8
8
بالفجـر انـا امّيـت للمسلميـنـي = يوم المطوع غـره المـذّن الديـك
امّيتهـم لـو بعضهـم مايبيـنـي = وان ضاعت الفرصة فلا عاد بتجيك
قريـت واجهـر زود بالظاليـنـي = وبفم واحد قالـوا آميـن وارويـك
ارويك من سيل الدعـاء ياضنينـي = وكل على النية وانا بالدعاء اعنيـك
يـارب سامحنـي وهـذي يدينـي = باسمي وباسم اللي يصلون تدعيـك
ادعيك ودموع الفرح وسط عينـي = يوم اتذكر قولك اطلب وانا اعطيـك
والعـذر يامـن بالهـوى مبتلينـي = واقبل دعاء شخص يحبك ويغليـك
ابيـك تعـرف حالـة العاشقينـي = وابي الدموع اللي تضحكك تبكيـك
ابي صدى اناتـك يعانـق انينـي = وابيـك بالآهـات تحيـي لياليـك
ابيك تعرف فـرق حـر وسجينـي = وابي تعرف القيد وشلـون يدميـك
ابيك تعرف كيـف مـرت سنينـي = مابين سجن وهجر سيـد المماليـك
حتى تمنـى قولتـي لـك تجينـي = وحتى قبل ماقولهـا تقـول لبيـك
.
.
.