[النبض الحزين ●]

فـي فـوادي مـن حطـب شيـخٍ ضيوفـه شـيـوخ ........ جـمـرةٍ يـغـري سـنــا نـارهــا أكـبــر مـوبــذان
مـــن جـنــونٍ دوخـتـنــي وعــيــت لا تــــدوخ ........ والمـجـنـن زادوا جـنـانـهـا الـسـابــق جــنــان
ليـت شعـري أيــن أمـسـت مـلـوكٍ مــن تـنـوخ ........ عـــودت أحـداثـهـم مــــن أحــاديــث الــزمــان
يـامـرقـصـة الـجـمــل يـامـقـرنـسـة الــفـــروخ ........ مــن طـمـان نفوسـكـم نازلـيـنٍ فـــي الـطـمـان
عـالــمٍ لـبـسـوا ثـيــاب الـدهــاة وهـــم دلـــوخ ........ أوردتـهـم حـــوض فـرعــون قـفــزه بـهـلـوان
لا نـجـوا مــن فــخ طـاحـوا بـــآلاف الـفـخـوخ ........ عشرهم فـي مجلـس العـم سـام أضحـت ثمـان
وشرهة الطوخي على من حضر من أهل طوخ ........ لأنتصـب حــد السـنـان إرتـخـى حـبـل العـنـان
فـي حضـور المسـخ الأكبـر تعشتـنـا المـسـوخ ........ وأردفـونـا فــي ظـهــر بكـرتـيـنٍ مـــن عـمــان
العـوض فـي قبـة البيـت الأقصـى بـيـت كــوخ ........ وكــل حـربـة عــود زانٍ عوضـهـا عــود بــان
لا بــدا الخـافـي وبـاخـت عـلـوم الـقـوم بـــوخ ........ للـمـذلـه فـــي وجـــه ربـهــا شــاهــد عــيــان
صفعـةٍ فـي الخـد مــع ضربتـيـنٍ فــي النـفـوخ ........ روعـت خورشيـد باشـا وهـو فــوق الحـصـان
ماجـنـه تحـمـل يـداهــا تـســع حـبــات خـــوخ ........ سـرهـا عـنـد آل حـسـان والـبـيـض الـحـسـان
مــن كـبـر شــرخٍ معـانـا تصاغـرنـا الـشـروخ ....... نـدرق فـي القـرع مــع كــل قـرعـة صولـجـان
الـسـلام الـلـي يفـسـر لـنــا مـعـنـى الـرضــوخ ........ لـيـس إلا الـمـوت فــي كـفــنٍ مـــن طيـلـسـان
والشمـوخ اللـي عـلـى ذل لــو سـمـي شـمـوخ ........ المقـابـر مـنـه أعـظـم شــرف وأطـهـر مـكــان
الكـرامـه جـوخـةٍ مــن نفـيـس الـجـوخ جــوخ ........ ما تناسـب مـن قصـر بـه عـن الطـول الهـوان
واعـذابـي مــن يـنــوخ جـمــال هـذيــل نـــوخ ........ قـبـل لا يهـتـز مـــن سـاســه الـركــن الـيـمـان
الـطـعـون طـعــون يـالـلـي تسمـيـهـا مـشــوخ ........ ولا يـحـقـر ثـــاره إلا الـجـبـان بـــن الـجـبــان
ياحـفـرنـا عـدنــا لـيــن يـآتــي لــــه نــضــوخ ........ يــا ناديـنـا فــي خـبـر كــان يـامـا كــان كـــان
أمـــة مـــا للـقـيـم فـــي ضـمـايـرهـا رســــوخ ........ مـجـدهـا مـــاءٌ تـبـخـر عـلــى هـيـئـة دخــــان


ناصر الفراعنة

[الحسـام ●]

بسم الله الرحمن الرحيم



رغم الفضاء .. رغم اتساع المساحه ... اصبحت انا والهم فيه انتصـــارع




حسام الشعر

[اسطورة الخريف ●]

