان دواجي يامن هو اللي لنفسه دور احراجه = مثلي من اجلك وضعت النفس باحراجي كان انت صدقت فيني هرج هراجه = انا الذي ماسمع بك هرج هراجي ترى صحيح البخاري غير ابن ماجه = والملح لو زاد نعرف نكهة الماجي عزااه ياقلب ضيع درب مخراجه = ضيعتني قبل اعرف لدرب مخراجي العيد قرب وكل ينظر افراجه = وانا الذي مانوى المحبوب لافراجي ياخيبة الحظ لامن عاد بادراجه = وعودت مكسور خاطر تايه ادراجي طولتها واعذروا وافي على ازعاجه = والمعذرة ياوليف الروح لازعاجي وافي ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#53 | |||||||
سفير
![]() ![]() ![]()
شكراً: 0
تم شكره 0 مرة في 0 مشاركة
|
![]() بسم الله الرحمن الرحيم السلام عليكم ورحمة الله وبركاته ![]() ![]() ![]() اختيار رائع لشاعر رائع ومميز ربي يحفظه ويسلمه ![]() ![]() ![]() يستأهل التقدير والاحترام له كل الحب والأمتنان ![]() ![]() ربي يعطيك العافية والصحة الدائمة جهود رائعة وملموسة في أرجاء الوئام كل الشكر والتقدير لك ولا عدمنا ذوقك الراقي ![]() . |
|||||||
![]() عجز عن الشكر فسكت
|
||||||||
![]() |
![]() |
#54 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() وعليكم السلام ورحمة الله وبركاته الله يعطيك العافيه .. سند وشكرا لمتابعتك ودعمك ![]() ![]() ![]() ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#55 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
ألا يادمعة بانت علـى خـد الزمـن تكفيـن = طلبتك لا تمرينـي مادامـه عايـش راسـي صحيح الدمع له معنى وله حس على الخدين = ولكن دمعة الفرقى صداها يجـرح احساسـي تسميت بأسير الهـم سبّـة دمعتـك يالعيـن = ومع كل الأسى فيني شربت المر من كاسـي أنا مالومها عيني والومـك يادمـوع الحيـن = واطالب قاضي يقضي بحكمه والزمن قاسـي تعبت اسعى ورا حكم يوفّي لي سـداد الدّيـن = وأحس بداخل الجلسه كما الكاتم على انفاسي وبالآخر .. صدر حكمٍ قضا به قاضي الحكمين = وقال الدمع بريته ... وصرت أعيش هوجاسي وقال الحكم صدقته . ويشهد شاهد العدليـن = لقيت ان الزمن شاهد و زوره قاصم لساسـي وقال الحكم هو طعنه ونغرس بالحشا رمحين = برمح الهم والفرقى .. تسمى يابعـد ناسـي اسير الهم ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#56 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
تعبـت اقـاوم لـلأرق = اثـر الأرق متـعـددي العمـر منـي ينسـرق = وأنا احسب أن توي جدي والليل ما اطـول ليلتـي = قلت انتهى قـال ابتـدي والصبح ما له أي اثـر = يا صبح وينك يا غـدي قال انتظر قلـت انتظـر = اثـر الليالـي سرمـدي عشقت ألا يـا فجأتـي = وافـي الأ يـا مسنـدي وقعـت وقعـه مؤلمـه = يا ليتها مـن مصعـدي لكنهـا شـيء اشــد = وحاولت اقاوم واقعـدي نفسي تبي تنهض تقـوم = لكـن جسمـي يرقـدي العيـن منـي غـايـره = في حجرها بان اسهـدي ان جيت اخفي ما خفـى = يظهر ولو زدت اجهـدي حبيتهـا حـبٍ خـفـي = اخاف من لـي ينقـدي اصبحت مثل اضعف جبل = متـآكـل مـتــرددي قـاوم ريـاحٍ عاتـيـه = واصبح ضعيف مرتـدي الجسم منـي قـد نحـل = والزاد ما لـه مـزودي بنت العرب بنت الكـرم = شهـادة اللـي يشهـدي خلـيـك دومٍ شامـخـه = عن حالتـي لا تنشـدي قولي طريح من الهـوى = صابه شعـاع الارمـدي الحب مـا هـو منشفـه = الحب شـيء يصعـدي الحـب لا منـه نصـح = تعيش معـه وتسعـدي وقعـت وقعـه مؤلمـه = اثري صحيـح أجـودي ما كنت احسب إني كـذا = في سرعة البرق ارتدي اثر المشاعـر جاهـزه = نظـره تصيبـك تفتـدي غزال لا ما هـو غـزال = ظبي الفلا يـوم يعـدي يمكن اقصر لو وصفـت = واصيـر ظالـم معتـدي اجمل ولا أجمـل رأيـت = فيهـا الجمـال معـددي يا ليـت نعـرف دارهـا = أنا اشهد انـي مجهـدي امشي على السنـه ابـد = ما احيـل أنـا متأكـدي هـذا كـلام المختصـر = وإلا كلامـي سـرمـدي حسام الشعر ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#57 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
