لغز من المستوى العالي - الصفحة 5

**الحب مشاكل** ● · 15 / 02 / 2008, 30 : 05 PM

اقتباس:

المشاركة الأصلية كتبت بواسطة الحب مشاكل

--------------------------------------------------------------------------------

السلام عليكم
هذا هو اللغز

عالي مقامه تحت الاقدام ينداس

رفيع لكنه على طول واطي

له بالمجالس هيبة مالها اقياس

مصيونة عند الرجال السواطي

نبراس راس اللي عشق هومة الراس

بالبر وايضا بالبلد والشواطي

ماهومن الجوهر ولاهو من الماس

اكبر مقام ودوم حدر المواطي

تم سحبه / ومشكوررررر على كل من حاول يحله

**,؛, جـنـــان ,؛,** ● · 15 / 02 / 2008, 56 : 05 PM

..

يمكن

فنجان القهوة

..

**,؛, جـنـــان ,؛,** ● · 15 / 02 / 2008, 58 : 05 PM

..

وليه يسحب ..؟

خله لين تُعرف الإجابة ..!

..

**الحب مشاكل** ● · 15 / 02 / 2008, 05 : 06 PM

هلا جنان
اجايتك غير صحيحه

تم سحبه لان اللغز اول مشاركاتي

وثقلت على اخواني وخواتي باللغز هذا

**محمد الفارس** ● · 15 / 02 / 2008, 06 : 07 PM

الحب مشاكل حنا مانبيك تسحبه

نبي نعرف حله

بنشوف اللغز مليان والا لا

مع انك كفو وماتجيب الا المليان

بس نبي الاجابه والحل لو تكرمت

**الحب مشاكل** ● · 15 / 02 / 2008, 02 : 09 PM

اهلين الفارس

يسلم راسك

كل مجالس الرجال لها صدر مجلس
صح او لا
والحل هو

صدر المجلس

واذا تطلبون توضيح اكثر
حاضر ماعندي مانع

**محمد الفارس** ● · 16 / 02 / 2008, 06 : 04 AM

صح لسانك الحب مشاكل

والله العظيم اني فكرت فيها وجيت برمعها وبعدين سحبتها نقره لعرض الصورة في صفحة مستقلة

يعطيك العافيه

**الحب مشاكل** ● · 16 / 02 / 2008, 54 : 07 PM

اهلين الفارس

ههههههههههههههه

ودي اصدق

**محمد الفارس** ● · 17 / 02 / 2008, 41 : 12 AM

اقتباس:

اهلين الفارس

ههههههههههههههه

ودي اصدق

افااااا

كنت منتاااااااز لين رديت هالرد !!

ليه الحلف بالله العظيم اللي تحت مايكفي انك تصدق؟!! نقره لعرض الصورة في صفحة مستقلة

**الحب مشاكل** ● · 17 / 02 / 2008, 01 : 01 AM

اهلين الفارس

لالالالالا

تفكر غلط

بس كانت رمعاتك حيل بعيده

هذا القصد لا اكثر ولا اقل

وارد واقول الله يعافيك من كل شر