ابدعت في عذابي


تبعـت دروبـك وتعـثـرت ومشـيـت
تخطي واتحمل خطاك واحفظك واصونـك

تحملت الألـم والآه ولا عمـري شكيـت
اعاتب وألـوم اللـي بالشيـن يطرونـك

اصبحت على الهم وعلى الحسرة امسيـت
وتحملت طعناتهم وكل خوفـي يطعنونـك

اخلصت لك في صحبتي ولجلك انا ضحيت
اهديـت لـك عمـري وقلـت ممـنـون

انا اللي وعدتـك وبوعـدي لـك وفيـت
وحلفت لـك مهمـا جـرى مـا اخونـك

وفـوق كـل هـذا علـى قلبـي قسيـت
طعنت قلب صانك ومسح دمعـة عيونـك

غدرت فينـي وتغيّـرت وعليّـا وطيـت
جرحتنـي ليـه ؟ وكشـرت بسنـونـك

ابدعت في عذابـي وعلـى قتلـي نويـت
رفعت سيفك علـيّ وعيونـي ينظرونـك

ولو تكسـر قلبـك دموعـي والله بكيـت
مير انت قاسي وما ترحم مـن يسألونـك

اذبحنـي كانـك علـى ذبحـي قـويـت
وش لـي بدنيتـي يـا حبيبـي بدونـك

"ياحبيبي" قلتها واعرف انـي مـا نسيـت
حـبٍ قضيتـه وانـا اسيـر لعيـونـك

لا اعلم اسم الكاتب

كلمات اعجبتني منقووووووولة

[الحسـام ●]

بسم الله الرحمن الرحيم



لو كنت مرجوج واخلاقي تجاريه ... كان ابتلشت و بلشت وربي اشقاني




حسام الشعر

[ملك بلا مملكه ●]

لاواهـنــي يــا طـيــر مــن هــو مـعــك حــام
............. ولا أنــت تـنـقــل لــي حـمـايــض عـلـومــي
إن كـان لا مـن حـمـت وجـهـك عـلـى الـشـام
............. بـيـسـر مـعـيـب سـهـيــل تـبـغــي تـحـومــي


بيتين من قصيدة حمايض علومي

للشاعر راكان بن حثلين

[الحسـام ●]

بسم الله الرحمن الرحيم


مدري ولو ادري تداركت الأيام = واخذت من ساعات الأيام ساعه
اعيش بالدنيا كما عيش الايتام = واضحك واساير رفقتي والجماعه


تحت الانشاء !!




حسام الشعر

[سديم ●]

ليل ياليل .. يوم النـاس سمّـوك ليـل = هو عشان السهر وإلا عشان المنام ..؟
شف عيوني وشف وشلون جسمي نحيل = لعنبو هالغرام إن كان هذا الغـرام ..!
آه ياقلبـي اللـي مابقـى فيـك حيـل = من كثر ماطواك الشوق ولـد الحـرام
قلت لك لاتميـل إن طعتنـي لاتميـل = بس هذا أنت ملت وماسمعـت الكـلام

//

//

فهد المساعد
.
.
.

[سديم ●]

.
.
.

[wafei ●]

موحش الدار من دونك يا تاج البنات =والبلد عقب سافرتي بليا بيوت
كن هذي الرياض إنسان غالي ومات=وافتقدته وأنا محتاج له لين أموت
الشوارع من الوحشة تصب السكات=في بعض لين صرت ابكي بدون أي صوت
مالي إلا انتظارك مع ظروف الحياة=لو سنين العمر قدام وجهي تفوت
يا مها يا طفل عابث ويلبس عباة=كن وجهك ضيا من شمس وشفاك توت
وان مشيتي تقول الأرض ويش السواة=ودها تشربك والغيم جاء للخبوت
ارجعي ذا بحر حزني يا طوق النجاة=يصطفق والحشاء جاء له ما جاء لليخوت
قربك الجنة الدنيا وحضنك فرات=والجفاء زاوية فيها شبك عنكبوت
كم لي امشي لوصلك وأكثر الالتفات=وكم لك تصدق انه من ذهب هالسكوت
جبت لك عذر لو تخطين لين الممات=ما زعل منك قلبي يا مها لو يموت!

نايف عوض

[wafei ●]

رميت من التعب مفتاح قلبي في يدين الضيق=على درب احتضار الجرح جيت بجرحي الثاني
مادام ان الشقا يجتاحني مع قلة التوفيق =تبى تبطي مشاريه العيون تراقب احزاني
تخاطفني هواجيس الرحيل ورغبة التحليق=وتحجزني مسافات الطريق المظلم الفاني
متى ما تورق غصون الندم وسط الخفوق تويق=وانا اللي ما قطفت الورد لكن شكله اغراني
سرقت الحلم في غفوة زماني ما انتظرت يفيق=ولونته على كيفي ولكن ضاعت الواني
اشوفك يا النهر حولي ولكن ما تبل الريق =والادهى والأمر اللي على ضفتك عدواني!!
على درب احتضار الجرح طايح في يدين الضيق=رميت من التعب مفتاح قلبي ( أقصد الثاني )!!

" زايد الرويس "