جيت وارد ماك ياسيـد العـدودي = ورحت عنك الدلو يلعب في رشايه مايجود العـد ميـر الله يجـودي = العوض يارب في خايـب رجايـه ياوجودي وجد كرهنـي وجـودي = وجد من حمل باثـر حبـه جنايـه ليتني مابحت عن خافـي سـدودي = ليتني ماافصحت عن سر الحكايـه مير والله غصب حطمت القيـودي = مو بكيفي .. مير صارت من شقايه ول من ساعة عساهـا ماتعـودي = ولايعود اللـي بهـا بيـح خفايـه والله انـي ماتوقعـت الصـدودي = ولاتوقعت ان هـذا هـو جزايـه ماهقيتـه منـك ياريـم النفـودي = ولاحسبت لموقفـك هـذا معايـه دام ماللحـب فـي قلبـك بنـودي = ليه ترمينـي بـدرب بـلا نهايـه ليه ترمينـي بطرفـك يالعنـودي = ليـه ترمينـي بخـد كالمـرايـة ليه ترميني بصـدرك والنهـودي = ليـه ترمينـي بغمـزة وانثنـايـه ليه ترمينـي برمـش كالجنـودي = صف عسكـر مستعـدة للرمايـه ليه ياترف القـدم تنكـر شهـودي = ليه ماصدقـت لاثبـات الروايـه ليه ماصدقت دمـع فـي خـدودي = ليه ماتسـال سيولـه عـن بلايـه ليه يالمحبوب وش هذا الجحودي؟ = ليه يوم احلف على صدق الحكايـه ليه ماصدقت ؟ تحسبني يهـودي ؟ = ليه انا ماحلف فقط من شان غايـه ليه بي شمـت ياخلـي حسـودي = لين كـل قـال ههههـاي بقفااايـه دمعي اللي عانـق لخـد النفـودي = كانت كفوفك بـه اولـى بالعنايـه وكم سهرت الليل والعالم رقـودي = لين نجم الصبح نادانـي كفااااايـه ولايزال الدرب قدامـي صعـودي = ولاتزال احلامي القشـرا ورايـه ولايزال الحزن في نغمات عـودي = ولاتزال اوتـار قلبـي بالشكايـه ميـر شكوايـه لربـي ومعبـودي = لالغيره ... واسـال الله الحمايـه ولاتزال برغم هجرك والصـدودي = لاتـزال آيـة ورب البيـت آيـه وافي ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#58 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
لا ادبر ظلام الليل واستطيب الـلاش = للنـوم عافـت لـذة النـوم عينـي كنه يحش القلـب ياعلـي حشـاش = وعليك بأبـدي يـا العتيبـي كنينـي مثل الصويب اللي عن القوم منحاش = جرحه عطيـب وشافهـم لاحقينـي ثم استلاذ وصار فـي زرب حنـاش = حوله ويسمـع هرجهـم جاهزينـي واسباب ما حرك خفا القلب واجتاش = يابو حسـن بعـدي عـن الوالدينـي من عقبهم والحال مني علـى مـاش = الدمع لـي مشـرب وزادي ونينـي وينفعني الشرقي الى هـب واعتـاش = على هـوى منهـم لـك الله يجينـي والله لولا الخوف من هرج الاوبـاش = واخاف من هـرج القفـا ياضنينـي لاسري لهم لوني على عكف الارماش = ومجودٍجمـر الغضـا فـي يدينـي لو مفرشي شوك وثوبي من الشـاش = بجوارهـم كنـي مـن المترفيـنـي لكن انا باصبر ولي عـزمٍ وجـاش = من خوف يضحـك واحـدٍ مايبينـي ودنياك ماتأتـي لنـا هـدو وبـلاش = والصبـر دايـم عملـة الغانميـنـي وسهمٍ يصيبك يابن الاجواد مـاراش = واللي كتب غصـبٍ عليـه يجينـي هذا وانا ماني علـى الشعـر هبـاش = اختار من جـزل المعانـي سمينـي وصلاة ربي عد مـا هـل رعـاش = على الرسول وعد من قـال آمينـي حسن المحمدي ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#59 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
من اللي قال لك بانسى ؟ كرمتي يكذب اللي قال = من اللي لك حكى عني عسى غاليه يحكي به عسى تصفق عليه امه يديها وترفع الولوال = وعساه لجرح وافي مثل ماحكيه جرحني به عنود الصيد مانساها ولو ان المفارق طال = انا وشلون ابانســى واحد لطفه غـــمرني به انا وشلون بانسى من عليها الدمع هل ليال = وانا وشلون بانسى من دمـوعه غرقت جيبه انا وشلون بانسى من لها وسط الحشا منزال = انا وشلون بانسى من غلاي اكـبر عذاريبه انا وشلون بانسى من لها رمش العيون ظلال = انا وشلون بانــسى واحد طيــــبه ملكني به كرم حاتم وعطف ام اليتامى بوصفها تختال = وبن شـــداد نالت وصـــفه بليل عوى ذيبه عزوم الشيخ ابوها ماتردت في سبيل الخال = عريب وعرّب المنسب ولاخابت مطاليبه وجت بنت الكحيلة وصفها يضرب به الامثال = وضاعن الحروف بوصفها من وين تبدي به صهيل الخيل يجذبها ويتعب باثرها الخيال = وتخطيها سهومه يوم كل سهومها تصيبه اصيلة من قبيلة فخرها مشهود بالافعال = لها بالمــــجد تاريخ يـــــشرفها تـماري به لها بالقلب مكنون الغلا لو زلت ماينزال = وفيض القلب من باقي غلاها الدم يسري به وغابت عن عيوني وتركت صورة كما التمثال = بوسط القلب حال انــــساه لحظة فكرتني به وضاعن الرسايل واستحالت خدمة الجوال = وعن صوته ماعاد اظن يكفني مكاتيبه وساعات الفرح زلت وحل بقلبي الزلزال = زماني لو صفى لابـــده يـــكدر مشـــاريبه حسيبك يازمن فوق الشفاه لبسمتي تغتال = وتسرق دمعة افراحي لشمع العمر تطفي به حرام دموع مغليها تعانق خدها والشال = دخـــــيلك دوك عذبني وعطني عنه تعذيبه رخصت وله رخص حالي ورخصت دمعة الرجال = ورضيت بما كتب ربي مثل مانتي رضيتي به ولو ان السعادة تنشري بالحال وايا المال = رخصنا كل غالي للي اغلى منه نصخي به سقى الله يازمان فات عشنا به كما الاطفال = قــــــلوبٍ ساهــــية ليل المواجع ماتغني به بعكس اليوم ياسبحان رب غير الاحوال = وصار الامس ذكرى تصبح بقلبي وتمسي به تفرقنا وصرت اسامر دموعي على الاطلال = أؤنب قلـــــبي ودمــــــعي يجــــاوبني لتانيبه على الذكرى عزفت الصرخة ولحنتها موال = مصيبة فرقة الــــغالي مصيبة والله مــصيبة عسى من رد يوسف لي يردك مستريح البال = وانا يارب صــــبرني يالـــــين الغالي تجيبه وافي ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
#60 | |||||||
أسطورة الوئام
![]() ![]()
شكراً: 0
تم شكره 3 مرة في 3 مشاركة
|
![]() ![]()
عمـر الهوى مضـى بحسوفه = عمــر الجفــا عيــا يروح عمـري مضى وانتـا تشوفه = عـمــــرك مـضـــى شحوح حـس فيني عييت لا تروفه = وانتا في سـكاتي البوح طيفي سـرى وهمومٍ تحوفه = وطيـــفٍ رخـص له النوح وينك يا نور عينٍ شغوفه = يا مشقي الوقـت والروح تعبت ارتجي بالمكان شوفه = يا ريح وردٍ عطـره يفوح معازيم الفرح تبكي دفوفه = غديـت بليل البكى فروح عبرةٍ تجيك بعبرةٍ مدفوفه = بيبقـى بي الحـب وتروح لاغديتـي من الناس نوفه = تنهد بخفايا قلبي صروح وقتٍ صفا خانت به ضروفه = وقتٍ يعيش الفرح مجروح لا اعلنت حبه تبدى خوفه = برجفات صـوته المبحوح حـب الشـقا نفسي تعوفه = ومنه بنفسي كثر الجروح بعض القصيد تقتلني حروفه = وتحييني ظلال الأمل روح المـلـتـــاع ![]() . . |
|||||||
اللهم استرني فوق الارض و تحت الارض و يوم العرض
|
||||||||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
من ارشيف الذاكرة .. | أبو خـ البجادي ـالد | بوحْ الشعِر والنثر .. | 16 | 20 / 06 / 2003 46 : 02 PM |
هل أجد الوئام بينكم بمنتدى الوئام | الدكتورخالد | ملتقى الأصدقاء | 20 | 20 / 04 / 2002 26 : 02 AM |